لگەل نێزیکبونا هەلبژاردنێن پەرلەمانێ ئێراقێ هەروەهاژى پەرلەمانێ کوردستانێ ئاخفتن کەتیە سەر کاندیدان و ژیاننامە و باگرەوەند و رابردوو و باوەرنامەو کوکا وان بابەتێن تورێن کومەلایەتیژى هەر ئەڤەبویە گەلەک کادرێن پارنى بخوە نەرازینە کو کورێن ئاغا و بەگان بێنە کاندید کرن ژبو پەرلەمانى ب بهنا هندێ کو ئاغا ددەمێ خوەدا چەکێن بەعسیان وەرگرتینە و هلگرتینە دژى شورشێن کوردى یانژى دناڤ شورشێدا نەبون وبەرگرى ژ ئاخا وەلاتى نەکرینە .هەلبەت پرانیا کەسێن کو گلى گازندان دکن لسەر کاندید کرنا کورێن ئاغا و شێخان و بەگان کادرێن دلسوزێن پارتینە گازندێن وان ژ دلبێشیا وانن ژبو پارتیا وان لێ جەند خالەکێن هەنە دڤیا ئەڤ کەسێن هە یانژى ئەڤ کادرە لپێش چاڤ وەرگرن خالا یەکەمین : جارێ 27 سال بسەر سەرهلدانا پیروزا گەلێ مە ل بهارا 1991ێ ڤە بورین ئەو سەرهلدانا ڤان مستەشار و بە گ وئاغواتان رولێ سەرەکى د بەرپابونا وێدا دیتى .
خالا دووەمین: جەنابێ سەروک بارزانى و بەرەیێ کوردستانى ب بریارەکێ هەموو مستەشار و کەسانێن کو دەست دگەل رژێما بەعسا ژناڤچوى هەبون عەفو کرن و لێبورنێ ژوان گرت و ئەڤە 27 سالن ئەڤ کەسانە کەتینە دوارێ خزمەتێدا دناڤ دام و دەزڤەهێن میرى و حزبى.
ئەم ژبیر نەکین د پروسێسا هەلبژاردناندا و ل هەموو جیهانێژى هەر پارتیەک پێکولێ دکەت ب هەر رێکەکا هەبە پرانیا دەنگان کوم بکە و بکەڤە پێشیا ئالیێ رکابەر هەلبەت پارتى دیموکراتى کوردستانژى یەکە ژوان پارتیێن کو د کەڤە د رکابەریێدا ژبو بدەستڤە ئانینا پرانیا دەنگان.
خالا سێیەمین : کو بدیتنا من خالەکا هەرى گرنگە ئەوژى دەڤەرا جوگرافى یا هاندەرێن پارتى ئانکو دەنگدەرێن وێ نائێتە ڤەشارتن کو ستویرى و گرانیا دەنگدەر و ئالیگر و هەوادارێن پارتى دەڤەرێن هەولێر و دهوکە و ئەگەر ئەم مێزەى پێکهاتا ڤان دەڤەرا بکین بخوازین نەخوازین دەستهەلاتا خیلەکى و عەشائیرى لێ بالا دەستە و ئاغاو بەگژى تا رادەیەکێ خوەدى هەژمونن کەواتە ب شێوەیەک ئوتومات ئەو پارتیا بڤێت دەنگان بدەستڤە بینیت دڤێت هندەکان ژڤان کەسان کاندید بکت ژبو بدەستڤە ئانینا دەنگان و بدیتنا من کیژان پاتیا دیژى ل جهێ پارتى دیموکراتى کوردستانبە دێ ئەینى پێنگاڤ باڤێت چونکى مە ل چەند رێزێن بوریدا گوتبو مەرەم ژ هەلبژاردنان دەستڤە ئانینا پتریا دەنگانە ژبو وەرگرتنا پتریا پوستان د حکومەتا داهاتیدا کو ژ ئەنجامێن هەلبژاردنان دێ هێتە پێک ئانین دیسان خالەکادن دخوازم ل بیرا خویندەڤانان بینم نابە دڤان جورە پروسێس و کاراندا خوە بەراوردی سوێد و نەرویج و فینلەندە و هولەندا بکین ئەڤە راستیەکە دڤیا بزانین ئەم ل روژهەلاتا ناڤین دژین و دڤیا هیچ نەبە د رەوشا نهادا مینا روژهەلاتا ناڤین هزر و رەفتار بکین هەرچەندە ب بێ دوو دلیەڤە ئەز دشێم بێژم دوارێ دیموکراسیەتێدا ل روژهەلاتا ناڤین دا پشتى ئیسرائیل و لبنان هەرێما کوردستانێ ب پلەیا سێ یەم تێت هەرکەس دشێت بو خوە ل پەى راستى و نەراستیا ڤێ چەندێ دیڤچونێ بکە لێ براستى ئەم وەکو کادرێن پارتى دیموکراتى کوردستان دخوازین کاندیدێن مە هەموو ماموستایێن زانکوێ و کەسێن پروفیشینال بن د هەموو بواراندا لێ دورهێل تشتەکە و هیڤى و حەز و ڤیان تشتەک دنە ئەم ب هیڤینە پارتیا مە پارتى دیموکراتى کوردستان دیسان پارتیا یەکەمینە و مە هیڤى هەنە