شانده‌ک ژ ناوچا هۆڵه‌ندا سه‌ردانا بالیۆزخانا عراقێ ل ده‌نهاخ کرن

Decrease font Enlarge font قەبارەی فۆنت
total views:    291
image

ڕۆژا ئینێ ڕێکه‌فتی ٤-١١-٢٠١٦ شانده‌ک ژ لجنا ناوچا هۆڵه‌ندا یا پارتیا دێمۆکراتا کوردستانێ سه‌ردانا بالیۆزخانا کۆمارا ئیراقا فه‌ده‌رال ل باژارێ ده‌نهاخێ کرن و ب گه‌رمی ژ ئالیێ برێز بالیۆز سه‌یوان بارزانی هاتن پێشوازیکرن.

مه‌به‌ستا ڤێ سه‌ردانێ ئاگه‌هداربوون ل سه‌ر ڕه‌وشا نها یا کوردستان و ئیراقێ و ب تایبه‌تی پێشکه‌فتن و سه‌رکه‌فتنێن هێزا پێشمه‌رگێن کوردستانێ و هه‌ڤکاریا پێشمه‌رگه‌یان ل گه‌ل له‌شکه‌رێ ئیراقی د شه‌رێ ل دژی ته‌رۆریستێن داعیشێ و نه‌خاسم ئۆپه‌راسیۆنا کۆنترۆلکرنا موسلێ.

بابه‌ته‌کێ دن یێ ڤێ هه‌ڤدیتنێ ڕه‌وشا ڕه‌ڤه‌ندا کوردی بوو ل وه‌لاتێ هۆڵه‌ندا. هێژای گۆتنێ یه‌ کۆ برێز سه‌یوان بارزانی ژ ده‌ستپێکا سالا ٢٠١٦ ده‌ست ب کار بوویه‌ وه‌ک بالیۆزێ کۆمارا ئیراقێ ل وه‌لاتێ هۆڵه‌ندا.

لژنه‌یا ناڤچا هۆڵه‌ندا
پارتیا دێمۆکراتا کوردستانێ