بەریا 120 سالان مینا ئیرو..عومەر سند

Decrease font Enlarge font قەبارەی فۆنت
total views:    62
image

ئەم ناچینە دیروکا روژنامەگەریا کوردى و ناخوازین قوناغێن سەختێن ئەڤ کاروانە تێدا دەرباز بوى بینینە زمان چونکى ب گوتارەکێ و دەهانژى ژ دەرهەق دەرناکەڤین ئەم نکارین ب گوتارەکێ یانژى پرتوکەکێ ژ دەرهەق رولێ بەدرخانیان دەرکەڤین .مادێ چەوا د گوتارەکا کورتدا کارین رولێ روژنامەڤانێ کورد مقداد مدحت بدرخان خوەدیێ یەکەمین روژناما کوردى بینینە زمان وبێخینە پێش چاڤێن خویندەڤانان؟ یان هەڤکارێن وى دکتور کامەران بەدرخان و عبدالرحمن بدرخان و سورەیا بدرخان و ئوسمان ێبری و قەدریجان.... هتد تنێ بناڤ ئانینا وان دخوازین وان لبیر بینین نە زێدەتر کو مروڤێن خوەدى هەژمون و جامێرینە لسەر مەدیاو روژنامەڤانیا کوردى و ئەو بونە بەرێ بنیاتێ دانیە و کارینە ناڤێن خوە ب تیپێن زێرین د دیروکێدا بنڤیسن ..کارینە ببن خوەدى ناڤێن هەرى ببها و پیروز و خوەدى کاریگەرى و گرانى کورد ئیرو ئو پشتى بورینا 120 سالان بسەر دەرکەفتن و چاپکرنا یەکەمین چاپەمەنیا کوردى کورد خوەدى حکومەت و پەرلەمانن و خوەدى ب دەهان روژنامە و کوڤار و تەلەڤزیونێن لوکال و سەتتلایت و سایت ومالپەرن ژبلى سوسیال میدیا ...کورد ئیرو خوەدى پێگەهەکى هەرى گرنگە د روژهەلاتا ناڤیندە دیسان لەیستکڤانەک بهێزە د هەموو هەڤکێشاندا . ل دەمێ یەکەمین روژناما کوردى بناڤێ ((کوردستان)) دەرکەفتى ئارمانجا سەرنڤیسکارێ ڤێ روژنامێ چەند خالەک بوون ژوانان :
کورد فێرى زمانێ زکماکیێ خوە ببن ئانکو ب کوردى بئاخڤن و بنڤیسن چونکى د هەبوونا گەلاندە زمان مەرجەک سەرەکیە،ب زمانێ خوە داخوازا مافێن خوە بکن کو زمانێ وان ئازادبە کورتیا وێ کورد ب کوردى بژین،دیسان ئەو ستەم و زولم وزورا لسەر وان ژبەر هەبونا وان کو کوردن رابە و نەمینە و وەکهەڤى دجڤاکیدا هەبە ژڤان هەمووانژى گرنگتر روژناما کوردستان ژ رژێما ئوسمانلیان دخواست کو کورد وەک نەتەوە بێنە ژمارتن نەکو وەکو وەلاتییێن تورک ،دیسان ژ کوردان د خوەست خوە کێمى هیچ نەتەوەیەک دن نە دەینن کو ژ کەسێ کێمتر نینن و کورد خوەدى مافن و مافێن وان هاتینە بنپێ کرن دڤیا ئەڤ یەکە راوەستە ..گەرەکە کورد بتایبەت زاروێن کوردان بخوینن داکو ب ئارمانجان را بگەهن کو ئارمانجا هەرى داوى رزگار کرنا کوردستانە و راگەهاندنا دەولەتا کوردیە دیسان ئەگەر ئەم روپەلێن هەموو ژمارێن ڤێ روژناما خێڤە لابدین دێ بینین کا چەند دلبێشە ژبو هەڤگرتنا کوردان .. کورد ل کیڤە دبە بلا ببە گرنگ ئەوە کوردبە و هەڤ بگرە خوەدى یەک ئارمانجبە ئەوژى رزگارکرنا کوردستانێ بە ژ داگیرکەران..