لە شاری ئەمستەردام گروپی شانۆیی بێسنوور شانۆیی خۆگونجاندنیان نمایش کرد

Decrease font Enlarge font قەبارەی فۆنت
total views:    853
image


ساسان دەروێش - هۆڵەندا
لە بەردەوامی وپێشکەش کردنی چەندین بەرهەمی ناوازەی گروپی شانۆیی بێسنوور لە مێژووی دامەزراندنیەوە تا بە ئەمڕۆ دەگات ، جێگای ستایش وڕێزلێنان وخەڵات وەرگرتن بوون لە ئێستاشدا لە دەرکەوتنەوەیان لە کارێکی نوێ دا لە پرۆژەیەکی کلتوری وهونەرییدا بەناوی کولتوور لە گەڕەکەکەتدا لەو چوارچیوەیەشدا لە ڕۆژی شەممە ڕێکەوتی ٦/٦/٢٠١٥ لەسەر شانۆی "دکاملیۆن" شانۆیی خۆگونجاندنیان نمایش کرد لە شاری ئەمستەردام بە ئامادەبوونی بەشێکی بەرچاولە ڕەوەندی کورد و ئارەزومەندانی شانۆوهونەری کوردی بینەری بوون ، لەدوای چەند نمایشێکی جیاجیای ترلە شارەکانی هۆڵەندا ،" خۆگونجاندن"  له‌ نوسینی نوسه‌ری شانۆگه‌ری (ڕاد کۆنڕادی) به‌ ڕه‌گه‌ز ئه‌مه‌ریکی‌ و ده‌رهێنانی هونه‌رمه‌ندی کورد باکۆ سۆرانی بوو،هەروەها ئاماده‌کردنی مۆسیقای شانۆکەش لەلایەن هونه‌رمه‌ند حه‌مه‌ به‌کری کلارنیته‌وە بوو ،  شانۆگه‌ریه‌کی ئه‌پسووردی کۆمیدیایی ڕه‌شه‌، چیرۆکێکه‌ که‌ ئه‌توانرێ له‌ هه‌موو کات و سه‌رده‌مێکدا وازی بکرێت،دەقی چیرۆکه‌کەش باسی له‌ سێ پیاو ئه‌کرد که‌ ڕابوورد و مێژوویان بزره‌، ئه‌وان ئه‌مێستا له‌باخچه‌یه‌کی گشتیدا ئه‌ژین پانتایه‌که‌ی سێ موقه‌بای گه‌وره‌یه‌، ئه‌م سێ موقه‌بایه‌، ماڵی ئه‌وانه‌ ،ئه‌وان بێکارن بۆ به‌سه‌ربردنی کاته‌ بێهووده‌ییه‌کانیان خه‌ریکی سه‌رزه‌نشت کردنن، هه‌رکه‌سێک پێ بنێته‌ باخچه‌که‌وه‌ ئه‌بێته‌ گاڵته‌جاڕی ئه‌وان. ئه‌م سێ پیاوه‌ به‌شێوه‌یه‌کی کاریکاتۆری و قه‌شمه‌رسازی سه‌رزه‌نشتی هه‌موو ڕێبواران ئه‌که‌ن. ئه‌وان ئه‌یانه‌وێت هه‌مووکه‌س له‌گه‌ڵ ڕێڕه‌وی ئه‌وان خۆی بگوونجێنێت، بۆیه‌ هیچ شتێکی که‌سانی ده‌وروبه‌ر و ڕێبوارانیان به‌ دڵ نییه‌، به‌ به‌رده‌وامی سه‌رزه‌نشت و توانج له‌ ڕێبواران ئه‌ده‌ن، به‌ وشه‌ ڕه‌ق و ناشرینه‌کانیان دڵی زۆر که‌س ئه‌ڕه‌نجێنن، تا له‌ کۆتایدا سێ ژن دێنه‌ ناو باخچه‌که‌وه‌، ئه‌م ژنانه‌ به‌ هیچ شێوه‌یه‌ک بەگوێی ئه‌وان ناکه‌ن و دژیان ئه‌وه‌ستنه‌وه‌، ژنه‌‌کان ئه‌یانه‌وێ پیاوه‌ گاڵته‌جاڕه‌کان خۆیان بگونجێنن له‌گه‌ڵ ویستی ئه‌ماندا. ئه‌م نمایشه‌ هونه‌رمه‌ند‌ باکۆ سۆرانی به‌به‌رگی