٧٠ سالیا دامه‌زراندنا پارتییا دێمۆکراتا کوردستانێ ل ئامسته‌ردام هات پیرۆزکرن

Decrease font Enlarge font قەبارەی فۆنت
total views:    504
image

ل باژارێ ئامسته‌ردام، ل باره‌گایێ لژنه‌یا ناڤچا هۆڵه‌ندا یا پارتیا دێمۆکراتا کوردستانێ ل ڕێکه‌فتی ١٦ یته‌باخێ ٢٠١٦ب هه‌لکه‌فتنا ۷۰ سالیا دامه‌زراندنا پارتیا دێمۆکراتا کوردستانێ و ڕۆژبوونا سه‌رۆک مه‌سعود بارزانی، ژ ئالیێ به‌رپرس و کارگێرێن ناڤچا هۆڵه‌ندا پێشوازی ل ئه‌ندام و دۆست و هه‌ڤالێن پارتی هات کرن یێن کۆ ب مه‌به‌ستا پیرۆزکرنا ڕۆژا دامه‌زراندنا پارتیا مه‌ و ڕۆژبوونا سه‌رۆکێ مه‌ سه‌ردانا باره‌گایێ ناڤچا هۆڵه‌ندا کرین.

ئه‌ندام و دۆست و هه‌ڤالێن سه‌ردانا باره‌گایێن ناڤچا هۆڵه‌ندا کرین ژ خه‌ینی پیرۆزباهیێ ١٦ی ته‌باخێ هه‌ر وه‌سان که‌یفخوه‌شیا خوه‌ ده‌ربرین بۆ سه‌رکه‌فتنێن ڤێ داویێ یێن پێشمه‌رگێن قه‌هره‌مانێن کوردستانێ ل دژی ته‌رۆریستێن داعشێ دا سه‌رکه‌فتنه‌ ژی پیرۆزکرن.

هه‌ر وه‌سان د ڤێ ڕۆژا پیرۆز دا داخواز ژ سه‌رۆک بارزانی هات کرن کۆ ب زووترین ده‌م ده‌وله‌تا کوردستانێ یا سه‌ربخوه‌ ڕابگه‌هینت و داخواز ژ ئالیێن دن یێن کوردی د مه‌یدانا سیاسه‌تا کوردی ده‌ کرن کۆ پشگریا سه‌رۆک بارزانی بکەن و یه‌کرێزیا ناڤ مالا کوردان بپارێزن.

هه‌ر ب مه‌به‌ستا ۷۰ سالیا سه‌رۆک مه‌سوود بارزانی، ئه‌ندامێ پارتیا مه‌ برێز جه‌مال زاویته‌ی وێنه‌یه‌کێ سه‌رۆک بارزانی وه‌ک دیاری پێشکێشی ناڤچا هۆڵه‌ندا کر کۆ چه‌نده‌ ژی جهێ سپاس و پێزانینێن مه‌ بوو.

ئه‌م ڕێیا ڤێ نڤێسینێ ژی ل سه‌ر ناڤێ لژنه‌یا ناڤچا هۆڵه‌ندا یا پارتیا دێمۆکراتا کوردستانێ سپاسیا وان هه‌می ئه‌ندام و دۆست و هه‌ڤالان دکن یێن ژ دوور و نێزیک زه‌همه‌ت کێشاین و سه‌ردانا مه‌ کرین و پیرۆزباهی ل خوه‌ و ل مه‌ کرین.
سالێن بۆری ئه‌ڤ ڕۆژا پیرۆز د دیرۆکا کوردستانێ ده‌ ب ئاهه‌نگ و شاهی د هاتن گێران لێ ژ به‌ر ڕه‌وشا نها یا کوردستانێ کۆ شه‌رێ دژی ته‌رۆریستێن داعشێ و کوردان ژماره‌یک مه‌زن قووربانی دانه‌ ئێدی ب ئاهه‌نگ و شاهی ناکن.

لژنه‌یا ناڤچا هۆڵه‌ندا
پارتیا دێمۆکراتا کوردستانێ
١٦-٨-٢٠١٦