لیژنەی ناوچەی هۆڵەندای پارتیمان یادی ٦٧ ساڵەی پارتەکەیان پیرۆزدەکەن

Decrease font Enlarge font قەبارەی فۆنت
total views:    1454
image

ساسان دەروێش – هۆڵەندا


بەرەو یادو بیرەوەری پڕشکۆی ١٦ی ئاب ، یادی دامەزراندنی پارتی دیموکراتی کوردستان و لە دایک بوونی سەرۆک مەسعود بارزانی لەژێر ئاڵای پیرۆزی کوردستان ، دەمان گێڕێتەوە بۆ یەکەم ساتی دامەزراندنی پارتیمان لەماڵی هەڤاڵ سەعید فەهیم لە١٦ی ئابی ساڵی ١٩٤٦ کە نزیکەی ٧٠ ئەندام بەشداربوون  و یەکەم کۆنگرەی یەکەمی پارتی دیموکراتی کورد بەستراو بەکۆی دەنگ بارزانی نەمربەسەرۆک هەڵبژێردراولەوکات وساتەوە  ١٦ی ئاب بووە ڕۆژێکی پڕشنگدار لە خەباتی نەتەوەیماندا وبەبۆنەی تێپەڕبوون بەسەر ٦٧ ساڵ بەسەر تەمەنی پڕلە شانازیی و بەمەبەستی ڕاوبۆچوون وەرگرتنی هەڤاڵانی پارتیمان  لە سنووری ناوچەی هۆڵەندا دەربارەی هاوکاتی  دوو ڕووداوی گرنگ ومێژووی بۆمان دوان .

بەڕێز عومەر زاوێتەیی  :- بەبۆنەی ساڵیادی دامەزراندنی پارتیمانەوە ،دەمەوێت بڵێم کە لە مێژووی بزاڤی نەتەوەیماندا لە دایک بوونی پارتیمان و لەدایک بوونی سەرۆک بارزانی کە هاوکاتی یەک مێژوون بە وەرجەرخانێکی مێژووی ودەسکەوتێکی گرنگ بۆ تەواوی گەلی کورد ناودەبرێت کە لە دوای کۆمارە ساواکەی مهاباد بووە ئومێد بەخشی ئازادی وسەرفرازی گەلی کورد کە ئێستا بەرهەمەکەی دەبینین هەموومان  و پیرۆزبایی گەرم لەسەرجەم هەڤاڵانی پارتیمان دەکەم بەگشتی بۆ ئەم دوویادکردنەوەیە ی ٦٧ ساڵە وئێمەی پارتی هەمیشە شانازی بەمێژووی پارتیمان و سەرۆک بارزانیەوە ئەکەین وە لەم یادکردنەوەیەشدا  پەیمان و وەفاو ئەمکداری نوێ ئەکەینەوە کە هەمیشە پێشمەرگەیەکی بەوەفابین بۆ ڕێبازی بارزانی نەمر ، ئا لەم ساتە وەختەشدا ڕێزگرتن لە بیروڕای یەکترو پاراستنی دەسکەوتەکانمان تاکە زامنی یەک ڕیزی گەلەکەمانە ، سەرکەوتوبێت خەباتی ڕەوای گەلەکەمان تەمەنی درێژی بۆ سەرۆک بارزانی وسەربڵندی هەمیشەبۆ پارتە دڵسۆزەکەی .

 

