- بینراو: 551
------------------------ نڤێسین / وارهێل محی الدین--------------------------------
هنده‌ك پروپاكندێن بێ بنه‌ما و خاپینوك ىێن هنده‌ك كه‌سێن سافا د ئه‌لیف بێتكێن سیاسه‌تێ دا دكه‌نه بهانه و ئاسته‌نگ د به‌رده‌م ده‌وله‌تبونا كوردستانێ دا ده‌مێ د بێژن:
* پارتى دیموكراتى كوردستان شیانێن راگه‌هاندنا ده‌وله‌تێ نینه چونكه ئه‌مریكا پشته‌ڤان نینه یان ژى وه‌لاتێ جیران د په‌یوه‌ندیێن خراب دانه دگه‌ل پارتى .
* یان ژى دێ بێژن پارتى د ناڤ خوه‌دا توشى قه‌یرانا جه‌ماوه‌رى بویه ژبه‌ر ئه‌ڤ بارودوخێ دارایى ل هه‌رێمێ .
* یان ژى دێ بێژن پارتى دگه‌ل هێزێن كوردستانى نه شیاییه ئێكرێزیا نه‌ته‌وه‌یى و سیاسى ب پارێزیت .
كه‌كو ده‌وله‌ت باوه‌رناما زانكویێ نینه دێ ب ده‌ستخوه‌ڤه ئێكى و بیه ده‌وله‌ت ! ده‌وله‌تێ كه‌س دیارى ناده‌ته كه‌سێٍ ، ده‌وله‌تبون حه‌زا خه‌لكیه و خه‌لك دڤێت بو خوه ده‌وله‌تێ ئافا بكه‌ت .
هێزه‌كا وه‌كى ئه‌مریكا خودان به‌رژه‌وه‌ندیێن به‌رفره‌هـ یێن سیاسى و ئابورى ل سه‌رانسه‌رى جیهانێ مه‌جبور نینه بو خوه دوژمنا چێبكه‌ت ژبه‌ر ده‌ولتبونا كوردستانێ ل ده‌مه‌كى دا هێشتا هنده‌ك هێزێن سیاسى و خه‌لكه‌كێ نفستى دڤێت پاشگویێن تورك و فارس و عه‌ره‌بابن ژبه‌ر به‌رژه‌وه‌ندیێن خوه یێن به‌رته‌سك .
باشترین نمونه كو دیاردكه‌ت پارتى خودان جه‌ماوه‌ره‌كێ بهێزه ئها ئه‌ڤ قه‌یرانا داراییه سه‌ره‌رایى ڤان هه‌مى مه‌عاناتێن خه‌لكێ مه دبینیت دڤێ قه‌یرانێ دا ل هه‌مى ده‌ڤه‌رێن پارتى لێ حاكم خه‌لك یێ به‌رخودانێ دكه‌ت و دبهێن فره‌هن ژ پێخه‌مه‌ت وى پروژێ نه‌ته‌وه‌یى ئه‌وێ پارتى گرتیه به‌ر كو ده‌وله‌تبونه ، ب رووژانه ئه‌م یێ پێشوازیا جه‌نازێن شه‌هیدێن خوه دكه‌ین به‌لێ ل سه‌ر ڤى بارودوخێ خه‌لك تێدا هێشتا گه‌نجێن مه خوازیاری هندێ نه كو شه‌ره‌فا پێشمه‌رگایه‌تیێ پێ بهێته دان و خوینا خوه ژ پێخه‌مه‌ت وێ ئارمانجا نه‌ته‌وه‌ییا پیروزا پارتى دیموكراتى كوردستان برێژیت ئه‌وا د دوو شوره‌شادا پارتى كریه ئارمانجا خوه‌یا سه‌ره‌كى و به‌رده‌وام تا رووژا ئه‌فروژى قوربانى بو دایى .
هه‌ر ده‌مه‌كێ پارتى بڤێت په‌یوه‌ندیا ل سه‌ر حسابا پیروزى و حه‌ز و به‌رژه‌وه‌ندیێن خه‌لكێ كوردستانێ و خوینا شه‌هیدا دگه‌ل ده‌وله‌تێن جیران خوش بكه‌ت دێ ئه‌و هێزێن سیاسى ئه‌وێن ئه‌فروكه دژایه‌تیا پارتى دكه‌ن ل هه‌ر چوار پارچێن كوردستانێ دێ هێنه ژبیركرن و په‌رده‌پوشكرن ژ لایێ هه‌مى دوست و موریدێن خوه‌ڤه دێ توز گرتى لێ هێن و هه‌ر كه‌سێ حه‌زا دیتنا وان نابیت
هه‌ر حاكمه‌كێ حوكمرانیێ ل عیراقێ بكه‌ت نه‌بتنێ ده‌وله‌تى دیارى ناده‌ته‌مه به‌لكو خوازیارێ هندێ یه كو ئه‌فا هه‌ی ژى ژمه بستینیت . جونكه كه‌س نه مه‌جبوره ڤێ به‌رپرسایه‌تیا مێژویى دناڤ وه‌لاتێن خوه‌دا بو خوه دروست بكه‌ن .
ژبه‌ر هندێ دبێژم ده‌وله‌ت مافێ مه‌یه و كه‌س چ خێرا دگه‌ل مه ناكه‌ت ده‌وله‌تێ ب ده‌ته مه .. و كوردێن ب خیره‌ت و خودان كه‌رامه‌ت و ئه‌ڤى مافى دخوازن و ب سه‌دان ساله د تێكوشینا مرنێ دا خه‌باتێ دكه‌ن و دێ د به‌رده‌وام بن تا بگه‌هنه ده‌وله‌تا كوردى
و پارتى دیموكراتى كوردستان رابه‌رایه‌تی و پێشڤه‌برنا پرووژێ نه‌ته‌وه‌یى یێ خه‌لكێ كوردستانێ دكه‌ت و هه‌ر هێزه‌كا سیاسى مل بده‌ته به‌ر ڤى پروژێ نه‌ته‌وه‌یى دێ د دیروكێ دا ب پیروزى مل ب ملێ پارتى دیموكراتى كوردستان هێلیت و هه‌ر هێزه‌كا دژایه‌تیا ڤى پروژه‌ى بكه‌ت دێ هێته نه‌عله‌ت كرن و شه‌رمزاركرن ....
نه‌مرى و سه‌ربلندى بو شه‌هیدێن كوردستانێ
و سه‌روه‌رێ وان بارزانیێ نه‌مر و كاك ادریسێ جوانه‌مه‌رك