شۆڕشی گوڵانی پێشکەوتنخواز بۆ جیهانی سەلماند کە نەتەوەی کورد بەپیلانی نێودەوڵەتی لەناوناچێت

Decrease font Enlarge font قەبارەی فۆنت
total views:    1017
image


ساسان دەروێش – هۆڵەندا 
بۆ بەرزوپیرۆز ڕاگرتنی ناوی پێشمەرگە وڕێزلێنان لە گیانی پاکی شەهیدانی کوردوکوردستان و بیرەوەری ٣٩ هەمین ساڵیادی بەرپابوونی شۆڕشی گوڵانی پێشکەوتنخواز ، لیژنەی ناوچەی هۆڵەندای پارتی دیموکراتی کوردستان بە هاوکاری ڕێکخراوی دینهاخی تێکۆشەری پارتیمان ، ڕۆژی یەک شەممە ڕێکەوتی ٢٤ی گوڵان ٢٠١٥ لە شاری لاهای بە ئامادەبوونی بەشێکی بەر چاوی ئەندامانی پارتیمان لە هۆڵەندا وپێشمەرگە دێرینەکانی شۆڕشی ئەیلول وگوڵان  ئەو یادەیان پێکەوە بەرزوپیرۆز ڕاگرت کە لە ٢٦ی گوڵانی ساڵی ١٩٧٦ بڵێسەی شۆڕشی گوڵانی پێشکەوتنخواز گوند وشارۆچکەکانی گرتەوە وکۆتایی بەپیلانی دوژمنانی ناحەز و داگیرکاری هێنرا بۆ لەناوبردنی شۆڕشی کورد وبەردەوام بوونی هێزی پێشمەرگە و بە خوێنی ئاڵی یەکەم شەهیدی سەید عەبدوڵڵانەبی یەکەم هەنگاوی نا بەرەوکاروانی خەبات و تێکۆشان و پەیامی گەلێکی چەوساوەوداگیرکراویان بەگوێی دنیادا بە تۆمارکردنی داستان ونەبەردییەکانی قارەمانێتی دەست وتفەنگی پێشمەرگەکانی پارتیمان وبەهورەی ڕیبازی پیرۆزیی بارزانی نەمر ئومێد وهیوایان بەخشیەوە بەخەڵکی کوردستان لەسەر لوتکەی چیاسەرکەشەکانەوە بە دروشمی  کوردستان یان نەمان بەسەرکردایەتی پێشمەرگەوسەرکردەی لێهاتووی نێو پێشمەرگەکان سەرۆک بارزانی قۆناغێکی نوێمان بڕی وگەیشتینە ئەم ئەزموونەی ئێستامان کە هەنگاونانە بۆ دروست بوونی دەوڵەتی کوردستان وسەربەخۆیی ، لە دوای بەخێر هاتن لەلایەن پێشکەشکا بەرێز عەلی هروری  بەساتێک ڕاوەستان و ڕێزگرتن بۆ گیانی پاکی شەهیدانی کورد و کوردستان سەروەریان بارزانی نەمر ووتنەوەی  سروودی نەتەوایەتی ئەی ڕەقیب دەستی پێکرد و ووتەی ئامادەکاری یادەوەرییەکە لەلایەن هەڤاڵ کۆچەر بەرپرسی ڕێکخراوی شاری دینهاخ خوێندرایەوە وێرای بەخێرهاتن وسوپاس وپێزانینی خۆیان وئەندامانی سنوری رێکخراوەکەیانی پێشکەشی ئامادەبوان کردوباسی لە پیرۆزی ئامانجەکانی ئەم شۆڕشەکرد بۆیە بە ئەرکی سەرشانی خۆیانی زانیوە کە ئەوشەرەفە بەر ڕیکخراوەکەیان بکەوێت بۆ هەڵسان و سازکردنی ئەم یادەوەریە و بەپێویستی زانی کە ئەم یادکردنەوەیە ببێتە زیاتر خزمەت کردنی پێشمەرگەو باشترکردنی ژیانیان ولەبەرچاوگرتنی خوێنی شەهیدان ولاکردنەوەی خانەوادەکانیان