خهلكێ دهۆكێ نههاتيه بێدهنگكرن ..... ئاشتي عهگيد
14:12:09, 19-05-2010
ل شهڤا ئێكشهمبي (5/9) و د گهرهكا دهنگ و باسێن كهنالێ (كهي ئێن ئێن)يێ سهر ب گۆڕان ڤه، كاك نهبهز ێ نڤيسهر ل گوڤارا (لڤين) هات بوو مێهڤان كرن و د شروڤهكرنهكێ دا ل سهر روودانا پر ب مهترسيدارا كوشتنا قوتابي (سهردهشت عوسمان) قوتابيێ كوليژا ئادابێ ل پشكا زمانێ ئينگليزي ل زانكويا سهلاحهدين ل ههولێرێ، گوت: ئهم خهلكێ (سلێمانيێ) ژ ههر تشتهكي بێدهنگ نابين ، چونكه دهستههلات نهشێت مه ژي وهكي خهلكێ دهۆكێ وههولێرێ بێدهنگ بكهت!! ئهم دبێژينه كاك نهبهزي دهستههلات نهشێن خهلكێ چ جهان بێدهنگ بكهن! ب تنێ ئهڤ رهوشتێ خهلكێ دهۆكێ دزڤريته بۆ دلسوزي و وهفاداريا وان بۆ قوربانيدان و زهحمهت كێشانا وان ژبۆ ب دهستڤهئينانا ڤي دهسكهڤتا ئهڤرۆ ئهم تێدا ب ئازادي دژين و رێزگرتنا وانايه بۆ دهستههلاتا وان بۆ خۆههلبژارتنێ، بهلێ يێن وهكي وه و وي جهێ هوون بۆ كاردكهن، كو ههموو دهستكهڤتهكي ب خراب و كرێت دبينن و وهسا نيشا خهلكي ددهن و وه وهسا دڤيا كو ئهو خهلكێ وه ب بێدهنگ تاوانباركري ژ لايێ دهستههلاتێ ڤه، ههر وهكي وه و ههڤالێن وه بير بكهن، داكو بێژن دباشن، بهلێ بلا ياديار بيت بۆ ههوه كو خهلكێ دهۆكێ چ جارا وهكي ههوه ب سادهيي تهماشايي چ كاران ناكهن، چونكه دهۆك مهلبهندێ شورهشا بوويه و بهايێ ئهڤرو باش دزان و خهلكێ دهڤهرا مه پشكهك بوويه ژ وان شورهشان و ماندي بووينه تا ئهڤرۆ ب دهستڤه هاتي. ئهڤجا چاوا خهباتا خۆ گوري هندهك حهز و داخۆازێن نهرهواێن هندهك كهسان بكهن، دا بێژن خهلكێ دهۆكێ ژي وهكي مهنه ب دژي دهستههلاتێ! بۆ زانينا وه، خهلكێ دهۆكێ چ جاران زورداري ژ چ كهسان و چ دهستههلاتان قهبول نهكريه و ناكهت، بهلێ ناچن ئاڤاهيێن حكومهتێ بهر باران بكهن، كو جهێن خزمهتكرنا وان ب خۆ نه، دا هوون ژێ رازيبن . دخۆازم ئهڤ چهنده تێرا هندێ بكهت كو كهسانێن مينا وه د رێزگرتنا خهلكێ دهۆكێ دا بۆ ههر كارهكێ بگههن.
88 جار خوێندراوهتهوه
ئهرشیف
