فازل به‌شاره‌تی ل ناوچا هۆڵه‌ندا هات پێشوازیکرن

Decrease font Enlarge font قەبارەی فۆنت
total views:    315
image

ڕۆژا پێنجشه‌مبی ڕێکه‌فتی ٢٧-١٠-٢٠١٦ ل باژارێ ئامسته‌ردام ل باره‌گایێ لژنه‌یا ناڤچا هۆڵه‌ندا یا پارتیا دێمۆکراتا کوردستانێ برێز فازل به‌شاره‌تی به‌رپرسێ له‌قا ۱۲ یا پارتیا دێمۆکراتا کوردستانێ ل حه‌له‌بچه‌ ژ ئالیێ به‌رپرس و کارگێرێن ناڤچا هۆڵه‌ندا ب گه‌رمی هات پێشوازیکرن. برێز ئۆمه‌ر زاویته‌ی به‌رپرسێ ناڤچا هۆڵه‌ندا بخێرهاتن و سپاسیا برێز فازل به‌شاره‌تی کر کۆ سه‌ردانا ناڤچا هۆڵه‌ندا کری و هه‌ر وه‌سان به‌هسێ کارکرنێ ل سه‌ر ڕێکخستنێن پارتی ل ئه‌ورۆپا ب گشتی و هۆڵه‌ندا ب تایبه‌تی کر. ژ ئالیێ خوه‌ ڤه‌ برێز فازل به‌شاره‌تی ژی سپاسیا ناڤچا هۆڵه‌ندا کر بۆ وێ پێشوازیا گه‌رم و هه‌ر وه‌سان که‌یفخوه‌شیا خوه‌ ده‌ربری ژ به‌ر ڕێکووپێکیا ڕێکخستنێن پارتی ل هۆڵه‌ندا. د ڤێ ڕوونشتنێ ده‌ هه‌ر وه‌سان به‌هسێ ڕه‌وشا داوی یا کوردستانێ هات کرن و نه‌خاسم قه‌هره‌مانی و قووربانیدانا پێشمه‌رگێن کوردستانێ ل دژی ته‌رۆریستێن داعشێ. هه‌ر وه‌سان به‌هسێ ڕێکخستنێن پارتی ل سنۆرێ پارێزگه‌ها سلێمانیێ هات کرن، هێژای گۆتنێ یه‌ کۆ د ده‌مێ سالا بۆری ده‌ ل سنۆرێ پارێزگه‌ها سلێمانیێ باره‌گه‌ه و ئه‌ندامێن پارتی ڕاستی ئێریشێن دژوار هاتبوون کۆ ببوو سه‌ده‌ما شه‌هیبوونا کادرێن پارتی و شه‌وتاندنا باره‌گه‌هێن پارتی ل وێ پارێزگه‌هێ، ئه‌و هێرشه‌ و ده‌ستدرێژی ل سه‌ر ئه‌ندام و باره‌گاهێن پارتی ژی ژ ئالیێ چالاکڤانێن ئیسلامی و یێن بزاڤا گۆڕانێ بوون.

لژنا ناوچا هۆڵه‌ندا
پارتیا دێمۆکراتا کوردستانێ