ل هەلبژاردنێن 2019 ێ رکابەرێ ئەردوگانى و پارتیا داد و وەرار کیە؟؟

Decrease font Enlarge font قەبارەی فۆنت
total views:    238
image

عومەر سندى /فریزلاند
دەمەکێ درێژە ئاخفتن لسەر وێ یەکێ هەبوو عەبدولله گول سەروک کومارێ بەرێ یێ تورکیا هەڤالبەندێ نێزیکێ ئەردوغانى سەروک کومارێ تورکیا یێ نها و یەک ژ ئاڤاکەرێن پارتیا داد و ەرارێ دیسان ڤەگەرە ژبو ناڤ جیهانا پولەتیکێ لێ نها بابەت ژ ئاخفتنێ دەرکەتیە و بو یە کریارو ڤە گەریانا گولى بوناڤا پولەتیکێ یا روهن بوى ل دەمێ بهورى عەبدولله گول لگەل احمد داود ئوغلو و على باباجان و جمیل چیچەک کو هە مووژى ئاڤاکەرێ پارتیا داد و وەرارن لگەل نێزیکى پێنجى پەرلەمەنتەرێن بەرَ یێ هەمان پارتى کومبونەک ساز کربون .ئەڤەژى گروڤە و نیشانێن جودابون و پارچەبونا پارتیا ناڤهاتینە ئەڤا لسەرى ئاخفتنا روژنامەڤان و شروڤەکارێ تورک نیهاد گەنجە.هەلبەت تورکیا وەلاتەک گرنگە د دەڤەرێدا وەکو وەلاتەک بهێز ژ ئالیێ ئابورى و لەشکەرى و جوگرافى لێ ژبو مە کوردان ژ هەموو کنارانڤە گرنگە لەوماژى نڤێسینژى لسەر پولەتیک و پێشهاتێن ڤى وەلاتى گەلەک گرنگە ڤى وەلاتى یانژى رژێما سیاسى لڤى وەلاتی بو ماوێ 100 سەد سالایە دەستێ دەینایە سەر مەزنترین پارچە ژگوردستانا چارپارچە ئەوژى باشورێ کوردستانێ یە هژمارا کوردان لڤى وەلاتى ژ 35 سیه و پێنج ملیونان دەربازبویە بێکو سادەترین ماف هەبن ئەڤەژى بلا بو گوتارەکا دنبە . ئەگەر مێزەى دیروکا وەلاتێ ترکیا بکین دێ بینى وەلاتەکە قەت ئارامیا سیاسى لێ پەیدانەبویە د ماوێ کێمتر ژ سەد سالان 3 دەستور هاتینە گهورین ژبلى راستڤەکرنا ڤێ داویێ 4 (دەربە) کودەتایێن لەشکەرىژبلى یا پێرار  65 شێست و پێنج حکومەت و دەستورێ نهاژى هەر بەرمایکێ وى دەستوریە یێ کەنعان ئێڤرین و گروپەک گەنەرالێن لەشکەرى پشتى کودەتایا سالا 1980 دەیناى هەموو پارتیێن تورکى د پەرلەمانیدا داخواز دکن کو دەستورەک نو وەرە دەینان لێ پشتى دوو سالان ژ دیالوگ و دان و ستاندنان لسەر ڤى بابەتى لیژنا دەستورى د پەرلەمانیدا نەکارى ڤێ داخوازێ بجه بینەتشتێ بالکێش ژبو شروڤەکاران و یێن پسپور د کار و بارێت تورکیادا کو پشتی پشتى پارتیا داد و وەرار هاتیە ئاڤاکرن لسالا 2001 ێ ب سەروکاتیا سەروک کومارى نها رجب ئەردوگان  و ل سالا 2002 ێ دەستهەلات وەرگرتى ئوپوزسیونا تورکى دهەلبژاردنێن پەرلەمانى و شارەداریاندا سەرکەفتن بدەستڤە نە ئانینە هەر تم وتم پارتیا داد و وەرار سەرکەفتى بویە و دەستهەلات بویە ، ئەڤە بویە 16 سال ددەستهەلاتێدا لێ ئەڤ پارتیە قەت جارەکێ هندە حێج و حەمەر وگورخوەش نەبویە وەکى جارا ل 16 ى ئەپریلا دەربازبوى 48.59% ل رێفراندمێ ئیناى چونکى بەرەیەک بهێز بەرسینگێ وێ گرتبو و ژ ئالیک دن ریفراندمەک چارەنڤیسسازبو ژبو کەسایەتیا ئەردوگانى بخوە ژبەرهندێژى ب سەرەک بلند و سینگەک بەرفرەه یێ خوە ئامادە دکە ژبو هەلبژاردنێ داهاتی ل سالا 2019 ێ ئوپەراسیونێن