یادێك بۆ لەیلا قاسمی‮ ‬بووكی‮ ‬كوردستان‬‬

Decrease font Enlarge font قەبارەی فۆنت
total views:    894
image

یاسین هێژا
بزووتنەوەی‮ ‬رزگاریخوازی‮ ‬كورد ساڵانێكی‮ ‬زۆر لە خەباتی‮ ‬بەردەوامدا بووەو بە رێگەیەكی‮ ‬سەخت و دژواردا تێپەڕیوەو قوربانییەكی‮ ‬ئێجگار زۆریشی‮ ‬داوە،‮ ‬تاكو میللەتەكەمان گەیشتووەتە ئەمڕۆ،‮ ‬بۆیە هەرگیز نابێ ئەو رۆژانەو قوربانییەكانیش لە‮ ‬یاد بكەین‮. ‬هەڵبەتە ئەم ئازادییەی‮ ‬ئەم بەشەی‮ ‬كوردستان‮ "‬باشووری‮ ‬كوردستان‮" ‬بەرهەمی‮ ‬خوێنی‮ ‬سەدان هەزار گەنج و پیر و منداڵی‮ ‬ئەم میللەتە ستەمدیدەیەیە،‮ ‬یەكێك لەو قوربانییانەش شەهیدی‮ ‬جوانەمەرگ لەیلا قاسمە‮.

