شانده‌ک ژ ناڤچا هۆڵه‌ندا به‌ژداری د شینا شه‌هید د. سلێمان ده‌ کر ل باژارێ برێمێن ل ئەلمانیا

Decrease font Enlarge font قەبارەی فۆنت
total views:    263
image

ل ڕێکه‌فتی ١-١١-٢٠١٦ ل باژارێ برێمێن ل وه‌لاتێ ئەلمانای شینا شه‌هیدێ پێشمه‌رگێ فه‌رمانده‌ د.  سلێمان ( سه‌ید چوروکایا ) هات ل ڤه‌دان ب ئاماده‌بوونا هه‌ردوو برایێن شه‌هیدی بەرێز سه‌لیم چوروکایا ئوو بەرێز نه‌جمه‌دین چوروکایا ئوو ب ئاماده‌بوونا ژماره‌یه‌کا مه‌زن یا ڕڤه‌ندا کوردی ئوو هه‌رجار به‌شان وکه‌سووکار ئوو دۆستێن شه‌هیدی.
 ژ گه‌ڵه‌ک وه‌لاتێن جادا یێن ئه‌ورۆپا به‌رپرس ئوو کارگێرێن ڕێکخستنێن پارتیا دێمۆکراتا کوردستانێ ژی ئاماده‌ بوون ئوو هه‌ر وه‌سان برێز دلشاد بارزانی ژی ئاماده‌بوو.
 شه‌نده‌ک ژ ناڤچا هۆڵه‌ندا یا پارتیا دێمۆکراتا کوردستانێ ژی ژ بۆ ڕێزگرتن ئوو وه‌فاداریا شه‌هید د.  سلێمان ئاماده‌بوو،  شاندا ناڤچا هۆڵه‌ندا پێکهاتبوو ژ برێزان ئۆمه‌ر زاویته‌ی،  پێشره‌و حه‌سه‌ن،  شێرزاد ڕوژبه‌یانی ئوو دیندار کۆچه‌ر.
 شاندا ناڤچا هۆڵه‌ندا پرسه‌ ئوو سه‌رساخی ل سه‌ر ناڤێ هه‌می ئه‌ندام ئوو ئالیگرێن پ.د.کێ ل سنۆرێ چالاکیێن هۆڵه‌ندا گه‌هاندن مالباتا شه‌هیدی.
 شه‌هیدێ فه‌رمانده‌ د.  سلێمان د ده‌مێ ئۆپه‌راسیۆنا موسلێ ده‌ ل ڕێکه‌فتی ٢٦-١٠-٢٠١٦ ل ده‌شتا موسلێ ب گرانی بریندار ببوو،  ژ به‌ر برینا وی یا گران بۆ وه‌لاتێ ئەلمانیا هاتبوو ڤه‌گووهاستن ئوو ل نه‌خوه‌شخانا له‌شکه‌ری یا کۆبله‌نز دهات ده‌رمانکرن،  مخابن ل ٣٠-١٠-٢٠١٦ دلێ وی یێ مه‌زن ژ لێدانێ ڕوه‌ستیا ئوو گه‌هشته‌ کاروانێ سه‌ربلندیێ،  کاروانێ شه‌هیدێن ڕیا ئازادی ئوو سه‌رخوه‌بوونا کوردستانێ.
 لیژنا ناڤچا هۆڵه‌ندا
 پارتیا دێمۆکراتا کوردستانێ