ل هۆڵه‌ندا پرسه‌یا سه‌رساخیا خودێژێرازی شێخ سه‌یید تاها که‌مالیزاده‌ هووسێنیێ نه‌قشبه‌ندی ب ئاماده‌بوونا شه‌ندا پ.د.ک برێڤه‌چوو

Decrease font Enlarge font قەبارەی فۆنت
total views:    472
image

ڕۆژا شه‌مبیێ ڕێکه‌فتی ١٥/١٠/٢٠١٦ ل باژارێ ئارنهێم ل وه‌لاتێ هۆڵه‌ندا پرسه‌یا سه‌رساخیێ یا که‌سایه‌تیا ئۆلی و جڤاکی یێ کوردستانێ خودێژێرازی شێخ سه‌یید تاها که‌مالیزاده‌ هوسێنیێ نه‌قشبه‌ندی، شێخێ ته‌ریقه‌تا نه‌قشبه‌ندیێ برێڤه‌چوو.

ب ئاماده‌بوونا شانده‌کا پارتیا دێمۆکراتا کوردستانێ و ژماره‌یه‌کا مه‌زن یا که‌سایه‌تی و نوونه‌رێن پارتی و ئالیێن سیاسی یێن هه‌رچار پارچه‌یێن کوردستانێ و ڕه‌ڤه‌ندا کوردی به‌هیا خودێژێرازی هات برێڤه‌برن.

شاندا پارتیا دێمۆکراتا کوردستانێ ب گه‌رمی ژ ئالیێ مالباتا خودێژێرازی هات پێشوازیکرن.
برێز جه‌لال که‌مالیزاده‌ کۆ دبه‌ کوڕێ خودێژێرازی شێخ سه‌یید ته‌ها نه‌قه‌شبه‌ندی ل سه‌ر ناڤێ مالباتا خوه‌ سپاسی و ڕێز و پێزانینێن ئاراسته‌ی پارتیا دێمۆکراتا کوردستانێ و سه‌رۆک بارزانی کرن بۆ وێ په‌یاما سه‌رۆک بارزانی به‌لاڤه‌کری و تێده‌ سه‌رساخیا مالباتا شێخ سه‌یید ته‌ها نه‌قه‌شبه‌ندی کربوو ب هه‌لکه‌فتنا کۆچا داویا بابێ وان.

برێز جه‌لال که‌مالیزاده‌ د ئاخفتنا خوه‌ ده‌ گۆت: “ئه‌م سپاسیا جه‌نابێ سه‌رۆک بارزانی دکن، په‌یاما سه‌رۆک بارزانی گه‌هشت مه‌ و ب ڕاستی وێ په‌یامێ خه‌م و نه‌ره‌هه‌تیا مه‌ کێم کر.
ئه‌ڤه‌ ب درێژیا سالانێ ئه‌م جه‌نابێ سه‌رۆکی ناس دکن و جه‌نابێ وی هه‌رده‌م د خه‌ما گه‌ل و نیشتیمان ده‌ یه‌.
ئه‌ڤه‌ جهێ دلخوه‌شیێ کۆ جه‌نابێ سه‌رۆک بارزانی ل هه‌می که‌سه‌کێ د پرسیت و ئه‌م دووباره‌ سپاسیا جه‌نابی وی دکه‌ین.”

خودێژێرازی شێخ سه‌یید تاها که‌مالیزاده‌ هوسێنیێ نه‌قشبه‌ندی ل ڕێکه‌فتی ٩/١٠/٢٠١٦ ل ڕۆژهه‌لاتێ کوردستانێ، ل باژارێ ئوورمیێ ئه‌مرێ خوه‌دێ کر بوو.

ڕاگەهاندنا لیژنه‌یا ناڤچا هۆڵه‌ندا
پارتیا دێمۆکراتا کوردستانێ