‬‬‬‬‬‬‬‬‬‬‬‬‬‬‬‬‬‬‬‬‬‬‬
‮ ‬كە لە رۆژی‮ ‬13-5-1974 لەلایەن رژێمی‮ ‬گۆڕبەگۆڕی‮ ‬بەعسەوە لەسێدارەدراو چووە كاروانی‮ ‬نەمرانەوە‮. ‬لەیلا قاسم ئەو كچە كوردە بوو كە ویستی‮ ‬لاپەڕەیەكی‮ ‬پڕشنگدار بۆ مێژووی‮ ‬مرۆڤایەتی‮ ‬و كوردایەتی‮ ‬تۆمار بكات،‮ ‬بۆیە گیانی‮ ‬خۆی‮ ‬خستە مەترسییەوەو تێكەڵ بە كاری‮ ‬سیاسی‮ ‬بوو،‮ ‬چونكە باش دەیزانی‮ ‬خەباتی‮ ‬میللەتەكەی‮ ‬بۆ ئازادی‮ ‬و سەربەخۆیی‮ ‬تەنها بە رەگەزی‮ ‬نێر ناكرێ و پێویست دەكات ئافرەتیش بەشداری‮ ‬كارای‮ ‬تیادا بكات‮. ‬لە كاتێكدا لەو سەردەمەدا نەك بەشداری‮ ‬كاری‮ ‬سیاسی‮ ‬و رێكخستن بۆ ئافرەت بڤە بوو،‮ ‬بەڵكو لە زۆر شوێن چوونە قوتابخانەو دەرەوەی‮ ‬ماڵیش عەیبەیەكی‮ ‬گەورە بوو،‮ ‬ئا لەو كاتەدا خوشكە لەیلا هاتە دەنگ و شانبەشانی‮ ‬براكانی‮ ‬خەباتی‮ ‬نهێنی‮ ‬دەستپێكرد،‮ ‬هەموو ئەو بانگەشانەی‮ ‬ئەو رۆژانەشی‮ ‬رەتكردەوە كە دەیانگوت ئافرەت زەعیفەیەو‮ ‬بەكەڵك كاری‮ ‬دەرەوە نایەت و كەم عەقڵە،‮ ‬بەڵێ لەیلای‮ ‬قارەمان بۆ هەموو لایەكی‮ ‬سەلماند كە ئافرەتیش گەر ئیرادەی‮ ‬هەبێت دەتوانێ لە هەموو بوارەكانی‮ ‬ژیان بەشداری‮ ‬بكات و شانبەشانی‮ ‬پیاویش خەبات بكات و خۆشی‮ ‬قوربانی‮ ‬میللەتەكەی‮ ‬بكات‮. ‬لەیلا قاسم كە لە ساڵی‮ ‬1953 لە‮ ‬یەكێك لە گوندەكانی‮ ‬قەزای‮ ‬خانەقین لە دایك ببوو،‮ ‬خوێندنی‮ ‬سەرەتایی‮ ‬و ناوەندی‮ ‬و دواناوەندیشی‮ ‬هەر لە خانەقین تەواوكردبوو،‮ ‬ساڵی‮ ‬1972 لە كۆلێژی‮ ‬ئادابی‮ ‬زانكۆی‮ ‬بەغدا بەشی‮ ‬كۆمەڵناسی‮ ‬وەرگیرابوو،‮ ‬لەیلا كە ساڵانێك بوو تێكەڵ بە كاری‮ ‬سیاسی‮ ‬ببوو،‮ ‬بەهۆی‮ ‬پەشیمانبوونەوەی‮ ‬رژێمی‮ ‬ئەوكات لە رێككەوتننامەی‮ ‬11ی‮ ‬ئاداری‮ ‬ساڵی‮ ‬1970 لەگەڵ هاوڕێكانی‮ "‬جەواد هەمەوەندی‮ ‬و نەریمان فوئاد و حەسەن حەمە رەشید و ئازاد قاسم‮" ‬لە جموجۆڵێكی‮ ‬بەردەوامدا بوو دژی‮ ‬رژێم،‮ ‬بەڵام لە مانگی‮ ‬چواری‮ ‬ساڵی‮ ‬1974 لەكاتی‮ ‬ئەنجامدانی‮ ‬كارێكی‮ ‬خەباتگێڕی‮ ‬لە شاری‮ ‬بەغدا دەستگیر دەكرێ و دەخرێتە زیندانەوە‮. ‬ئەوەی‮ ‬جێی‮ ‬سەرنجیشە ئەو ئافرەتە قارەمانە لە زیندانیش ورەی‮ ‬نەڕووخاوەو بەردەوام بووە لە بەرخۆدان،‮ ‬دەگوترێ بەرپرسی‮ ‬زیندانیش داوای‮ ‬لێكردووە گەر‮ "‬پەشیماننامە‮" ‬بۆ سەرۆك كۆمار بنووسێ،‮ ‬ئەوا لێی‮ ‬دەبوورن،‮ ‬بەڵام لەیلا قاسم رازی‮ ‬نەبووەو مردنی‮ ‬لە پەشیمانبوونەوە لەو خەباتەی‮ ‬كردبووی‮ ‬پێ باشتر بووە‮. ‬كاتێكیش دایك و خوشكەكەی‮ ‬لە زیندان سەردانی‮ ‬دەكەن لەیلا تەنها داوای‮ ‬مەقەسێك و دەستێك جلی‮ ‬كوردی‮ ‬دەكات تا لەسەردانی‮ ‬داهاتوو بۆی‮ ‬ببەن‮. ‬كە لەسەردانی‮ ‬دووەمیش داواكەی‮ ‬بەجێدەگەیەنن،‮ ‬لەیلا بە مەقەسەكە هەندێك موو لە پەرچەمی‮ ‬دەكاتەوەو پێشكەشی‮ ‬خوشكەكەی‮ ‬دەكات و پێی‮ ‬دەڵێ‮: ‬ئەمە وەك‮ ‬یادگارییەك لات بێ و شایەدحاڵێكیشە بۆ خەباتەكەم و رووبەڕووبوونەوەم لەگەڵ مردن و دیكتاتۆریەت‮. ‬كاتێك خوشكەكەی‮ ‬لێی‮ ‬دەپرسێ ئەی‮ ‬لەو زیندانە جلی‮ ‬كوردیت بۆ چییە؟ لەیلا بە متمانە بەخۆبوون و زەردەخەنەوە پێی‮ ‬دەڵێ‮: ‬خوشكی‮ ‬خۆشەویستم‮. ‬لەم رۆژانە لە سێدارە دەدرێم و دەبمە بووكی‮ ‬كوردستان و خاكی‮ ‬كوردستان لە ئامێزم دەگرێ،‮ ‬بۆیە دەمەوێ كە خاك لە ئامێزم دەگرێ بە تەواوی‮ ‬جوانی‮ ‬خۆمەوە بم،‮ ‬چونكە خۆشەویستیم بۆ كوردستان سنووری‮ ‬نییە‮...‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬
كاتێك بۆ دواجار دایكی‮ ‬لێی‮ ‬دەپرسێ وەسیەتت چییە؟ لەیلا لە وەڵامدا دەڵێ‮: ‬كە بە خاكم دەسپێرن نامەوێ بگرین و رۆڕۆ بكەن،‮ ‬دەشمەوێ دوای‮ ‬مردنم بە بووكی‮ ‬كوردستانم ناو بنێن‮ ‬ئەوەی‮ ‬ماوەتەوە بیڵێم ئەوەیە كە لە چەندین سەرچاوەدا هاتووە كاتێ لەیلا دەبەنە بەردەم سێدارە،‮ ‬بە سەری‮ ‬بەرزەوە خۆی‮ ‬پەتەكە دەخاتە گەردنی‮ ‬و تا دوا هەناسەی‮ ‬سروودی‮ ‬ئەی‮ ‬رەقیب دەڵێتەوە‮. ‬سڵاو لە گیانی‮ ‬پاكت لەیلا قاسمی‮ ‬رچكە شكێن،‮ ‬ئەی‮ ‬بووكی‮ ‬كوردستان‮‬‬‬‬‬‬‬‬‬‬‬‬‬‬‬‬‬‬‬‬‬‬