لەشکەریژى ل باکورێ کوردیتانێ دژى پارتیا کارکەرێن کوردستانێ و قەندیلى هەروەها هێرشێن ل دژى روژاڤایێ کوردستانێ بتایبەت ئەفرینێ پشکەکە ژ هەوا هەلبژاردنان ل داوى گوتارێن خوەدا دوهى 16/01/2018 ل هەمبەر فراسیونا ئاکەپێ ئەردوگانى سوزا هەرفاندنا ئەفرینێ دایە دەنگدەرێن خوە و گەف ل ئەمریکاژى کرن و ئەو لسەر تێلا دژاتیا ئەمەریکا کوردان ئاوازان لێ ددە ژبو مەرەما دەستڤە ئینانا دەنگێن رەگەزپەرستێن تورک کو پرانیا وان دژى ئەمەریکا و کوردانن ژبەر ڤێ پشتراستی سەروکێ پارتیا داد و وەرار (ئاک پارتى) هەموو ئالیێن ئوپوزسیونێ ب (جەهەپە) و (مەهەپە) و(هەدەپە) ڤەژى کوکن لسەر وێ یەکێ کو دکاندیدەک زور بهێز ل هەمبەر ئەردوگانى هەبە ئاماژێن دەستپێکێ بەرەڤ ناڤێ سەروکێ بەرێ یێ کومارا تورکیا و هەڤالبەندێ بەرێ یێ ئەردوگانى دچن هەلبەت ناڤێن دنژى هەنە لێ ئوپوزسیون ل نا ڤەک بهێز دگەرن کو سیاسیەک لێهاتى و خوەدى باگرەوەندەکى پاقژبە و ژ ئالیێ کوردانژیڤە نەخواز نەبە چونکى هەرتم دەنگێن کوردان بالانسێ ل هەلبژاردنان دگهورن ب دیتنا من عبدالله گول دناڤ کورداندا سیمایەکى خوازیارە ددەمێ سەروکاتیا ویدا پروسێسا ئاشتێ دەستپێکر و خوەدى و ناڤدارە ب نەرمیا پولەتیکا خوە ئەگەرێ دووەم هەرى نێزیکێ وى مروڤ دکارە بێژە راوێژکارێ وى داودئوغلویە کو رەفتار و پولەتیکا وى ل هەمبەر دوزا کوردى ڤەکریبو دورکرنا ویژى ژ ئەگەرێ شەرێ ئاکپارتیێ بو ل دژى کوردان کو ئەو نەرازیبو گروپا گولى هەمووژى ژبلى داود ئوغلو باباجان و ئەتەلایژى لهەمبەر کوردان نەرمبون دیسان دبە هەدەپێ بخوەژى کاندید هەبە هەر دناڤا ئوپوزسیونێدا ناڤەک دنژى ب ئەشکەرە دبێژە ئەز ل هەلبژاردنێن داهاتى هەڤرکا ئەردوگانیمە ئەوژى وەزیرا ناڤخویا تورکیا یا بەرێتر (میرال ئاکشنار)ە کو بەرى دەمەکێ کورت ژ ئیسال پارتیەک نو بناڤێ (ئیێ پارتى) ئانکو پارتیا قەنج یانژى باش ئاڤاکر ل کونفرانسێ پارتیا خوەدا خانما ئاکشنار ئاماژە دایە کاندیدبونا خوە ژبو سەروکاتیا کومارى ل هەلژاردنێن 2019 ێ ل تورکیا . هەتانى نها ب فەرمى گولى نەگوتیە ئەزکاندیدم ،لێ سەروکێ بەرێ یێ پارتا گەلا کومارى دەنیز بایکال د دیدارەکێدا ڤێ داویێ لگەل کەنالێ سی ئێن ئێن داخواز ژ سەروکێ پارتیا خوە کمال کلیچدار ئوغلو کر کو یان بلا خوە کاندید بکە یانژى بلا مەیدانێ ژبو عبدالله گول چول بکە و گوت دبە گول ببە کاندیدێ 49% ژ دەنگان کو ئاماژەیە ژبو وان دەنگێ ئوپوزسیونێ راستڤەکرنا دەستورى ل داوى ریفرندم بدەستڤە ئانینە دیتنا شروڤەکاران و روژنامەڤانان و پسپوران د کاروبارو پولەتیکا تورکیا دا ئەوە کو تاکە کاندیدێ بهێز و سیمایەک خوازیار ژبو هەموو جڤاکێ تورکیا عبدلله گولە ل هەمبەر تەیب ئەردوگان وەک خواندنا من ژبو سیاسەتا تورکیا هەر کاندیدەکێ بڤێت سەرکەفتنا مەزن ژبو سەروکاتیا کومارێ بدەستگە بینیت دڤیا دەنگێن کوردان مسوگەر بکت و رەوشا سەروک کومارێ نها لگەل کوردان رەوشەک ئالوزە