لە هۆڵەندا مەراسیمی ڕێزگرتن لە شەهیدانی کوردستان بەرێوەچوو.

Decrease font Enlarge font قەبارەی فۆنت
total views:    860
image

بەخەم و پەژارەیەکی زۆرەوەش بۆ شەهیدبوونی براوهاوسەنگەرمان شەهیدی نەمر شەوکەت یونس مزوری پێشمەرگەی دێرین ودریژە پێدەری خەباتی لە ڕێکخستنەکانی پارتیمان لە هۆڵەندا و گەڕانەوەی بۆ پارێزگاری لە خاکی پیرۆزیی کوردستان لە ڕێکەوتی ١٦/١٢/٢٠١٥ خۆی گەیاندە کاروانە دانەبڕوەکەی شەهیدانی پارتیمان لەگەڵ ئەو پۆلە شەهیدەی تر بەخوێنی خۆیان مژدەی سەرفرازیی وسەرکەوتنەکانی هێزی پێشمەرگەیان ڕاگەیاند.

بۆ ئەومەبەستەو بەرزڕاگرتنی خوێنی شەهید شەوکەت مزوری وتەواوی شەهیدانی هاوڕێی ، ئەمڕۆ ڕێکەوتی یەک شەممە بەرواری ٢٠/١٢/٢٠١٥ لیژنەی ناوچەی هۆڵەندای پارتی دیموکراتی کوردستان لەبارەگای تایبەتی خۆی لەشاری ئەمستردام بەئامادەبوونی بەرپرس و کارگێڕان وتەواوی ئەندامانی سنووری ڕێکخستنەکانی پارتیمان وئەندامانی یەکێتی قوتابیانی کوردستان ویەکێتی ئافرەتانی کوردستان ئۆفیسی ئەوروپا ونوێنەرانی پارت و ڕێکخراوە کوردستانیەکانی هەرچوار پارچەی کوردستان لە شوێنە جیاجیاکانی شارەکانەوە هاتوون لەگەڵ ئامادەبوونی شاندێکی لیژنەی ناوچەی بەلچیکای پارتیمان وکەسوکاری شەهیدان ومیوانێکی هێجگار زۆر ئامادەبوون بۆ دەربڕینی هاوخەمی خۆیان بۆ لەدەست دانی ئەم تێکۆشەرانە.

سەرەتا بەساتێک وەستان بۆ گیانی پاکی شەهیدانی کوردوکوردستان سەروەریان بارزانی نەمر وخوێندنی سورەتی فاتیحا دەستی پێکرد وپاشان ووتاری لیژنەی ناوچەی هۆڵەندای پارتیمان لەلایەن بەریز دیندار کۆچەر خوێندرایەوە تیدابەخێرهاتنی ئامادەبوانی کرد کە بەوفراوانیەوە بەشداربوون بۆ دەربڕینی هاوسۆزی وهاوخەمی خۆیان بۆ لەدەست دانی ئەم پۆلە فەرماندەوپێشمەرگەوباسکردنی سەروەرییەکانیان.

هەروەها کۆمەڵێک ووتاروپەیڤ وبروسکە پێشکەش کران کە لە لایەن نوێنەرانی پارتە کوردستانیەکانی هەرچوار پارچەی کوردستان لەگەڵ داگیرسانی مۆم بۆ شادبوونی ڕەوانی شەهیدانمان ولەکۆتایشدا بەریز عومەرزاوێتەیی بەرپرسی ناوچەمان جارێکی تر سوپاسی ئامادەبوانی کردو ئاماژەی بەوەدا لەگەڵ بچوکی هۆڵەکەو زۆری ئامادەبوان تەنها بۆ ڕیزگرتن بوە لە گیانی بەرزەفڕی هەردووکادیروپێشمەرگەیی دێرین شەهیدان یوسف کۆچەروشەوکەت مزوری کە لەنێو ئەم بارەگایەدا چەندان چالاکی وکۆبوونەوەیان ئەنجام داوە کە لەخزمەتی پرسی نەتەوەیمان وڕێبازەپیرۆزەکەی پارتی وبارزانی دابوون وئێستاش بەهەمان چاوسەیردەکەم کە لەگەڵمان بن بەم شێوەیە زۆر سەرکەوتوانە چەندکاتژمێرێکی خایاندوکۆتایی هات.

ڕاگەیاندی لیژنەی ناوچەی هۆڵەندای
 پارتی دیموکراتی کوردستان
20-12-2015