شانده‌ک ژ ناوچا هۆڵه‌ندا به‌ژداری د چالاکیێن ناڤچا لا‌يبزيگ دا کر

Decrease font Enlarge font قەبارەی فۆنت
total views:    216
image

ل ڕێکه‌فتی ٢٢-١٠-٢٠١٦ ل باژارێ ده‌سسائو ل وه‌لاتێ ئەلمانیا ب سه‌رپه‌ره‌شتیا لژنه‌یا ناڤچا لايبزيگ سێمیناره‌ک ژ ئالیێ برێز جه‌عفه‌ر ئیبراهیم ئێمینکی ئه‌ندامێ مه‌کته‌با سیاسی یا پارتیا دێمۆکراتا کوردستانێ و به‌رپرسێ مه‌کته‌با ڕێکخستنێ هات پێشکێشکرن بۆ ڕه‌ڤه‌ندا کوردی ل وێ هه‌رێمێ ل ژێر ناڤنیشانێن “رێزگرتن و پشته‌ڤانیا پێشمه‌رگێن قه‌هره‌مانێن کوردستانێ بلا ئه‌رکێ هه‌ر کورده‌کێ بت ل هه‌ر جهه‌کێ جیهانێ” د ئاخفتنا خوه‌ ده‌ برێز جه‌عفه‌ر ئێمینکی گۆت پێویست د ڤێ ڕه‌وشا نها ئه‌و ئه‌رکه‌ بکه‌ڤت پێشیا هه‌می ئه‌رکێن دی و قه‌هره‌مانیا پێشمه‌رگه‌یان بلند هلگرین و هه‌ر وه‌سان کوردێن ل دیاسپۆرا پێویست ڕۆله‌کێ به‌رچاڤ هه‌بت بۆ ناساندنا و گرنگیا پێشمه‌رگه‌یان بۆ جیهانا ئازاد و مرۆڤاتیێ د شه‌رێ ل دژی ته‌رۆریستێن داعشێ ده‌. هه‌ر وێ ئێڤارێ جڤینه‌کا به‌رفره‌ه ل گه‌ل هنده‌ک ناوچێ و ڕێخراوێن سنۆرێ له‌قا ٦ هات ئه‌نجامدان، د وێ جڤینێ دا ل سه‌ر بهێزکرنا ڕێکخستنێن پارتیا دێمۆکراتا کوردستانێ ل ئه‌ئورۆپا هات گه‌نگه‌شه‌کرن و هه‌ر وه‌سان ل سه‌ر چاره‌سه‌رکرنا وان ئاسته‌نگیێن سنۆرێ له‌قا ٦ کۆ نها هه‌نه‌. برێز جه‌عفه‌ر ئێمینکی ڕۆلێ به‌رچاڤ یێ ئه‌ندام و ئالیگرێن پدک ێ ل ئه‌ئورۆپا بلند نرخاند و هه‌ر وه‌سان داخواز ژ وانا کر کۆ هه‌ر ل سه‌ر وێ ڕێبازێ به‌رده‌وام بن ژ به‌ر کۆ وان ڕێیا هه‌ری ڕاست یا کوردایه‌تیێ هه‌لبژارتنه‌. ده‌ربارێ ڕه‌شوا نها یا کوردستانێ ته‌ڤی وان هه‌می ئاسته‌نگی و نه‌هه‌قیێن ل کادر و ئه‌ندام و ئالیگرێن پدک ێ تێن کرن هه‌ر پدک ب سه‌رکردایه‌تیا خوه‌ ڤه‌ یا ل ئه‌نیێن شه‌ریێ و هه‌ر د هه‌ولدانێ دایه‌ وان کێشه‌یێن ناڤخوه‌ ل هه‌رێما کوردستانێ هه‌نه‌ ب ڕێیا دیالۆگێ بێن چاره‌سه‌رکرن و هه‌ر وه‌سان کوردستانێ به‌ر ب سه‌رخوه‌بوونێ ڤه‌ دبه‌. برێز ئۆمه‌ر زاویته‌ی به‌رپرسێ ناوچا هۆڵه‌ندا ژ بۆ پێشخستن و بهێزکرنا ڕێکخستنێن پارتیا دێمۆکراتا کوردستانێ ل ئه‌ورۆپا ڕاپۆرته‌ک تێرووپر خواند و پێشکێشی برێز جه‌عفه‌ر ئێمینکی کر ده‌ربارێ ڕێکخستنێن ل سنۆرێ له‌قا٦ . شاندا ناوچا هۆڵه‌ندا پێکهاتبوو ژ به‌رپرس و کارگێران، برێزان ئۆمه‌ر زاویته‌ی به‌رپرس و برێز پێشره‌و هه‌سه‌ن به‌رپرسێ ڕێکخستنێ و شێرزاد ڕۆژبه‌یانی به‌رپرسێ په‌یوه‌ندیان و دیندار کۆچه‌ر به‌رپرسێ ڕادهاندنێ.

ڕاگەهاندنا لژنه‌یا ناوچا هۆڵاندا
پارتیا دێمۆکراتا کوردستانێ