دەقی وتاری سه‌رۆكی هه‌رێمی كوردستان له‌ كۆنگره‌ی نێوده‌وڵه‌تی حزب و لایه‌نه‌ دیموكراته‌كان له‌سه‌ر ئاستی جیهان

Decrease font Enlarge font قەبارەی فۆنت
total views:    1081
image

د كۆنگره‌یا پارتى و ئالى یێن ده‌مۆكراتێن میانره‌و ده‌ لسه‌ر ئاستا جیهانێ كو ل ئاڤاهیا پارله‌مێنتا ئیتالیایێ برێڤه‌ چوو ؛ برێز مه‌سعود بارزانى سه‌رۆكێ هه‌رێما كوردستانێ كو به‌شدارێ كۆنگرێ یه‌ په‌یڤه‌ك پێشكێشكر ، كو ئه‌ڤ ته‌كستا په‌یڤا برێز سه‌رۆك بارزانى یه‌:-

بەرێز کاسینی سەرۆکی
Centrist Democratic International
سه‌رۆک وه‌زیره‌ به‌ریزه‌کان
سکرتیر و نوینه‌رانی پارته‌ سیاسیه‌ به‌ریزه‌کان
ئامادەبوانی بەرێز

سووپاسێکی گەرم ئاراستەی سکرتاریەتی
Centrist Democratic International دەکەین بۆ بانگهێشتکردنی پ.د.ک بۆ ئەم کۆنگرەیە.

هیوای سەرکەوتن بۆ هەموو لایەکتان دەخووازین.

خۆشحالین بەوەی کە ئەمرۆ لەگەل ئێوە لەم کۆنگرەیەدا بەشدارین.

(پ.د.ک) هێزێکی سیاسی دیاری گەلی کوردستانی عیراقە و لە سالی 1946 دامەزراوەو تا ئەم ساتە وەختەش لە ریزی پێشەوەی خەباتی خەلکی کوردستانە لە پێناوی دیموکراسی و مافە رەواکانی گەلەکەمان.

شان بە شانی هێزە نیشتیمانییەکانی دیکە، ( پ.د.ک) خەباتی کردووە ، تا دیموکراسیەت لە عێراق بهێنێتە دی ، چوونکە هۆکاری بنەرەتی نەهامەتییه‌کانی عێراق، نەبوونی دیموکراسییەت و سەروەرنەبونی ئیرادەی گەل بووە.

( پ.د.ک) هەمیشە پێی وا بووە کە یەکسانی و دادپەرەوەری کۆمەلایەتی و کۆمەلگای فرەرەنگ لە سەر پرەنسیپی یەکتر قبول کردن و لێبووردەیی دەچەسپێ و شانازی بەوە دەکات کە شەرەفی سەرکردایەتی کردنی شۆرشی گەلی کوردستانی کردووە و لە دوای راپەرینی خەلکی کوردستان لە 1991 دەستپێشخەر بووە بۆ هێنانە ئارای سیستەمێکی دیموکراسی کە لە رێگای سندووقەکانی دەنگدانەوە، خەلکی کوردستان لە پرۆسەیەکی دیموکراسیانەدا ، ئازادانە نوێنەرانی خۆیان هەلبژێرن.

هەر بەم هۆیەشەوە بوو کە تووانیمان لە 1992 پاش هەلبژاردن ، پەرلەمان وحکومەتی هەرێمی کوردستان دابمەزرێنین .

بەرهەمی خەباتی خەلکی کووردستان لە پێناووی ئازادیدا ئەووەبووە ، ئێستا هەرێمی کوردستان ، قۆناغی گەوره‌و گرنگی بریووە لە رووی بوونیاتنانەوەی ولاتەکەمان و لە رێگای یاسا و دامەزراووە دەستوورییەکانی هەرێمەوە ئەرک و مافی سەرجەم پیکهاتەکانی کوردستان بچەسپێنرێن.

خەلکی کوردستان ، بەر لە 1991 ، بە شێوازێکی سیستەماتیک، رووبەروی جێنۆساید بووەتەوە و بە هۆیەوە، لە کۆی 5000 گوندی کوردستان ، 4500 گوند بە تەواوی خاپوور کرابوون.

نزیکەی 182000 کەس بێ سەرو شوێن کراون و لە کیمیا بارانی هەلەبجە لە سالی 1988 زێاتر لە 5000 کەسمان شەهید بوون.

گەلی کوردستان ، باوەرێکی پتەوی بە گیانی لێ بووردەیی و پێکەوە ژیان هەیە ، بۆیە ، ئەو رابردووە پر لە نەهامەتییە، کوردی بەرەو تۆلە سەندنەوە نەبرد، بەلکو بە گیانی لێبووردەیی ، بە ئومێد بە ئایندە ، سەرقالی بوونیاد نانەوەی وولاتەکەمان و دامەزراندنی دامەزراوە دەستووریەکانمان بووین.

بەرێزان ، ئامادەبووانی خۆشەویست

کۆمەلگەی ئێمە لە هەرێمی کوردستان ، کۆمەلگەیەکی کراوەیە.