سەربەخویا کوردستانێ ژ ئارمانجیچن هەرى سەرەکى یێ ڤێ روژنامێ بو ئارمانجا روژناما کوردستانا دایک رزگارکرنا هەرچارپارچێن کوردستانێ بو لەورا یەکەتیا کوردان دخواست سەرنڤیسکار میقداد میدحەت بەدرخان هەرتم داخوازیا یەکرەنگى و یەکدەنگى و تفاقا کوردان دکر دیسان روژناما کوردستان گرنگى ددایە فێربونا زمانێ زکماکى کو زمانێ کوردیە و دخواست مروڤێ کورد بتایبەت خویندەڤانێ کورد ب زمانێ خوە بزانە بخوینە و بنڤیسە بەروڤاژى شەرم و فەدیەکا مەزنە.. روژناما کوردستان د گوتارێن خوەدا بتایبەت گوتارێن سەرنڤیسکار مەدحەت بەدرخان دا گرنگى ددایە ڤى ئالى. ل چاخێ دەرکەڤتنا روژناما کوردستان چ ل کایرو یانژى ڤیەنا یانژى لوندن و جنێڤ و ڤولگستون  داوى ژمارە 30-31 ل جنێڤ دەرکەت ب کول و کوڤان و روندک ب داوی هات لوى چاخى مەدحەت بەدرخان مینا مریەکێ دهاتە دیتن خەونێن قوناغەکێ بداوى هاتن لێ ئومێد نەمرن دێ چیروکا روژنامەگەریا کوردى و دەستپێکا وێ لڤر بجه هێلین . دێ ئێنە سەر سفرا حازر و روژنامەڤانیا ئیرو پشتى 120 سالان مە کاریە چەند ڤێ پروسێسا مەدیایێ پیًشڤە ببین 120 سال ئانکو چەرخ و چارێکەک 120 سال ژ ژیانا روژنامەگەریا هەر نەتەوە و وەلاتەکێ ئانکو پێشکەفتنەکا گەلەک مەزن ..تنێ وەلاتێ من نەبت کو روژنامەڤانى ل وەلاتێ من ئیرو ژچارچوڤێَ حزبێ دەرناکەڤە هەلبەت ئەڤە داخەکا هەرى مەزنە کو بەریا 120 سالان روژنامەڤان و نڤیسەرێ کورد داخوازا وەلاتپارێزیێ دکر ئیرو سوختە و شاگردێن وێ رێبازێ داخوازا حزب پارێزیێ بکن نڤێسینێن وان لسەر پرت بەلاڤەییا گەلێ کوردبە لڤێرە ئەم دکارین بێژین هشیارى و ڤینا وەلاتى ل جەم روشەنبیرێ کورد بەرى 120 سالان ژ یا نها بهێز تربو کو ئەڤە بخوەژى کارەساتەکا مەزنە باوەرناکم ل هیچ وەلاتەکێدا هاتبیت رویدان ئەز دخوازم روشەنبیرێ کورد روژنامەڤان و نڤیسەرێ کورد مەدیاڤانێ کورد تنێ هزرا خوە د خالا رابهوریدا بکت داکو قەبارێ پاشڤەچونا خوە بزانە و بزانە کانێ ئەو چیا یان ئو کەڤر چەندا بلندە یا ئەو ژێکەتى و هاتیە بنێ ئەڤرازى بىێکو ئەو هەست بوێ کەتنێ بکە داکو بزانە چەند ئەو ژ وەلاتى و ڤیانا وەلاتى و وەلاتپارێزیێ دویر کەفتیە ئومێدامن ئەوە روشەنبیرێ کورد تنێ سوباهى یان دووسبا یان هەر روژەکێ ژڤان روژێن ئەم دەرباز دکین سپێدەهیەکێ دومێ خوە تەرخان بکە ژبو ڤەدانا روپەلێن روژنامێن کوردى یێن وێ روژێ و ل سایت و لاپەرێن کوردى یێن وێ روژێ مێزە بکە و گوهداریا مەدیایا کوردى بکە داکو بزانە چەند ژ هێلا وەلاتى و وىلاتپارێزیێ دوور کەتینە و کانێ چ گرێدان ب وەلاتێ دایکڤە ماینە