وپاشان ووتاری لیژنەی ناوچەی هۆڵەندای پارتی دیموکراتی کوردستان لەلایەن بەڕێز پێشڕەوحەسەن خوێندرایەوە وتیدا بەناوی  کارگێڕان وئەندامانی سنوری چالاکی ڕێکخستنەکانیانەوە لە هۆڵەندا بەبۆنەی ساڵوەگەڕی شۆڕشی٢٦ی گوڵان پیرۆزبایی لەگەلی کوردستان وگشت پێشمەرگە قارەمانە کان وکەسوکاروبنەماڵەی شەهیدانی سەربەرزی ڕزگاری خوازی کوردستان کرد و ئاماژەی بەئازادی وپێشکەوتنەکانی ئەمڕۆی کوردستان کرد کە بەخوێنی شەهیدان وخەبات و قوربانیدانی پێشمەرگەوخەڵکی کوردستان هاتۆتە بەرهەم ولە درێژەی ووتەکانیدا ووتی لە بەرنامەی ئەمڕۆوئایندەی پارتیمان هەوڵی زۆردراوە وکاری لەسەر کراوەکە ژیانی خێزانی شەهیدان وئەنفال وکیمیاباران وتەواوی شەهیدان لەبەر چاوبگیرێت وخزمەتی زیاتر پێشکەشی بە بنەماڵەکانیان بکرێت ولەکۆتایشدا ووتی بۆ گەیاندنی پەیامی شۆڕشی ٢٦ی گوڵان بەگەلانی نیشتیمان خوازومرۆڤ دۆست کە شۆڕشی کورد کۆتایی نەهاتووە وبەپیلانی ناحەزان کورد نائومید ناکرێ وپێشمەرگەکانی بارزانی بەڕینمایی ڕاستەخۆیی پشکۆی نەکوژاوەی ئەیلولیان داگیرسانەوەو لەونێوەندەشدا کۆمەڵێک لەگەنجان ولاوانی کوردیان ڕەوانەی ووڵاتانی جیاوازکرد بۆ ئەوئەرکەی شۆڕش وهەریەکە بوونە باڵوێزێک بۆکوردوکوردستان وگەیاندنی پەیام وچالاکیەکانی شۆڕشی گوڵان ، ئینجا لەلایەن شاعیرە خاتوو گلستان بامەڕنی پێشمەرگە و نیشتیمان پەروەر چەپکێک لە هۆنراوە نوێ کانی خۆی کردە دیاری وخوێندەوە بۆ ئەم بیروەریە پیرۆزە کە تیدا ستایشی ڕۆڵی پێشمەرگەوگرنگی بۆکوردستان ودابین کردنی ئارامی و ئاسایش لە دەست وتفەنگی پێشمەرگەدا بەبەرزی دەنرخاندو ڕەنگدانەی ووشەی هۆنراوەکانی دەی گەڕانینەوە بۆ شۆڕشی ئەیلول وگوڵان کە بە ئامانجە پیرۆزەکانیان گەیشتینە ئەم قۆناغەی ئەمڕۆمان هەروەها ووتەی ڕاگەیاندنی لیژنەی ناوچەی پارتیشمان لەلایەن بەرێز دیندارکۆچەر خوێندرایەوە کە پشت بەستن بەمێژووی پرشنگداری پارتیمان وئەزموونی هەردوو شۆڕشی ئەیلول وگوڵان تیشکی خستەسەرچۆنیەتی هەڵگیرسانی شۆڕشەکان ودەوروڕۆڵی ڕاگەیاندن بۆ گەیاندنی پەیام وچالاکیەکانی شۆڕش بەتایبەتی بەرپابوونی شۆڕشی ٢٦ی گوڵانی نیشتیمانی پێشکەوتنخواز کە لەکاتێکدابوو دوژمن زۆر توندوتۆڵترخۆی سازدابوو بۆ بەرەنگاربوونەی هەڵگیرسانی شۆڕش وپێان وابووچیتر پێشمەرگە نابینەوە لەکۆتایشدا بۆ وەڵام دانەوەی دوژمنان لە دوای کۆنگرەی نۆی پارتیمان وهەڵبژاردنی سەرۆک مەسعودبارزانی بە سەرۆک هەنگاوی گەورەی ناپێ بەپێی پێشمەرگەکان لەنێو چیاودۆڵەکانی کوردستان وتۆمارکردنی داستانەکانی قارەمانیەتی پیشمەرگە تا لە ڕاپەرینی بەهاری ساڵی ١٩٩١  ئامانجە پیرۆزەکانمان هاتەدی ولەکۆتایشدا ووتی سەرۆک بارزانی لەم هەلومەرجەی ئەمڕۆی ناوچەکەشدا بە هەڵوێستە جوان ونەتەوەییەکانیشی کوردی بەرەوقۆناغی سەربەخۆبوون بردو دنیاش ڕێزلە خەبات وقوربانی دانی دەگرن بەڕێزەوەپێشوازی لێ دەکرێ وەک سەرۆکی کوردستان ، هەروەها لەلایەن شاعیری گەنج ولاو سەردار گولی خاون ئەزمونێکی نوێ لە داهێنان و هۆنینەوەی شیعرەکانی بۆ پێشمەرگەوشەهیدوکوردستان تابلۆیەکی جوانی لەیەکێک لە بەرهەمە نوێ کانی خوێندوە بۆ یادەوری ٢٦ی گوڵان وپاشان لەلایەن مامۆستایی بیری نەتەوەیی سالار قەرەداغی باسێکی چڕوپڕی مێژووی سەر‌هەڵدانی ڕێکخستنە نهێنیەکانی نێو شارەکانی کوردستانی کرد لەدوای نسکۆ بەتایبەتی دەوروبەری شاری سلیمانی و ڕووناکی خستە سەر ئەو کاروچالاکیانەی لە دوای یەکەم بەیان نامەی ڕاگەیاندنی پەیامی هەڵگیرساند نەوەی شۆڕشی گوڵان بەرینمایی سەرۆک مستەفا بارزانی نەمر دەستی پێکردەوە بەگوێی دنیاو ناحەزانی گەلی کوردا درا کە کورد نامرێ وشۆڕش بەردەوامە بەهێزوبازوی پێشمەرگەکانی پارتی دیموکراتی کوردستان لەدریژەی باسەکەی مامۆستا سالار ووەڵام دانەوەی ڕژێمی بەعس ووتی ئێمە کۆمەڵێک لە ڕۆشنبیران وهونەرمەندان پێکەوە توانیمان وەڵامێکمان هەبێت بۆیان بە جۆرەها چالاکی کەیەکێک لەچالاکیەکان نووسینی شانۆیەکم بوو بە ناوی تروسەکەی هیواو پێشکەشمان کرد لە ڕێگایی سلێمانی ولەگەل ئەوەشدا لە دڕندەی ئەو ڕژێمەی ئەوکاتە ترس کەوتە دڵ و دەروونمانەوە بەهۆی ئەوەی ڕۆژانە چەندین کەس بێ سەروشوێن دەکراوشەهیدبوو لە پێناو ڕێبازی کوردایەتی دا ئالەوکات وساتەدا ئەوەی کە وەک مەسەلەیەکی ڕۆحی وورەوهێزی بەجەستە وگیانم ئەدا واژویەکی مستەفابارزانی نەمر بووکە وەک پولێک لە نێوگیرفانم نابوو ئەو ترسەی لەلادەڕەوانمەوە وبەردەوام دەبووم لەگەل هاوکارەکانم لەخەبات وتێکۆشان تا ڕاپەرینی بەهاری ساڵی ١٩٩١ کورد بەئامانجی خۆیی گەیشت و لەدوای ئەوەی کە نەبەئەنفال و کیمیاباران ودڕندەی بەعس وکارە نامرۆڤانەکانی دژی گەلی کوردستان نەیتوانی شۆڕشی کورد بکوژێنێتەوە ودروشمی زیندووی شۆڕشی ئەیلول کوردستان یان نەمان لە دڵ وجەستەیی هەرتاکێکی کوردا بوو بۆیە گەیشتینە ئامانج و هیوادارم لەم یادکردنەوەیەدا هەموومان بەگیانی کوردایەتی پارێزگاری لە ئەزموونی ئێستایی باشووری