بەڕێز خاتوو فەزیلە شۆڕش :- به بۆنه ی 16ی ئاب ی ، پیرۆز یادی دامه زراندنی پارتی دیموکراتی کوردستا نی خۆشه ویست ، پیرۆز بایه کی گه ر م ئاراسته ی رێزدار و برای گه وره و خۆشه ویست کاك مسعود بارزانی و هه موو ئه ندام و هه ڤالانی پارتی ده که م وه هه زاره ها  سلاو له گیانی پاکی  باوکی روحی کورد مه لا مصطفی بارزانی  نه مر دامزرێنه ری ئه م رێبازه پیرۆزه بێت. پارتی دیموکراتی کوردستان پارتێکی نه ته وه یی و دادپه‌روه‌ره.  بروای به مافی مرۆڤ به گشتی و ه مافی ئافره ت به تایبه تی  هه یه . هه موو کاتێك  رێز له ئازادییه‌كانی تاك و مافی نه‌ته‌وه‌ی كورد و نه ته وه کانی تر ده گری وه ئه م  رێزه ی  له بریاره کانی چاره‌نووسیدا ره چاوی کردوه  و وه ده کات  و وه به گرنگی ده زانی ،  بێگومان پارتی دیموکراتی کوردستان جیگای شانازی و سه ر به رزیه  بۆ هه موو کوردێك و نه ته وه په روه ر و وه فادار بۆ کوردو کوردستان .
 کارکردن و خزمه تی ئه م رێبازه پیرۆزه جێگای شانازیه .هه ر بۆ یه منیش وه ك ئافره تێکی کورد په روه ر و وه فا دار بۆ ئه م ریبازه کارکردنم و خزمه ت کردنی ئه م ریبازه  به ئه ر کێکی سه ر شانی خۆ می دا د نێم . سه ر که وتنی هه میشه یی و هێمنی و ئارامی به رده وام  له ژێر چه تری پارتی و ه یه ،یە كبوونی مالی کورد  هیوامه .

بەڕیز طە دەروێش نادر :- زۆر سوپاس بۆ بەڕێزتان  و بۆ ڕۆژنامە ئازیزەکەتان کەجێ پەنچەی دەیان تێکۆشەروخەمخۆری بیری کوردایەتی پێوە دیارە ، ئەمڕۆشی لەسەربێ کە باس لە ڕۆژنامەی خەبات ئەکرێ بێ سێ ودووبۆنی کوردایەتی لێ دێ ،بۆ ئەم یادە مەزنە وێڕای پیرۆزبایی من پێم خۆشە لەڕێی بەڕیزتانەوە زیاتر بۆ ئەم یادە بدوێم، ئەگەر بگەڕینەوە بۆ مێژوو بۆمان دەرئەکەوێ ئەو پارت و ڕێکخراوانەی هاوتەمەنی پارتی دیموکراتی کوردستانن با پیرتر لەو مێژووە دا چیان بۆخۆیان وگەلەکەیان ودەوروبەرکردوە ، بەڵکو زۆربەیان نەمان و هەندێکیشیان لە هاوکێشە سیاسیەیەکاندا پشت گوێ خران  و هەندێکیشان لە نەهامەتی و گیرۆدەیی بۆخۆی ودەوروبەری هیچی لە مێژوودا تۆمارنەکردوە، بۆیە بەڕاشکاوی ئەڵێم پارتی دیموکراتی کوردستان ئەو پارتەیە کە هەڵوێستی شۆڕشگێرانەی نەتەوەی کوردی لە قاڵبێکی سیاسیانە وشۆڕشگێڕانەدا داڕشتەوە ئەوە بوو لە دەسپێکی خەباتی چەکداری سیاسی دا ئەو شەرەفە مێژوویی پێ بڕا کە بۆ چەندین ساڵ ڕابەڕایەتی گەورەترین شۆڕشی کرد لە مێژووی نەتەوەکەماندا زۆر ووتن نیە کە بڵێم تەواوی گەلی کورد خەرمانەی دابووتیایدا ، هەموو ئەو دەسکەوتانەی مێژووی پارتیمان ئەگەڕینینەوە بۆ لەخۆبووردوی وحکیمەتی باوکی کورد بارزانی نەمر، ئەمڕۆش پارتی دیموکراتی کوردستان یەکێکە لەو پارتە باڵا دەستانەی لە ڕیزی پێشەوەی خەباتی نەتەوەیمان دا پێشڕەوی دەکا بۆ دەسکەوتی زیاتروهەمیشە خۆی بەخمخۆری هەموو پارچەکانی تری کوردستان دەزانێ بۆیە شەرەفی ئەوە بەسەرۆکەکەی بڕا کە ببێتە سەرۆکی کۆنگرەی نەتەوەیی کە دەسکەوتێکی مێژوویی خەونی بابی کورد مستەفا بارزانی نەمر بوو ،     لە کۆتایم دەڵێم دووبارە ئەم یادە پیرۆز ئەکەم وە پیرۆزبایی ساڵ یادی لە دایک بوونی جەنابی سەرۆک کاک مسعودبارزانی دەکەم کە هاوکاتە لەگەڵ ساڵی دامەزراندنی پارتیمان پارتی دیموکراتی کوردستان تەمەن درێژبیت هەمیشە کوردستان  لە دەستێکی ئەمین و باوەڕپێکراودایە لە سایەیی بەڕیزیانەوە لە نێو تەواوی نەتەوەکەیدا ، خۆزیارم پارتیشمان هەمێشە سەربڵند و پڕ ڕێبواربێ .
 

