لە هۆڵەندا ڕێزلێنان لە سێ شەهیدی قەڵای خۆڕاگری ڕۆژهەڵات نرا +++ ڤیدیۆ

Decrease font Enlarge font قەبارەی فۆنت
total views:    854
image

ڕۆژی یەک شەممە ڕێکەوتی ٤ی ئۆکتۆبەری ساڵی ٢٠١٥ ، نوێنەرایەتی ئەوروپای پارتی ئازادیی کوردستان بەهاوکاری کۆمیتەیی ڕێکخستنی هۆڵەندا ، لە شاری ئارنهێم ، ڕێوڕەسمێکی ڕێزلێنانیان بەبۆنەی شەهید کردنی سێ پێشمەرگەی قارەمانی کوردستان وپارتی ئازادی ، شەهیدان کارزان و بەدرە وئەرکان مەلەکشاهی کە بەدەستی خۆفرۆشێ لە ڕۆژئاوای کەرکەکی دڵی کوردستان شەهیدکران کە هەوڵێک بوو بۆ تیرۆرکردنی بەڕێز حوسێن یەزدانپەنا فەرماندەی میحوەری ڕۆژئاوای کەرکوک ، بۆ پارێزگاری لە گیانی فەرماندەی ئازا و چاو نەترسی بەرەکانی شەڕ دژ بەتیرۆریستان ، هەرسێ پێشمەرگەی قارەمان وفیداکار سینگی خۆیان کردە قەڵغان وبەدوا پلەی شەهیدبوون گەیشتن ، بەم بۆنە خەم ناک ودڵتەزێنەوە ئەم کۆڕی پرسەو ماتەم گێڕییەیان بە ئەنجام گەیاند بۆ سەرەخۆشی کردن لە بنەماڵەی شەهیدان وپێشمەرگە نەبەزەکانی پارتی ئازادیی کوردستان ، بە ئامادەبوونی شاندێکی لیژنەی ناوچەی هۆڵەندای پارتی دیموکراتی کوردستان بەسەرپەرشتی هەڤاڵ عومەر زاوێتەی وبەشێکی بەرچاولە کارگێران و ئەندامانی پارتیمان وهەروەها نوێنەرانی پارت ولایەنە سیاسیەکانی کوردستان لە بەرێزان پارتی سۆسیالیستی کوردستان باکوور وحیزبی دیموکراتی کوردستانی ئێران وپارتی دیموکراتی کوردستانی باکوور و پارتی دیموکراتی کورد لە سوریا و کۆمەڵەی کوچکا وکۆمەڵەی شۆڕشگێری زەحمەتکێشانی کوردستانی ئیران   ئامادەبوون ،  سەرەتایی ڕێوڕەسمەکە بەساتێک وەستان وبێدەنگی بۆ بەرز و پیرۆز ڕاگرتنی یادکردنەوەی شەهیدانی کورد وکوردستان و ووتنەوەی سروودی نیشتیمانی ونەتەوەیمان ئەی ڕەقیب دەستی پێکردو پاشان لە لایەن هەڤاڵ ئەفشار ئەقدەسی ئەندامی کۆمیتەی ناوەندی وبەرپرسی نوێنەرایەتی ئەوروپا وێرای بەخێرهاتنی هەموولایەکی کرد ، سوپاس وپێزانینی خۆی وپارتەکەی ئاراستەیی ئامادەبوان کرد بۆ بەشداریی کردنیان لەم پرسەیە ودەربڕینی هاوخەمیان بۆ سێ شەهیدی کورد و کوردستان وپاشان هەریەک لە نوێنەرانی پارتە کوردستانیەکان پەیامی خۆیان پێشکەش کرد لە دەربڕینی هاوخەمی وپرسەیان بۆ بنەماڵەی شەهیدان وپێشمەرگەکانی پارتی ئازادیی کوردستان کە ئێستا لە باشووری کوردستان لەسەنگەرەکانی پێشەوە پارێزگاری لە خاکی کوردستان دەکەن لە ناوچەکانی