سەرۆک بارزانی دەیەمین ساڵیادی دامەزراندنی زاگرۆس تیڤی پیرۆز کرد

Decrease font Enlarge font قەبارەی فۆنت
total views:    1355
image


 
سەرۆک بارزانی لە پەیامێکدا بەبۆنەی دەیەمین ساڵیادی دامەزراندنی زاگرۆس تیڤی رایدەگەیەنێت کە، وێڕای پیرۆزبایی گەرم، دەستخۆشیی لە یەکەبەیەکەی کارمەندانی زاگرۆس تیڤی دەکەم و هیوادارم لە پێشکەوتنی بەردەوامدا بن و هەرشاد و سەرفراز بن.
دەقی پەیامەکە:

 


بە ناوی خوای مەزن و دلۆڤان

بەڕێزان بەرێوەبەر و ئه‌ندامانی ئه‌نجوومه‌نی كارگێڕی و ته‌واوی كارمەندانی كەناڵی ئاسمانیی زاگرۆس
بە بۆنەی ده‌یه‌‌مین ساڵیادی دامەزراندنی كەناڵی ئاسمانیی زاگرۆس، پیرۆزباییەكی گەرم له‌ ئێوەی خۆشەویست دەكەم و هیوای بەردەوامی و سەرکەوتنی زیاترتان بۆ دەخوازم.
کەناڵی ئاسمانیی زاگرۆس، لە دەساڵی ڕابردوویدا، زۆر لەخۆبوردووانە و بە دڵسۆزی و کارزانییەوە، خزمەتی دۆزی ڕەوای گەلی کوردستان و میدیای کوردستانی کردووە و ویڕای ئەرکی پیرۆزی بەرگرییکردن لە مافە ڕەواکانیگەلەکەمان، پردێکی ڕاستگۆ و جێمتمانەی هاووڵاتیانیش بووە بۆ پەیوەندییکردن بە ناوەندە ئیدارییەکانی حکوومەت. لەم دۆخەی ئێستایشدا کە گەلەکەمان بەرەوڕووی شەڕی تیرۆریستانی دڕندە بۆتەوە، کەنەڵەکەتان ڕۆڵێکی دیار و پڕشنگداری هەبووە و پەیامنێر و وێنەگرانی زاگرۆس تیڤی، شان بەشانی پێشمەرگە قارەمانەکان لە بەرەکانی شەڕدا بوون و ئەو دیمەنانەی لە کەناڵەکەتان و کەناڵەکانی تری کوردستانەوە پەخش دەکرێن، ئەرکی گرینگی گەیاندنی وێنەی ئازایەتیی گەلەکەمان بۆ جیهان، جێبەجێ دەکەن.
لە ساڵیادی دامەزراندنی کەناڵەکەتاندا، وێڕای پیرۆزبایی گەرم، دەستخۆشیی لە یەکەبەیەکەی کارمەندانی زاگرۆس تیڤی دەکەم و هیوادارم لە پێشکەوتنی بەردەوامدا بن و هەرشاد و سەرفراز بن.
مەسعود بارزانی
سەرۆكی هەرێمی كوردستان
13/6/2015
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,


ده‌زگاى رۆشنبیریی و راگه‌یاندنى پارتیى دیموكراتى كوردستان، (كه‌ناڵى ئاسمانى زاگرۆس) له‌و ماوه‌ى كاركردن و په‌خشیدا توانیویه‌تى جێگه‌وپێگه‌ى خۆى له‌ سه‌ر گۆڕه‌پانه‌كه‌ بچه‌سپێنێ و به‌ پێی په‌یامێكى روون و به‌رپرسانه‌ مامه‌ڵه‌ له‌گه‌ڵ ره‌وشه‌ كه‌ و رووداوه‌كاندا بكات وه‌ك مینبه‌رێكى هه‌قگۆیی، مسداقیه‌ت و راستگۆیی خۆى بسه‌لمێنێ و بپارێزێ.

ده‌قى پیرۆزبایینامه‌ى ده‌زگاى رۆشنبیریی و راگه‌یاندنى پارتى دیموكراتى كوردستان

بۆ كه‌ناڵى ئاسمانى زاگرۆس تیڤی

هه‌ڤاڵانى به‌ڕێز/ به‌ڕێوه‌به‌ر و ستافه‌كانی به‌ڕێوه‌بردن و هونه‌ریی و سه‌رجه‌م كارمه‌ندانى زاگرۆس تیڤی..

له‌ بیره‌وه‌رى (10)یه‌مین ساڵیادى دامه‌زراندنى (كه‌ناڵى ئاسمانى زاگرۆس) پیرۆزباییه‌كى گه‌رم ئاراسته‌ى ئێوه‌و بینه‌رانى كه‌ناڵه‌كه‌تان ده‌كه‌ین، هیوادارین به‌ چاكترین و مۆدێرینترین شێوه‌ له‌ كاروبارو ئه‌ركى رۆژانه‌تان هه‌رده‌م له‌ پێشكه‌وتن و سه‌ركه‌وتنى به‌رده‌وام دابن بۆ خزمه‌تگه‌یاندن به‌ كوولتورو رۆشنبیریی نه‌ته‌وه‌ییمان.

ئاشكرایه‌ (كه‌ناڵى ئاسمانى زاگرۆس) له‌و ماوه‌ى كاركردن و په‌خشیدا خاوه‌ن به‌رنامه‌و پلان و سستمێكى گونجاو بووه‌ و به‌ پرۆسه‌یه‌كى خه‌مخۆرانه‌ توانیویه‌تى جێگه‌وپێگه‌ى خۆى له‌ سه‌ر گۆڕه‌پانه‌كه‌ بچه‌سپێنێ و به‌ پێی په‌یامێكى روون و به‌رپرسانه‌ مامه‌ڵه‌ له‌گه‌ڵ ره‌وشه‌ كه‌ و رووداوه‌كاندا بكات وه‌ك مینبه‌رێكى هه‌قگۆیی، مسداقیه‌ت و راستگۆیی خۆى بسه‌لمێنێ و بپارێزێ.
له‌و بۆنه‌یه‌دا خوازیارین زیاتر و له‌ گشت روویه‌كه‌وه‌ سوود له‌ پێشكه‌وتنى ته‌كنه‌لۆجیاى میدیایی ئه‌و سه‌رده‌مه‌ وه‌ربگرن و كاروباره‌كانتان له‌رووى ئیتیك و پیشه‌وه‌ریی زیاتر به‌ره‌و پێش ببه‌ن له‌و سونگه‌یه‌وه‌ش خزمه‌تى زیاتر به‌ پرۆسه‌ى میدیای كوردی بگه‌یه‌نن، هه‌روه‌ها په‌یامى به‌رگری و داكۆكیكردن له‌ نیشتیمانه‌كه‌مان و داخوازی و خواست و ویسته‌ ره‌واكانى گه‌له‌كه‌مان به‌ ده‌وروبه‌رو جیهان بگه‌یه‌نن.

دووباره‌ ده‌ستخۆشی و پشتیوانى خۆمان بۆ زیاتر به‌ره‌وپێشچوونى كه‌ناڵى ئاسمانى زاگرۆس دووپات ده‌كه‌ینه‌وه‌و به‌ هیواى به‌رهه‌م وبه‌خششی چاكترو زۆرتر..

ده‌زگاى رۆشنبیرى و راگه‌یاندنى

پارتى دیموكراتى كوردستان