کوردستانمان بکەین ، لە دوابەرنامەدا ئەوەی جێگایی باسکردنە کە هەڤاڵی شاعیر ئیسماعیل حسن ئەندامی ڕێکخستنەکانی پارتیمان لە هۆڵەندا ڕێکخراوی ڕۆتردام بەهۆی نەشتەرگەری نەیتوانی خۆی بەشداربێت بەڵام دیاریکی لەبەرهەمەکانی کە بۆ یادی ٢٦ی گوڵان وپیرۆزی پێشمەرگەوشەهید هۆنیبوە ناردە هۆڵەکە کە جێگایی سوپاس بوو لە دوابڕگەشدا  لەلایەن هەردووکوڕی  شەهیدی سەرکردە یوسف کۆچەر  پەردەیان لە ڕووی تابلۆی کوردستان لابرد کە لەلایەن هونەرمەند عەلی محەمەد ناسراو بەکەمال عەلی نەخشێنرابوو، کە دواتر کردیە دیاری وپێشکەشی خانەوادەی شەهید یوسفی کرد کە پێشتر شەهید پیشمەرگەی دێرین و شۆڕشی گوڵان بوولەگەڵ ئەوەشدا کاتێک لەهۆڵەندا نیشتەجێ بوو چەند ساڵێک ئەندامی لیژنەی ناوچەی هۆڵەندا بوو تا له‌ ڕۆژی ٤ی نوڤمبه‌ری ٢٠١٤ له‌ ده‌ڤه‌ری زومار  دژی تیرۆریستانی داعش شه‌هید ده‌بێت ودڵه‌ گه‌وره‌که‌ی له‌ لێدان ده‌که‌وێت وچاوه‌کانی لێک ناوپله‌ی شه‌هاده‌تی به‌خۆی بڕی ومه‌دالیای پیرۆزی بیروباوه‌ڕی کوردایه‌تی وڕێبازی پیرۆزی بارزانی له‌یه‌خه‌ی خۆیداو چووه‌ ڕیزی کاروانی پڕ ڕێبواری شه‌هیدانی ڕێگای ڕزگاری کوردوکوردستان ، هەر بۆ پێزانینی ئەم هونەرمەندەودیارییە بەنرخەکەی هونەرمەند عەلی محەمەد لە ساڵی ١٩٥٦ لە سلێمانی لەدایک بووە لە ساڵی ١٩٧٩ پەیمانگای مامۆستایانی هەولێری تەواوکردوە وچوار ساڵ مامۆستابووە لە گوندەکانی کوردستان و هەرلەتەمەنی ٦ ساڵانەوە خولیایی هونەری شیوەکاری بووە و دەستی کردوە بەکاری هونەری لە ١٥ ساڵیدا یەکەمین پێسانگای خۆی لە شاری سلێمانی کردۆتەوە لە تەمەنی ١٦ ساڵیدا هەردوو هونەرمەندی گەورەی کورد سمکۆ تۆفیق  و عەتا قەزاز وانەی شێوەکاریان پێ ووتۆتەوە لە ساڵی ١٩٩٢ بەدواوە خۆیی وخێزان ومنداڵەکانی دێنە هۆڵەندا وبوونەتە نیشتەجیی ئەم ووڵاتە بە ئێستاشەوە کە سەرقاڵی کاری هونەرییەوخاوەنی چەندین پێشانگایە ئەمەو یادکردنەوەکە چەند کاتژمێرێکی خایاندوزۆر سەرکەوتوانە بە دابەشکردنی گوڵی ڕێزلینان لەلایەن ئەندامانی لیژنەی ناوچەی پارتیمانەوە پێشکەشی پێشمەرگە ئامادەبوەکانی هەردووشۆڕشی ئەیلول وگوڵان نراو جیگایی خۆشحالیان بوو هەمووپێکەوە  لەم یادەپیرۆزەدا کە ٣٩ ساڵ تێ دەپەڕێ جەختیان لەیەک ڕیزی نەتەوەیی و پاراستنی ئەزمونی ئێستایی باشووری کوردستان کراو لەگەڵ ئەوەشدا لەلایەن میدیاکار دیندارکۆچەر تەواوی مەراسیمەکە تۆمارکرا بۆ کەناڵی ئاسمانی زاگرۆس تیڤی وبەم شێوەیە کۆتایی هات.