دەوروبەری کەرکوک وستایشی هەڵوێستی نەتەوەییان کردن وئەو ڕووداوەیان مەحکوم و شەرمەزار کرد هەروەها لەلایەن بەرێز عومەر زاوێتەیی بەرپرسی لیژنەی ناوچەی هۆڵەندای پارتی دیموکراتی کوردستان پەیامێکی ئاراستەی پێشمەرگە تێکۆشەرەکانی قەڵای خۆڕاگری ڕۆژهەڵات کرد وسەری ڕێز ونەوازشی بۆ هەرسێ شەهید و هەموو شەهیدانی کوردستان دانەواند و بە ناوی هەموو ئەندامانی سنوری ڕێکخستنی پارتیمان لە هۆڵەندا وە هاوخەمی دەربڕی لە شەهیدبوونی ئەو سێ پێشمەرگەیە و هەموو شەهیدانی کوردستان کە بەخوێنی پاکی گەشیان پارێزگاریان لە خاکی کوردستان کرد و خەون وخەیاڵی تیرۆریستان وداعش و کۆشکی نەزۆکیان تێکشاندن ،  لەبەرامبەر خوێنی هەریەکەیان لە شەهیدانی کوردوکوردستان ووتی بەهیچ شتێک لەم دنیایە قەرەبوو ناکرێنەوە تەنها ڕیزگرتنە کە لەویژدانی هەریەکەماندا بۆهەتا هەتایە بژین ولەبەردەمی هەر شار و شارۆچکەیەکدا مۆنۆمێنتێک دروست بکرێتپڕاو پڕبێت لە ئازایەتی وشەهامەتی پێشمەرگە و شەهیدانی کوردوکوردستان کە نەوەکانی داهاتوو بزانن چۆن ئەم نیشتیمانە پاریزراوە و لەبەها جوانەکانی بگەن وە لە کۆتایشدا بەڕێز زاوێتەیی ستایشی ڕۆڵی جوامێرانەی پێشمەرگە و فەرماندەکانی پارتی ئازادیی کوردستانی کرد کە لە یەکەم ڕۆژەوە لەنێو سەنگەرەکانی پێشەوەی سنوورەکانی کوردستان  هاوشانی پێشمەرگەکانی تری کوردستان شەڕی جوامێرانە و تۆماری سەرکەوتنەکانیان دەکەن وخوێنی پێشمەرگە و فەرماندەکانیان دەکەنە خەڵاتی پارێزگاری کردنی خاکی کوردستان ، لەسەر بنەمای کوردستان یەک پارچەیە و هەموومان بەرپرسیارین لێی هەروەها لە دریژەی ووتەکانی زاوێتەیی دا ووتی ئەگەر کەمێک بگەرێمەوە بۆ مێژووی نزیکمان کاتێک کۆماری کوردستان ڕادەگەیەنرا سەرۆک بارزانی مستەفای نەمر و هاوەڵەکانی بەدەم پشتگیری کردن وپارێزگاری کردن لەوکیانە سیاسیە لە بەسێککی ئاادکراوی کوردستان بوونە پێشمەرگە ئەوەتا ئەمڕۆ قوتابیەکانی پێشەوای نەمر بەهەمان ڕێباز و ڕۆحی کوردایەتی ونەتەوەییانەیان پارێزگاری لە خاکی پیرۆزی کوردستان دەکەن ، ئافەرم بۆ دڵسۆزی وگیانی کوردایەتیتان وسەری ڕێزوحورمەت بۆ هەمووشەهیدانی کورد وکوردستان دائەنەوێنم  سکۆداروسەرکەوتووبن پێشمەرگەوفەرماندەکانی پارتی ئازادیی کوردستان ، بەم شێوەیە مەراسیمەکە زۆر سەرکەوتوانە چەند کاتژمێرێکی خایاند و کۆتایی هات
ڕاگەیاندنی لیژنەی ناوچەی هۆڵەندای پارتی دیموکراتی کوردستان