بەڕیز خاتوو سازان عەلی سەعید :- وێڕای پیرۆزبایی خۆم بۆ گشت ئەندامانی پارتیمان بە بۆنەی داگیرسانی مۆمی ٦٧ ساڵەی دامەزراندنی پارتی دیموکراتی کوردستان ولەدایک بوونی سەرۆک مەسعود بارزانی ئاراستە ئەکەم ، ناکرێ لە یادکردنەوەی پارتێکی تێکۆشەری ٦٧ ساڵە باس لە ڕۆڵی ئافرەت وئاماژەکردن نەبێ لە دڵسۆزیی ئافرەتانی کوردستان بۆ خاک ونەتەوەوڕیبازەکەیان ، ئافرەتی کورد هەم دایک بووهەم پێشمەرگە ولەو پێناوەشدا کاروانێک لە تێکۆشەرانی بوونە قوربانی خاک وبیروباوەڕی نەتەوەییان کە سەدان نموونەی بەرچاومان هەیە وئافرەتی کورد ئەمڕۆش بەشێکی لەبەرچاون لە پارێزگاری کردنی دەسکەوتەکانی خەڵکی کوردستان وخەباتی پارتیمان لەنێودام ودەزگاکانی حکومەت وپەرلەمان خزمەت بەئەرکی نیشتیمانی ونەتەوەییان دەکەن وپارتیمان لەم بوارەداڕۆڵێکی بەرچاوی لە پێشخستنی ئافرەتی کورد لە هەموو بوارە جیاوازەکان دا هەیە و دەرفەتی کارودەستەڵات وبڕیاردانی بۆ ڕەخساندون کەبەمەش نموونەیەکی جوانی پڕ لە بەهای دیموکراسی وئازادی دەبەخشێتە نێو بانگی پارتەکەمان وهەرێمی کوردستان و ئێمەش وەکو یەکێتی ئافرەتانی کوردستان پەیمان ئەدەین کە لەسەر خواست وئاواتەکانی دەستە خوشکەکانمان کە لەوپێناوی ئەم ئازادیەی ئەمڕۆی کوردستان گیانیان بەخت کرد ، وەفاداربین بەرامبەر کوردوکوردستان وڕێبازە پیرۆزەکەی بابە بارزانی نەمر وسەربڵندی بۆسەرۆک مەسعود بارزانی وڕۆژی لەدایک بوونی پڕ لەتەمەن بێت.

بەڕێز پێشڕەو حەسەن ڕەواندوزی :-  بۆ یادی دامەزراندنی ٦٧ ساڵەی پارتیمان ، سەرەتا سەری ڕێزونەوازش دائەنەوێنم لەبەردەم سەرجەم شەهیدانی نەتەوەکەم وسەروەریان باوکی کورد بارزانی نەمر وکاکە ئیدریسی هەمیشە زیندوو، لەم یادە پیرۆزە نامەوێ هیچ بڵێم تەنها ئەوەندە نەبێ شانازی بە پارتەکەمەوە ئەکەم کە هەمیشەدڵسۆزی خاک ونیشتیمانەکەی بووە ، پارتیمان لە سەرەتا وە هەرچی بۆ گەلەکەی کردبێت بە ئامانەتەوە بە مێژووی ڕاستەقینەی سپاردوە بۆیە دووپاتی ئەکەمەوە ڕۆلێ پارتی دیموکراتی کوردستان لە دووتوێی دیرۆکی نەتەوەیی دا ئەستێرەیەکی پرشنگدارە وسەنگی سیاسی نەتەوەی خۆی هەیە .داواکارم لەیەزدان تەمەنی سەرۆک وپارتەکەمان درێژبکات بۆ خزمەتی کوردوکوردستان .


