ئاگری نەورۆزی ئەم ساڵ پەیامی سەربەخۆبوونمان بوولە نێوکوردانی تاراوگە

Decrease font Enlarge font قەبارەی فۆنت
total views:    515
image

نوێنەرانی پارت وڕێکخراوە سیاسیەکانی هەرچوارپارچەی کوردستان لە شاری لاهای هۆڵەندا ، سالانە هەڵدەستن بە سازکردنی چەندین چالاکی جۆراوجۆری هەمەڕەنگی هونەری ووەرزشی وکلتوری وڕۆشنبیری لە نێو کوردانی تاراوگەو تایبەت بەو شارە لە نێو ئەو چالاکیانەش هەمووساڵیک وەک نەریتێکی کوردەواری ئاهەنگی نەورۆز و ئاگر کردنەوە لە نێو چەقی شارەکە بە شێوەیەکی فەرمی بەرز ڕادەگرن بە ئامادەبوونی بەشێکی بەرچاو لە کوردان ومیوانانی هۆڵەندای وبەڕێز سەیوان بارزانی باڵیۆزی عێراق لە هۆڵەندا وبەڕیز دلاوەر ئاژگەیی نوێنەری حکومەتی هەرێمی کوردستان لە یەکێتی ئەوروپا وکارگێڕانی لیژنەی ناوچەی هۆڵەندای پارتیمان ساسان دەروێش و ئازادمەجید بەشداربوون.

سەرەتا بە خولەکێک وەستان بۆ ڕێزگرتن لە گیانی پاکی شەهیدانی کورد وکوردستان و سروودی نیشتیمانی ئەی ڕەقیب دەستی پێکرد پاشان لەلایەن بەڕێز عەلی هروری ئەندامی ڕێخەری ڤیستیڤاڵی نەورۆز ووتەیەکی پێشکەشکرد و تیدایە باسی لە ئامادەکردنی ڤیستیڤاڵەکە کردو بەگرنگیەوە باسی جەژنی نەورۆزی کرد و بە سەرکەوتنی گەلی کوردی زانی بۆ هەنگاونان بەرەوەسەربەخۆیی کە لەژێر ئەو دروشمەداوهەروەها کۆمەڵیک ووتاروپەیڤی جۆراوجۆرخویندرانەوە بەومەبەستە کە هەموویان گوزارشتیان لە نەورۆزوپیرۆزیەکانی کرد.

جگە لە پێشکەشکردنی فیلیمێکی کورتی هونەرمەندی سینەماکاری کوردی ناسراو ڕێبەر دۆسکی نمایش و پێشکەشکرا وپاشان پێکەوە خوانێکی ئێوارە بۆ هەموومیوانەکان ئامادە و پێشکەش کرا ودواتر لەکۆتایدا پێکەوە بەهەڵگرتنی ٢١ مەشخەڵی ئاگری نەورۆز لەلایەن نوێنەرانی پارتوڕێکخراوەکوردستانیەکان و نوێنەرایەتی حکومەتی کوردستان لە یەکێتی ئەوروپاو باڵوێزی عێراق لە هۆڵەندا بەرەو داگیرسانی ئاگری نەورۆز چوون ولە نێوئاپۆڕای ئامادەبواندا گڕبەردرایە ئاگرەکە بەدەهۆڵ و زوڕاناو ڕەشبەڵەکی کچان وکوڕان درێژەی خایاند بەپیرۆزکردنی ساڵی نوێی کوردی.

ڕاگه‌یاندنی لیژنه‌ی ناوچه‌ی هۆڵه‌ندای
 پارتی دیموکراتی کوردستان