هۆڵەندا... ٦٩ ساڵەی دامەزاراندنی پارتی دیموکراتی کوردستان بەرز ڕاگیرا

Decrease font Enlarge font قەبارەی فۆنت
total views:    857
image

عەبدولقەهارهەولێری- هۆڵەندا

بە بۆنەی یادی ٦٩ ساڵەی دامەزاراندنی پارتی دیموکراتی کوردستان لێژنەی ناوچەی هۆڵەندای پارتی دیموکراتی کوردستان لە بارەگای ناوچە لەشاری ئەمستردام ، بەسەرپەرشتی پێشرەو حەسەن بەرپرسی ڕێکخستنی ناوچەی هۆلەندا و رێکخستنی ئاهەنگەکە و پێشکەش کردنی لەلایەن کارکێرانی ناوچە دیندار کۆچەر و شێرزاد رۆژبەیانی و کارکێرانی ناوچە وبەرپرسی ڕێکخراوەکان لە پێشوازی میوانەکاندا بوون کە بەشێکی بەرچاولە ئەندامانان و لایەنگرانی وخۆشەویستانی پارتی دیموکراتی کوردستان لە سنوری هۆلەندا ئامادەی ئەم بۆنە پیرۆزەبوون و سەرەتا بە خولەکێک وەستان بۆ گیانی پاکی شەهیدانی کوردوکوردستان وەستان وپاشان بەم بۆنەیەوە بەرپرسی ڕێکخستنی پارتیمان هەڤاڵ  پێشرەو حەسەن ووتەی لیژنەی ناوچەی هۆڵەندای پێشکەش کردوهەروەها چەند ووتاروپەیڤ خوێندرانەوە لە لایەن بەڕێزان خاتوو فەزیلە شۆرش بەرپرسی ئۆفیسی یەکێتی ئافرەتانی کوردستان لە ئەورپا و دیندار کۆچەر بەنوێنەرایەتی یەکێتی قوتابیان ولاوانی کورد لە هۆلەندا کە تیداباسیان لە مێژووی بەرخودانی ٦٩ ساڵەی پارتیامنیان کردو هەروەها لەلایەن چەند کەسایەتی و پێشمەرگەوکادیرانی پارتی باسیان لە بیرەوەری وشکۆداری دامەزراندنی پارتیان کرد کە دامەزراندنی پارتی بە ڕێنمایی بارزانیی نەمر وەرچەرخانێكی مەزن بوو لە بزووتنەوەی ڕزگاریخوازی كورد و كاروانی خەباتی نەسرەوتوو و تێكۆشاندا، هەروەها زەرورەتێكی مێژوویی بوو لەو سەروبەندەی كۆتاییهاتنی دووەم جەنگی جیهان بۆ بەدیهێنانی خواست و ئاواتەكانی گەلەكەمان لە گەیشتن بە گشت مافە ڕەواكانی ، پارتی هەڵقوڵاوی كولتووری شۆڕشگێڕیی كوردایەتی و ڕەسەنایەتی بوو، لە ئانوساتێكی زۆر پێویست هاتە كایەوە و ڕابەرایەتیی گەلی كوردستانی كرد لە سەردەمی پاشایەتیی ئێڕاقدا و دواتریش ڕابەرایەتیی شۆڕشی ئەیلوولی كورد، كە سەرەتایەكی مەزن بوو لە بەتواناكردنی گەلی كورد بۆ گێڕانەوەی مافە زەوتكراوەكان و مەشخەڵی خەبات و بەرخودانی هەڵگرت و لەو رێگەیەیشدا بە درێژاییی كاروانی تێكۆشانی هەزاران شەهید و قوربانی داوە بۆ پاراستنی كیان و هەبوون و شكۆداریی نەتەوەیی گەلی كورد و كوردستانییەكان و رووبەڕووبوونەوەی ستەم و زۆرداریی رژێمە یەك لە دوای یەكەكانەوە هەروەها لەم یادەدا جارێكی دیكە بەڵێن و سۆز بە خوێن و گیانی پاكی شەهیدان و گەلەكەمان دراو و جەخت لەوەکرایەوەکە لەسەر بەردەوامبوون لەسەر ڕێبازی بارزانیی نەمر بە ڕێبەرایەتیی سەرۆكی خۆشەویستمان (سەرۆك مەسعوود بارزانی) كە ڕێبازی كوردایەتی و نیشتیمانیمانە بۆ پاراستنی ئەو ئەزموون و دەستكەوتانەی كە بەرهەمی خوێنی شەهیدان و قوربانیدانەكانمانن و دابینكردنی ئارامی و ئاسودەیی بۆ هاووڵاتیان هەروەها لەم بۆنە مێژووییەدا،  لیژنەی ناوچەی هۆڵەندا سوپاس و پێزانینی ئاراستەی گشت هەڤاڵانمان و كادیر و ئەندام و لایەنگر و دۆستانمانی کردو ڕۆڵیان بەرز دەنرخێنین لە داكۆكیكردن لە پارتە ڕەسەنەكەیان و سووربوونیان لەسەر بەدیهێنانی ئەو پەیام و پەیمانەی داویانە و ساڵانێكی زۆرە لە ڕێبازی بارزانییەوە قوربانی بۆ دەدەن تا گەیشتن بە ئاییندەیەكی گەشتر و دیاریكردنی چارەنووسی گەل و نیشتیمانەكەمان بە ویست و ئیرادەی خۆمان سڵاو لە گیانی پاكی سەرجەم شەهیدانی بزووتنەوەی ڕزگاریخوازی كوردستان... نەمریی و سەروەریی بۆ ڕۆحی پاكی بارزانیی نەمر و كاكە ئیدریسی هەمیشە زیندوو ئەمەوبۆنەکە چەند کاتژمێرێکی خایاند و زۆر سەرکەوتوانە کۆتایی هات