بەڕیز شێرزاد یونس ڕۆژبەیانی :-  دەکرێ بڵێم سەرکەوتنی نەورۆزو لەدایک بوونی پارتی یەک چەخماخەن بۆ ڕزگاری کوردوکوردستان کە  لە سەدەیەکی ڕابردووی تەواوی نەتەوەی کوردا ئەگەر تاکە شانازیەک هەبووبێت بۆ گەڕانەوەی سەربەستی وئازادی ودوورلەژێردەستی وڕوانین بووبێ بۆ سەرکەوتن بەسەرزوڵم وزۆرداری دوژمنانمان تاکە پێناسەی سەرسنگمان نەورۆز بووە کەتین وهورەی لەبن نەهاتووی چەندین ساڵەی کورد بووە بۆ خۆڕاگری و مانەوە و بەرەنگاربوونەوە ، لە پتر لە نیوسەدەی کوردایەتیش بەشۆڕش وڕاپەڕینەکانەوە بەشانازیەوە پارتی دیموکراتی کوردستان بوو کە وەک بڵێسەی ئاگرەکەی نەورۆز داگیرسا لەدڵ ودەروونی نیشتیمان پەروەران بۆ بەرەنگاربوونەوەو رزگاربوونی گەل لەتاریکی ڕۆژگارەکانی دواکۆتایی جەنگی جیهایەکان ولەنێوگەلی کوردا خۆی ڕاگەیاندو بووە ئومێدوئاواتی گەلێکی ستەم دیدەو لەهەوڵ  وخەبات وقوربانی دانی بێ وچانی بەڕابەرایەتی باوکی ڕۆحی کورد مستەفا بارزانی نەمروهەڵگری بیری کوردایەتی وجاڕدانی سەربەخۆی بۆ کیانێکی نەتەوەیمان پارتی پێشڕەوی گەل بەئێستاشەوە کە خاوەنی پەرلەمان وحکومەت وهەرێمێکی سەربەخۆێن لەژێر ئاڵای پیرۆزی کوردستان ، پیرۆزبێت ئەم یادەولەدایک بوونی سەرۆکی هێژامان.


بەڕیز ڕەشید بۆتانی :- بە بۆنەی یادی شەست و حه‌وت ساڵەی دامەزراندنی پارتی و ساڵرۆژی لەدایک بوونی جەنابی سەرۆک بارزانی، گەرمیترین پیرۆزبایی ئاراستەی سه‌رۆکی خۆشەویستم جەنابی سەرۆک بارزانی و یه‌که‌ یه‌که‌ی کادیر و ئەندام و لایەنگرانی خۆشەویستی پارتی دەکەم.
پیرۆزبایی  و رێزی تایبەت بۆ پێشمەرگە قارەمانەکان و خانەوادەی سەربەرزی شەهید و ئەنفالکراوان هەیە. پارتی لە ئەرکی پاراستنی دەسکەوتە بەدیهاتووەکان و پێشکەوتنی زیاتر و خزمەتی فراوانتری خەڵک بەردەوام دەبێت. پارتی بە دڵسۆزی  و خەبات و کردار،  رزگاریخوازی کوردستان بووە و لە ژێر سەرکردایەتی جەنابی سەرۆک بارزانی ،  لەم یادەدا سەری ڕێز و نەوازشت بۆ ڕوحی پاکی هەموو شەهیدانی کورد و کوردستان دادەنوێنین و ئاواتەخوازین گشت لایەکمان بتوانین بە یەکڕیزی و تەبایی درێژەپێدانی ڕیبازی بارزانی و ئەم شەهیدانە بین و تێبکۆشین بۆ دەستەبەرکردنی هەموو مافە ڕەواکانی گەلەکەمان و ئەو ئامانجانە بەدی بهێنین کە ئەم شه‌هیدانه‌مان گیانیان لە پێناودا بەخت کردووە.

