مه‌راسیما ڕێزگرتنێ بۆ شه‌هیدێ جانه‌مه‌رگ [ئازاد هه‌جی ئه‌ڤدی کۆچه‌ر] ل هۆڵه‌ندا ب ڕێڤه‌ چوو

Decrease font Enlarge font قەبارەی فۆنت
total views:    230
image

ڕۆژا یه‌کشه‌مبی ڕێکه‌فتی ٢٠-١١-٢٠١٦ لژنا ناوچا هۆڵه‌ندا یا پارتیا دێمۆکراتا کوردستانێ ل باژارێ ئالمیره‌ مه‌راسیمه‌ک بۆ وه‌فاداری و ڕێزگرتنێ بۆ خوینا شه‌هیدێ جانه‌مه‌رگ ئازاد حه‌جی عه‌بدی کۆچه‌ر ڕێکخست ب ئاماده‌بوونا ئه‌ندامێن مالباتا شه‌هیدێ جانه‌مه‌رگ و به‌رپرس و کارگێرێن لژنا ناوچا هۆڵه‌ندا یا پارتیا دێمۆکراتا کوردستانێ و نوونه‌رێن پارتیێن کوردستانی و که‌سایه‌تیێن کورد و هۆڵه‌ندی و ژماره‌یه‌کا به‌رچا ڤ یا ڕه‌ڤه‌ندا کورد ل وه‌لاتێ هۆڵه‌ندا.
مه‌راسیمێ ده‌ستپێکر ب ده‌قیقه‌یه‌کێ ڕاوه‌ستان سه‌ر پیان ل گه‌ل گۆتنا مارشا نه‌ته‌وی ئه‌ی ڕه‌قیبب وه‌ک ڕێزگرتن بۆ خوینا هه‌می شه‌هیدێن ڕێیا ئازادی و سه‌رخوه‌بوونا کوردستانێ و سه‌روه‌رێ نه‌مران مسته‌فا بارزانی نه‌مر و کاکا ئدریسێ هه‌رده‌م ساخ .

برێز دیندار کۆچه‌ر کارگێر و به‌رپرسێ ڕاگهاندنا ناوچا هۆڵه‌ندا په‌یڤا بخێرهاتنێ ل سه‌ر ناڤێ لژنا ناوجا هۆڵه‌ندا و مالباتا شه‌هیدی کر و سپاسیا که‌سێن ئاماده‌کر و گۆت ئاماده‌بوونا مێڤانێن قه‌در گران ڕێزگرتنه‌ک بێسنۆره‌ بۆ خوینا ته‌ڤایا شه‌هیدێن کوردستانێ.

په‌یاما برێز سه‌یوان بارزانی بالیۆزێ کۆمارا ئیراقا فه‌ده‌رال ل وه‌لاتێ هۆڵه‌ندا ژ ئالیێ برێز ئۆمه‌ر زاویته‌ی به‌رپرسێ ناوچا هۆڵه‌ندا ب وه‌کاله‌ت هات پێشکێشکرن و تێدا هات گۆتن کۆ "سه‌رفه‌رازیه‌ک مه‌زن بۆ هه‌ر مالباته‌کێ ئه‌گه‌ر شه‌هید بۆ ئاڤاکرنا ده‌وله‌تا کوردی هه‌بت و خوینا شه‌هید ئازاد کوردستانێ نێزیکتر سه‌رخوه‌بوونێ دکت".

د به‌رده‌وامیا مه‌راسیمێ ده‌ په‌یاما پارتی ئازادی کوردستان ژ ئالیێ خاتوون چیمه‌ن نه‌قشبه‌ندی هات خوه‌ندن کۆ ل گه‌ل شانده‌کێ یا پارتی ئازادی کوردستان ئاماده‌بوو و هه‌ر وه‌سان چه‌ند په‌یڤ ژ ئالیێ که‌سایه‌تیێن کورد ل هۆڵه‌ندا هاتن پێشکێشکرن و ڕۆل و قه‌هره‌مانیا پێشمه‌رگێن کوردستانێ د شه‌رێ ل دژی ته‌رۆریستێن دعیشێ سه‌رێ مرۆڤێ کورد بلندکرن.

په‌یڤا مالباتا شه‌هیدی ژ ئالیێ برێز یاسین ڕه‌شید کۆچه‌ر ڤه‌ هات پێشکێشکرن و تێدا گۆت: شه‌هید ئازاد نه‌ به‌س شه‌هیدێ مه‌ ئه‌و شه‌هیدێ هه‌می کوردستانێ یه‌ و دلۆپا خوینا هه‌ر شه‌هیده‌کێ ل نک مالباتا وان یا گه‌ڵه‌کی ب قیمه‌ته‌، هه‌ر وه‌سان گۆت شه‌هید ئازاد نه‌ شه‌هیدێ مه‌ یێ یه‌کێ یه‌ د مالباتێ ده‌ و هه‌ر وه‌سان ئه‌م هه‌می ئاماده‌نه‌ ل سه‌ر ڕێبازا پیرۆزا بارزانیێ نه‌مر و ڕێیا ئازادیا کوردستانێ چه‌ند قووربانیدان پێویست به‌ بدن.
برێز یاسین کۆچه‌ر هه‌ر وه‌سان سپاسیا لژنه‌یا ناڤچا هۆڵه‌ندا یا پارتیا دێمۆکراتا کوردستانێ کر بۆ ڕێکخستنا مێراسیمێ و سپاسیا که‌سێن ئاماده‌.

هێژای گۆتنێ بێژن کۆ شه‌هیدێ جانه‌مه‌رگ ئازاد حه‌جی عه‌بدی کۆچه‌ر ل ڕێکه‌فتی ١٢-١١-٢٠١٦ ل ئه‌نیا باشیکێ شه‌هید ببوو د ده‌مێ نه‌خشکرنا سنۆرێ کوردستانێ دا گه‌هشته‌ کاروانێ نه‌مران.

په‌یاما سه‌رۆک بارزانی یا ل ڕێکه‌فتی١٦-١١-٢٠١٦ کۆ ل باشیکی ئاراسته‌ی جیهان و خه‌لکێ کوردستانێ کری د مه‌راسیمێ ده هات نیشاندان ل سه‌ر شاشه‌یه‌کا مه‌زن د هۆلا مه‌راسیمێ دا.

ب خوه‌ندنا فاتیهێ ل سه‌ر ڕووهێ هه‌می شه‌هیدێن کورد و کوردستانێ مه‌رسیم ب داوی هات.

لژنه‌یا ناڤچا هۆڵه‌ندا
پارتیا دێمۆکراتا کوردستانێ
٢٠-١١-٢٠١٦