المالکی وشانۆگەری دیجلە

Decrease font Enlarge font قەبارەی فۆنت
total views:    1272
image

تەحسین کەرکوکی

ڕۆژ بەڕۆژ گەندەڵی وشکستە سیاسی یەکانی حکومەتەکەی مالکی زیاتر ئاشکرا ئەبن  وڕاوێژکار ودەمڕاستەکانی  بۆ داپۆشینی ئەو هەموو شکستەیان کێشەیەکی نوێ دروست ئەکەن ئەویش تەنها لەبەر چەواشەکردنی ڕای گشتی وجەماوەر وپەردە بەسەر گەندەڵیەکانیاندا  دەبێ شانۆگەری یەکی تر دروست بکەن  ، هەرلە دژایەتی کردنی شهرستانی لەبەرامبەرکۆمپانیا پترۆلە بیانی یەکانی کە لە هەرێم کاردەکەن یان دژایەتی بەهەرێم بونی پارێزگاکان یان کێشەی تاریق هاشمی و بانکی مەرکەزی عیراقی یان ئابڕوچونەکەی ئەم دوای یەیان لە کڕینی چەک لەگەڵ مۆسکۆدا وئاشکرابونی ئەوگەندەڵیە ی کە نزیکترین کەسەکانی مالکی تێوەگلان لەوانە (علی دەباغ وعیزەت شابەندەر و ئەوانیتر ) وهەڕەشە کردن لە ئەندام پەرلەمانە کانی لیستی سەدری وهتد.ئەمانەی کردیان  تەنها بۆ ئەوەی بگەنە ئەو ئاستەی هەرێم بەڵام بە پێچەوانەوە توشی شکستی یەک لەدوای یەک بونەوە ، لێرەدا جێگای خۆیەتی پرسیارێک لەو بەرپرسە کوردانەی شەریکی مالکی لەحکومەتی بەغدا بکرێ ئایا بۆ بێدەنگیتان هەڵبژارد لەئاست ئەم هەموو گەندەڵیە خۆ ئەگەر ئێوە بان زوڕنا ژەنەکانی مالکی هەموو دنیا یان لێتان تێ ئەگەیاند، لە دوای ئەم هەموو شکستەیان ئەمڕۆ شانۆگەری یەکیان دەرهێناوە بەناوی ئٶپەراسیۆنی دیجلە وە ئەویش بۆ داپۆشینی گەندەڵیەکانیان و خۆڵ بەچاوکردنی هەوادارانیان ولە هەمان کاتدا بۆ ڕیکلامکردن بۆهەڵبژاردن  یان جوڵانی هەستی عەرەب بەلای خۆیاندا دژ بە کورد هەرچەندە مەرام وداخ لە دڵی ڕاستەقینەی خۆیان ئاشکرا کرد ،بەڵام لە کۆتاییدا لەم شانۆگەری یەشیان شکست ئەهێنن وەکو ئەوانی تر چونکە بۆیان دەرکەوت شەقامی کوردی لەم جۆرە هەڕەشانە یەک هەڵوێستن هەموو پێشمەرگەن بۆ بەرگریکردن لە دەستەکەوتەکانی هەرێمی کوردستان لایەنە سیاسیەکانی کوردستان بەدەسەڵات وئۆپۆزسیۆنەوە یەک هەڵوێستن وبڕوایان بەوە هەیە ئەوبانگەوازەی مالکی ئەگەر بۆی بچێتە سەرچاوپۆشی لە هیچ کوردێک ناکات شەڕەکەی بەتەنها لەگەڵ لایەنێک نی یە یان لە دژی ناوچەکێشە لەسەرەکان نی یە بەڵکو شەڕی گەندەڵکارانە لەدژی دیموکراسی وسەربەخۆیی گەلی کوردە  بۆیە بەیەکێتی ویەکگرتنی ڕیزەکانی گەل المالکی مل شۆڕ دەکات و توشی شکستێکی گەورەتر دەبێت و ئەم شکستەشیان دەچیتە ڕیزبەندی گەندەڵی وشکستەکانی پێشوتریان ولەلاپەڕەیی ڕەشی مێژوویان تۆمار دەکرێ.