کوردییه‌وه‌ وازی ئه‌‌کات به‌ ئاواز و مۆسیقای کوردی حه‌مه‌ به‌کره‌وه‌، له‌گه‌ڵ ڕۆڵ بینین و نواندنی كۆمەڵێك ئەكتەری هۆڵەندیی و كورد و نەتەوە جیاوازەكانی نیشتەجێی هۆڵه‌ندا. له‌م کاره‌دا واقیع و فه‌نتازیای له‌ یه‌ک پێوانه‌دا له‌ خۆ گرتووه‌، به‌رانبه‌ر یه‌کدی وه‌ستاون. چیرۆکی ئه‌م شانۆگه‌ریه‌، گه‌ڕانێکه‌ به‌ دوای خه‌ونی ڕاسته‌قینه‌ی مرۆڤدایە، که‌ دوور بێت له‌ ده‌سته‌ڵات، باس له‌ ئازادی هه‌موو تاکێک ئه‌کات. خه‌ونه‌کان و ڕاستیه‌کان به‌ره‌و ڕووی یه‌کدی ئه‌بنه‌وه ..پێکه‌وه جیهانێکی یۆتۆبی شیکاری ئه‌که‌ن،لە نواندن و بەشداربوان،سته‌یڤان هیدما،کۆ ڤان ڕامسدۆنک،هێنک پێن، نێتی هارمسه‌،،ئێڤیه‌ ڤان دێر سخۆت ، بێن ئێخرمۆنتده‌ر،جه‌نته‌ڵ مارتیس.کله‌یا که‌م،هێنک سه‌له‌مۆن،مارخرێت فێرهووف،میکالا لووکا ، هێنی جێناڵ،لۆرێن هیرله‌ین،ئه‌خنه‌س یۆنگه‌لن و باکۆ سۆرانی یەوهەروەها جلوبه‌رگ یه‌ت ڤیزه‌ر و سیڤتلانه‌ شمیشکووش و سینۆگرافیا هێنک یۆنکه‌ر و گرافیک و پۆسته‌رحه مه‌ نه‌وڕه‌س و مۆسیقا حەمە بەکر ڕووناکی ئێدڤین د هانو بوو، ئەم ئێوارە نمایشە دووتەوەری لەخۆگرتبوو تەوەری یەکەم چڕینی چەند سرودێکی نیشتیمانی ونەتەوەییانە بوو لەلایەن هونەرمەند حەمەبەکر بەكلارنێت ودکتۆرە لانە عەلی هەڵەبجەیی بەساز کە هەست وسۆزێکی گەرمیان بە ئامادەبوان داکە بە تایبەتی پشتگیری کردن بوولە پێشمەرگە هەڵۆ ئاساکانی کوردستان و بەرگریکاران دژ بە تیرۆریستانی شەم شەمە کوێرەکانی داعش وهەروەها تەوەری دووم نمایشی شانۆیەکەبوو خۆگونجاندن وزۆر سەرکەوتوانە بەئەنجامیان گەیاندو  لە کۆتایی وبینینی شانۆییەکە وچەپڵەی گەرمی ئامادەبوان وپیرۆزبایی کردن و پێشکەش کردنی چەپکە گوڵ پێیان ، ئەم بەرێزانەی بەشداربوانی شانۆییەکەمان دواند بۆ خەبات وبەم شێوەییە وەڵامیان داینەوە ،
 سەرەتا باکۆ سۆرانی هونەرمەند ودەرهێنەری کورد باسی لەخۆگونجاندن کرد لە نێودەقە شانۆییەکەدا ووتی ، من خۆگونجاندنم کردۆته‌ دوو به‌ش ،به‌شی یه‌که‌می کاره‌کەم‌ که‌متر گرنگی ئه‌داته‌ دیالۆک،به‌ڵکو زیاتر کارم له‌سه‌رجه‌سته‌ و ده‌نگ به‌ تێکڵ کردن له‌گه‌ڵ ماسکدا هه‌وڵمداوه‌ پانتاییه‌کی قه‌ڵه‌باڵخ دروست بکه‌م ،هاوکات پرسیار به‌ڕاسته‌و خۆ له‌ بینه‌ر ئه‌کرێ که‌ هه‌ڵبژاردن بکه‌ن له‌سه‌ر چه‌مکی خۆگونجاند، ئایا که‌سه‌کان سه‌ربه‌ستن له‌ خۆگونجادن ؟ یان ئه‌بێت هه‌موو پێکه‌وه‌ خۆگوونجاند دروست بکه‌ین به‌ بێ ئه‌وه‌ی یه‌کتری فه‌رامۆش بکه‌ین.من لێره‌وه‌ په‌یوه‌ندییه‌کی کرداری له‌گه‌ڵ بینه‌ردا درووست ئه‌که‌م، به‌شی دووهه‌می کاره‌که‌ به‌ شێکی کاریکاتۆرییه‌ که‌ گوزارشی کۆمیدیای خۆگونجاندن و خۆ ڕێکخسن ده‌کات له‌ کۆمه‌ڵگای هاوچه‌رخدا،
هونەرمەند حەمە بەکری کلارنیت کە ساڵانێکی زۆرە لەگەڵ ئەم گروپە شانۆییە کاری ئامادەکردنی میوزیک  ونواندن دەکات سەرەتا باسی لەبەشداربوونی خۆیی وئەزموونێکی نوێی دەرهێنەرکرد لەم کارییدا ووتی ، من مۆسیقای کاره‌که‌م ئاماده‌ کردوه‌ وه‌ هاوکات خۆشم به‌شداری ئه‌که‌م له‌ دوو دیمه‌ندا به‌ژه‌نینی مۆسیقای ڕاسته‌وخۆ،من هه‌وڵمداوه‌ که‌سێکی ته‌نیا به‌رجه‌سته‌ بکه‌م،ئه‌م که‌سه‌ گه‌لێک بێده‌نگه‌ ،ئه‌م بێده‌نگیه‌ هه‌ستی منی خرۆشاند بۆ دروست کردنی پارچه‌ مۆسیقای بێده‌نگی که‌ ڕاسته‌و خۆ پێشکه‌شی ده‌که‌م ، سەرەتا ئێمە کمەڵیک سروودوگۆرانی کوردیمان پێشکەش کرد بۆ پشتیوانی هێزی پێشمەرگەی کوردستان ولەم شەوەشدا ئێمە ویستمان بەمیوزیکی کوردی بگونجینین لەگەڵ شانۆگەرییەکی هاوچەرخدا کلارنیت وسازمان پێکەوە گرێ دا هەرچەندە ساز ئامێرێکی ڕۆژهەلاتیە وكلارنێت ڕۆژئاوییە بەڵام ئێمە پردیکمان لەنێوانیاندا دروست کرد کە جیگایی خۆشحاڵی ئامادەبوان بوو.

بۆیەکەم جارە کە دکتۆرە لانە عەلی هەڵەبجەیی بەشداری لەگەڵ ئەم گروپە شانۆییە دەکات بەژەنینی سازەکەی بۆ پشتگیری پێشمەرگەوسروودەکانی حەمەبەکر دەبێ هەستی چۆن بووبێ بەرامبەر بینەروبەشداربوونی لەوبارەیەوە ووتی ، سەرەتا دەمەوێت سوپاسی دەرهێنەری بە تواناوسەرکەوتووی کورد کاکە باکۆ سۆرانی بکەم کە ئەوە نزیکە ١٥ ساڵ زیاترە لەم کارە جوانانە لەنێوکۆمەڵگایەکی بیانی وەک هۆڵەندا پێشکەش دەکات ومنیش بۆیەکەمین جارەلەڕیگای مامۆستاوبرای بەڕیز کاکە حەمە بەکر هاوکاریان بووم بەبەشدارێکی  بچوک بەژەنینی ساز هەست دەکەم توانیبێتمان لێرەوە هونەروکلتوری کوردی وەک پەیامی شانۆگەریەکە کە گونجاندن بوو بگەیەنینە بینەرەکانمان بەپۆشینی جلی کوردی وژەنینی مۆسیقای کوردی ونزیک کردنەوەی لەگەڵانی تروگونجاندنی لەنێوکۆمەڵگابیانیەکان بەتایبەتی هۆڵەنداولەکۆتایدا دڵخۆش بووم کە بە هاوکاری وپشتگیری ئەم بەرێزانەبەشداربوونم  هەنگاوی زیاتربنێم بۆ خزمەتی گەل ونیشتیمانەکەم .