لژنه‌یا ناڤچا هۆڵه‌ندا جڤینا خوه‌ یا به‌رفره‌ه ل دار خست

Decrease font Enlarge font قەبارەی فۆنت
total views:    233
image

 

جڤینا به‌رفره‌ه یا لژنه‌یا ناڤچا هۆڵه‌ندا یا پارتیا دێمۆکراتا کوردستانێ ب ئاماده‌بوونا به‌رپرس و کارگێر و ئه‌ندامان ناڤچا هۆڵه‌ندا ل گه‌ل به‌رپرس و کارگێرێن ڕێکخراوێن تێکۆشه‌ر یێن سه‌ر ب سنۆرێ چالاکیێن ناڤچا هۆڵه‌ندا ل ڕۆژا یه‌کشه‌مبێ ۶-۱۱-۲۰۱۶ ل باژارێ ئامسته‌ردام، ل باره‌گایێ ناڤچا هۆڵه‌ندا هات ل دار خستن.

 

ده‌ستپێکا جڤینێ وه‌ک هه‌می جاره‌ن ده‌ستپێکر ب ده‌قیقه‌یه‌کێ ڕاوه‌ستان ل سه‌ر پێیان و بێده‌نگی بۆ ڕێزگرتنا خوینا شه‌هیدێن کوردستانێ و سه‌روه‌رێ نه‌مران مسته‌فا بارزانی نه‌مر و کاک ئیدریسێ هه‌ردام ساخ، پشتره‌ برێز ئۆمه‌ر زاویته‌یی به‌رپرسێ ناڤچا هۆڵه‌ندا ب به‌رفره‌هی به‌هسێ ڕه‌وشا نها یا کوردستانێ ب تایبه‌تی و ڕه‌وشا ڕۆژهه‌لاتا ناڤه‌راست ب گشتی و ڕۆلێ کوردان تێده‌ کر. هه‌ر وه‌سان به‌هسێ سیاسه‌تا پدکێ یا ناڤخوه‌ ژی کر کۆ پدک هه‌رده‌م خه‌بات ژ بۆی یه‌کگرتن و یه‌کرێزیا ناڤ مالا کوردان کریه‌ و هه‌ر وه‌سان نها ژ د وان هه‌ولان ده‌ یه‌.

شه‌رێ ل دژی ته‌رۆریستێن دائیشێ و قه‌هره‌مانی و قووربانیدانا پێشمه‌رگێن قه‌هره‌مان بابه‌ته‌کێ دن یێ ئاخفتنا برێز ئۆمه‌ر زاویته‌یی بوو.

 

د ڤێ جڤینێ ده‌ هه‌ر وه‌سان هه‌ر ب به‌رفره‌هی به‌هس ل سه‌ر وێ چه‌ندێ هات کرن کۆ چه‌وا باشتر کار بێته‌ کرن و ڕێخستنێن پارتیا مه‌ ب هێزتر ببن و ژ بۆی ڤێ چه‌ندێ ژ چه‌ند ل هه‌ڤهاتنێن نوو هاتن قه‌بوولکرنا پشتی چه‌ند پێشنیار هاتین کرن.

 

لژنه‌یا ناڤچا هۆڵه‌ندا

پارتیا دێمۆکراتا کوردستانێ