سێمیناره‌ک بۆ برێز فه‌وزی ئه‌سعەد ل لژنه‌یا ناڤچا هۆڵه‌ندا

Decrease font Enlarge font قەبارەی فۆنت
total views:    1202
image

ل ڕوژا شه‌مبیێ 21/12/2013 ل باره‌گایێ لژنه‌یا ناڤچا هۆڵه‌ندا یا پارتیا دێمۆکراتا کوردستانێ ب ئاماده‌بوونا به‌رپرس ئوو کارگێر ئوو ئه‌ندامێن لژنه‌یا ناڤچا هۆڵه‌ندا یا پارتیا مه‌ ئوو ئه‌ندامێن یه‌که‌تیا ئافره‌تێن کوردستانێ ئوو یه‌که‌تیا قووتابی ئوو لاوێن کورد ل وه‌لاتێ هۆڵه‌ندا ئوو ژماره‌یه‌کا مه‌زن یا ئه‌ندام ئوو که‌سایه‌تیێن ڕوشه‌نبیر سێمیناره‌ک ل سه‌ر سیسته‌ما دێمۆکراتیه‌تێ ب به‌رفره‌هی هاته‌ سازدان ژ ئالیێ برێز فه‌وزی ئه‌سعەد کارگێرێ له‌قا ٦.
د ڤه‌کرنا سێمینارێ ده‌ برێز ئۆمه‌ر زاویته‌یی به‌رپرسێ لژنه‌یا ناڤچا هۆڵه‌ندا بخێرهاتنا ئاماده‌بوویان کر ئوو داخواز ژ وانا کر ده‌قیقه‌یه‌کێ ڕاوه‌ستن سه‌ر پیان بۆ ڕێزگرتنا جانێ پاکێ شه‌هیدێن کوردستانێ ئوو سه‌روه‌رێ نه‌مران مسته‌فا بارزانی نه‌مر ئوو کاک ئیدریسێ هه‌رده‌م ساخ.
د ده‌ستپێکا سێمینارێ ده‌ برێز ئۆمه‌ر زاویته‌یی ب کورتی ژیانناما برێز فه‌وزی ئه‌سعەد خوه‌ند ئوو ئه‌و ب ئاماده‌بوویان دا ناسکرن ئوو هه‌ر وه‌سا دیار کر کۆ کاک فه‌وزی هلگرێ مه‌دالیایا بارزانیێ نه‌مره‌.
ب درێژاهیا ده‌مژمێره‌ک ئوو نیڤێ برێز فه‌وزی ئه‌سعەد ب تێرووته‌ژی به‌هسێ کۆکا دێمۆکراتیه‌تێ کر ئوو هه‌ر وه‌سا شۆره‌شێن دێمۆکراتیبوونێ نه‌خاسم شۆره‌شا فرانسایێ.
پشتی ئاخفتنا برێز فه‌وزی ئه‌سعەد ب داوی هاتی بیر ئوو بۆچۆن هاتنه‌ گوهه‌رتن ل گه‌ل که‌سێن ئاماده‌ ل سه‌ر سیسته‌ما دێمۆکراتیه‌تێ ئوو هه‌ر وه‌سا پرۆسه‌یا دێمۆکراتیه‌تێ نه‌خاسم ل کوردستانێ.
پشتی درێژیا سێ ده‌مژمێران سێمیناره‌کا سه‌رکه‌فتی ئوو ب پێزانین هاته‌ قه‌بوولکرن ژ ئالیێن ئاماده‌بوویان ڤه‌.


ڕاگه‌هاندنا لژنه‌یا ناڤچا هۆڵه‌ندا یا
پارتیا دێمۆکراتا کوردستانێ