شانده‌ک ژ ناڤچا هۆڵه‌ندا هات پێشوازیکرن ل پارله‌مه‌نتۆیا هۆڵه‌ندا

Decrease font Enlarge font قەبارەی فۆنت
total views:    367
image

رۆژا چارشه‌مبی ٥-٩-٢٠١٦ ب مه‌به‌ستا باشکرن ئوو نوورتکرنا په‌یوه‌ندیان پشتی ب داویهاتنا به‌تلانه‌یا هاڤینێ ئوو ده‌ستپێکرن ئوو دارێژتنا پلانا کارکرنێ بۆ سالا نوو ل پاله‌مانتۆیا هۆڵه‌ندا شانده‌ک ژ لژنه‌یا ناڤچا هۆڵه‌ندا یا پارتیا دێمۆکراتا کوردستانێ ژ ئالیێ برێز ژۆه‌ل ڤۆۆرده‌وند به‌رده‌ڤک ئوو به‌رپرسێ په‌یوه‌ندیان یێ پارتیا یه‌که‌تیا کرستیانان ( جو ) ب گه‌رمی هاتن پێشوازیکرن،  شاندا ناڤچا هۆڵه‌ندا پێکهاتبوو ژ برێزان شێرزاد ڕوژبه‌یانی به‌رپرسێ په‌یوه‌ندیان ئوو دیندار کۆچه‌ر به‌رپرسێ ڕاگەهاندنێ ئوو سۆران چاویش ئه‌ندامێ نڤێسینگه‌ها په‌یوه‌ندیان ئوو برێزان داود خوودێدا قۆلۆ ڕوشه‌نبیر ئوو پسپۆر د کار ئوو بارێن ئێزدیان ده‌ ئوو سێڤان شابۆ پسپۆر د کار ئوو بارێن کریستیانان ده‌.
 شاندا ناڤچا هۆڵه‌ندا سپاس ئوو پێزانینێن خوه‌ ئاراسته‌ی حکوومه‌تا هۆڵه‌ندا ئوو پارتیا ( جو ) کرن بۆ پشته‌ڤانیا وان بۆ پێشمه‌رگه‌ی ئوو خه‌لکێ کوردستانێ د شه‌رێ ل دژی ته‌رۆریستێن داعشێ ئوو ب تایبه‌تی سپاسیا برێز ژۆه‌ل ڤۆۆرده‌وند وه‌ک دۆسته‌کێ نێزیک یێ کوردان ئوو کار ئوو هه‌ولدانێن وی بۆ وێ پشته‌ڤانیا به‌رچاڤ ئوو نه‌خاسم بچه‌ککرنا پێشمه‌رگه‌یان ژ ئالیێ حکومه‌تا هۆڵه‌ندا ڤه‌.
 برێز ژۆه‌ل ڤۆۆرده‌وند ژی ژ ئالیێ خوه‌ که‌یفخوه‌شیا خوه‌ ده‌ربری کۆ کوردستان هه‌رێمه‌ک ئارامه‌ ئوو نه‌خاسم وێ مێڤانپه‌روه‌ریا خه‌لکێ کوردستانێ ل گه‌ل په‌نابه‌ران ئوو یا هه‌ری گرنگ ئه‌و باشیا خه‌لکێ کوردستانێ دکت ل گه‌ل کێمنه‌ته‌وێن دن یێن په‌نابه‌ر ل کوردستانێ ئوو هه‌ر وه‌سان ڕولێ پێشمه‌رگێن قه‌هره‌مان بلند نرخاند د شه‌رێ ل دژی ته‌رۆریستێن داعشێ.
 د ڤێ هه‌ڤدیتنێ ده‌ ب فره‌هی ل سه‌ر ئێش ئوو ئازارێن ئێزدیان هات ئاخفتن ئوو ب تایبه‌تی کۆ ل هۆڵه‌ندا کاره‌ساتا شه‌نگالێ وه‌ک جینۆساید بێت ناسکرن ژ ئالیێ پارله‌مه‌نتۆیێ ئوو هه‌ر وه‌سان داخوازا هاریکرنێ هات خوه‌ستن ژ حکومه‌تا هۆڵه‌ندا کۆ پشته‌ڤانیێ بده‌ ده‌زگه‌هێن کارێ ڕزگارکرنا ئێزدیێن دکن ئه‌وێن بن ده‌ستێن ته‌رۆریستێن داعشێ ده‌.
 هه‌ر وه‌سان برێز ژۆه‌ل ڤۆۆرده‌وند هات ئاگه‌هدارکرن کۆ گه‌ڵه‌ک ئێزدی ل هۆڵه‌ندا هه‌نه‌ ئوو تا نها مافێ په‌نابه‌ریێ نه‌ وه‌رگرتنه‌ یان ژی به‌رسڤا داویێ ژ حکومه‌تا هۆڵه‌ندا نه‌ وه‌رگرتنه‌ ئوو ژ وی هات خوه‌ستن کۆ کار ل سه‌ر وێ چه‌ندێ بکت کۆ وێ پرۆسه‌یێ ب له‌ز بێخت ئوو ئه‌و ئێزدیێن داخوازا مافێ په‌نابه‌ریێ کرنه‌ به‌رسڤا وان زوو بێ دان.  ژ ئالیێ خوه‌ ڤه‌ برێز ژۆه‌ل ڤۆۆرده‌وند گۆت ئه‌و دێ ڤێ چه‌ندێ بکه‌ بابه‌ته‌ک د ئاجێندا پارله‌مه‌نتۆیێ ده‌. 
 بابه‌تکێ دن یێ هه‌ڤدیتنێ ئۆپه‌راسیۆنا ڕزگارکرنا موسلێ بوو کۆ تێ چاڤه‌رێکرن ژماره‌یه‌کا مه‌زن یا په‌نابه‌رێن به‌ر ب هه‌رێما کوردستانێ ڤه‌ بچن ئوو بۆ ڤێ چه‌ندێ پێویسته‌ ژ ئالیێ ئینسانی ڤه‌ زێده‌تر هاریکاریا هکومه‌تا هه‌رێما کوردستانێ بێت کرن.
 د داویێ ده‌ هه‌ردوو ئالیان پشتراستکرن کۆ په‌یوه‌ندی دێ خوورتر ببن کۆ هه‌ڤکاریه‌کا باشتر هه‌به‌ د ناڤا هه‌ردوو پارتیان ده‌.
 
 راگەهاندنا لیژنه‌یا ناڤچا هۆڵه‌ندا
 پارتیا دێمۆکراتا کوردستانێ
 5/10/2016