بەڕیز دیندار کۆچەر :- پارتی لە مێژووی پڕ سەروەری خۆیدا ٦٧ ساڵی لە تەمەنی خۆی بڕی لە نێو هەورازونشێوی گۆڕانکاریەکانی دنیا وبەرامبەر دوژمنانی کوردوکوردستان هەرلەنوێ بوونەوەدایە وپیرنابێ،  کە دواترین کۆنگرەی ١٣بوو کە کۆمەڵیک بیری تازە وگەنج هاتنە پێشەوە ، ئێستا پارتی لەساحەی کوردستاندا لەنێو گەمەیەکی سیاسی نێودەوڵەتی دا ئەسپی خۆی تاو دەدات ئەویش بەحەکیمانەی سەرۆک بارزانی یە کە دوادەسکەوت هەنگاوی کۆنگرەی نەتەوەی دەنێن کە ئایندەی کوردستان و پارچەکانی پێ زامن دەکەین ، ئەگەر بێت وبەخێرای باس لە پارتی بوون ودامەزراندنی بکەین بۆمان ڕوون دەبێتەوە کە پارتی هەڵقوڵاوی جەماوەری کوردستان خۆیەتی وەک پێویستیەکی سەردەمیانە لەدایک بوولەسەرئەرزی واقیح بۆ هێنانەدی خەون و ئومێدی باوباپیرانی کورد کە لە شۆڕشە یەک لەدوایەکەکان نەگەیشتبونە ترۆپکی سەرکەوتن و بەدەست هێنانی ئامانجی کوردستانی، بەڵام پارتی بەڕابەرایەتی بارزانی نەمر لە شۆڕشی ئەیلول و گوڵان وڕاپەڕین زۆر دەسکەوتی بۆ گەلی کوردهێنایەدی بەخوێنی ئاڵی گەشی شەهیدەکانی ئاوی گوڵی سەربەستی وئازادی ئەمڕۆمانی پێ ئاودا. لە کۆتایدا سەری ڕێزونەوازش بۆ شەهیدان و پێشمەرگە ئازاکانی کوردستان دائەنوێنم.

بەڕیز خاتوونورۆز عزیز خان ئاکرەیی :- ١٦ی ئاب ڕۆژێکی پڕشکۆیە  ، ئەوە بۆ جارێکیتر ڕۆژی ١٦ی ئاب دەگەڕیتەوە ، ئەو ڕۆژەی بەرشکۆ و پڕبەئومید کە ٦٧ ساڵ بەر لە ئەورو لە ئاسوی کوردستان هەڵیدا  ، ئەو سەردەمەی کە پارتی دیموکراتی کوردستان دامەزرا لە ١٦ی ئاب ١٩٤٦ سەردەمێکی پڕ ئاڵۆزی وبێ ئومێدی وتەنگەژە و ژان و ئازار بوو ، بەڕاستی دامەزراندنی پارتیمان لەو ڕۆژ وسەردەمەدا  ئاسۆێکی پڕ ئومێدی  بەمیللەتی کوردستان بەخشی ، نەک لە باشور بەڵکو لەهەر چوار پارچەکانی کوردستان ، دامەزراندنی پارتی کە چەند پارتێکی کوردستانی ئەوسەردەمە یە یەک گەهاند وبناغەی یەکبوون ویەک دەست ویەکبڕیاری خەڵکی کوردستان بەناحەزودوژمنان وداگیرکەرانی کوردستان پشان دا، ئیتر خەڵکی کوردستان بەرەو ئایندەی خۆیان کەبەدەست هێنانی ئاوات ومافی ڕەوای خۆیان و ووڵاتەکەیان تێ دەگۆشان ئیتر لەژێر سێبەری ئاڵای پارتێکی بەهێز وبەتواناوە لەژێر فەرماندەی یەکێک لەناودارترین سەرکردەی ئەوسەردەمە کە مستەفا بارزانی بوو ئەوپارتەی کە سەرەڕای نسکۆی کۆماری مهاباد وئاوارە بوونی بارزانی نەمر لەگەڵ هەڤاڵانی خۆی بۆ یەکێتی سۆڤیەت بەڵام پارتی هەر ئەوپارتە بوو کە ئاڵای خەبات وتێکۆشانی میللەتی کورد وکوردستانی بەرزتر و توندتر بەرەوڕۆژێکی پڕشکۆو بەرێوەئەبرد هەرئەوپارتە بوو کە شۆڕشی ئەیلولی ١٩٦١ داگیرساندو بوو بە قەڵاێێکی پۆڵایی دژ بە ڕژێم وسوپای دوژمن کە دەی ویست کوردستان وێران بکات وکورد لە ناوببات هەرئەوپارتە بووکە دەسکەوتی ١١ی ئاداری ساڵی ١٩٧٠ ی بەدەست هێناوڕژێمی بەغدای ناچار کرد دان بە مافی کوردا بدات وهەرئەوپارتە بووکە ئێمەی گەهاند بە ڕۆژێکی وەک ئەمڕۆ کە لەژێر سێبەری فیدراڵی ئەژین ودواترین دەست کەوتمان ئەویش کۆنگرەی نەتەوەیی یە.