سەرجەم پێکهاتە نەتەوەیی و ئاینیەکان ، ماف و ئەرکیان پارێزراووە.

لە پەرلەمانی هەرێمی کوردستان 11 هێزی سیاسی هەن که‌ هه‌ندێکیان ئۆپۆزسیۆنن ، 33% ئەندامانی پەرلەمانی کوردستان ئافرەتن.

بە سیستەمی کۆتا ، 5 پەرلەمانتاری کریستیانمان هەیە لە کۆی 111 ئەندامی پەرلەمان. پێکهاتە نەتەوەییەکانی وەک ( ئاشوری و کلدان و سریان و تورکمان و ئەرمەنی) بە زمانی خۆیان دەخوێنن.

ئازادی ئایینی بە تەوواوی فەراهەم کراوە.

موسولمان و مەسیحی و ئێزیدییەکان و مەزهەبە جیا جیاکان، بە ئازادی مەراسیمی ئایینی خۆیان ئەنجام دەدەن.

پێکەوە ژیانی ئایینی ، هەمیشە خالی جێ شانازی خەلکی کوردستان بووە.

باوەر بوونمان بە دێموکراسییەت و تەعەدوودێەت و ئازادی ئایین و مەزاهیب و پێکەووە ژیان ، سەقامگیری سیاسی بۆ فه‌راهه‌م کردووین .

بە هۆی سەقامگیری ئاسایش لە هەرێمی کوردستان ، لە دوای1991 تووانیوومانە کوردستان ئاوەدان بکەینەووە.

لە کۆێ 4500 گوندی وێران ، توانیوومانە ، نزیکەی 4000 یان ئاوەدان بکەینەوە. یەک زانکۆمان هەبوو ، ئێستا 17 زانکۆمان هەیە.

لە 2002 ، داهاتی تاکەکەس لە هەرێمێ کوردستان تەنها 275 دۆلار بوو ، ئێستا لە 2012 داهاتی تاکەکەس بووەتە 5000 دۆلار.

رێژەی بێ کاری لە هەرێمێ کووردستان 7%، ئاستی ئێستێسمار گەشتۆتە نزێکەی 20 ملیارد دۆلار.

زیاتر لە 3000 کۆمپانیای بیانی لە هەرێمی کووردستان هەن و کار دەکەن.

ئێستا توانای بەرهەمهێنانی نەوت لە هەرێمی کووردستان 17500 بەرمیلە لە رۆژێکدا، بۆ کۆتایی 2014 ئەم رێژەێە دەبێتە 1 ملێۆن بەرمیل لە رۆژێکدا.

بەرێزان

عێراق بە قۆناغێکی هەستێاردا تێدەپەرێت. لە دووای 2003 هەرێمێ کووردستان لە چووارچێوەی دەستوورێکدا پەیوەندیەکانی دارشتووە.

ئەو دەستوورەی کە 80% ی عێراقییەکان لە 2005 دەنگێان پێداووە. عێراق لە دوو نەتەوەی سەرەکی پێک دێت، کورد و عەرەب، لەو دەستورەشدا لە سەر بنەمای ( تەوافوق و شەراکەتی راستەقینە و تەوازون) دەسەلات و ماف و ئەرکەکان لە چوارچێوەێ سیستەمێکی فیدرالیدا لە نێووان هەرێمێ کوردستان و حکومەتی فیدرالدا دیاریکراوە.

ئێمە لەهەرێمی کوردستان ، هەلوێست و سیاسەتمان روون و ئاشکرایە، تا ئەوکاتەی عێراق پابەند بێت بە دیموکراسییەت و دەستوور ، بەشێک دەبین لەو سیستەمە فیدرالیە .

بەلام ئەگەر حکوومەتی عێراق پابەند نەبێت بە دەستوور و بەرەو دێکتاتۆریەت و تاکرەوی بچێتەووە، ئێمە وەک خەلکی کوردستان، ئامادە نین لە سایەی رژێمێکی دیکاتۆریدا بژین و گەلی کوردستان بریاری دیکەی دەبێت.

بە دەیان هەزار خێزان ناوچەکانی ناوەراست و باشووری عێراق بە جێ دەهێلن و رویان لە کوردستان کردووە. 12هەزار خێزانی مەسیحیش له‌ ناویاندا روویان لە هەرێمی کوردستان کردووە.

بەرێزان

رۆژهەلاتی ناوەراست بە قۆناغیکی هەستیاری پر لەگۆرانکاری خێرادا تیدەپەرێت.

پشتیووانی تەواوی خۆمان بۆ سەرکەووتنی ئێرادەی گەلان و فراوان بوونی ئازادیەکانیان و هاتنە ئارای سیستەمێکی دیموکراسی ، دەربریووە.

لەگەل ئەوەشدا نابێت رێگا بدرێت هیچ هێزێکی رادیکال ، بەرهەمی شۆرشی گەلان ئێستێغلال بکات و تووندرەوی و گیانی تۆلەسەندنەوە بلاو بکرێتەوە.

لەم چووارچێوەیەشدا ، ئێمە پشتیووانی داواکاریەکانی گەلانی سوریا دەکەین که‌ سیستەمێکی دیمووکراسی ، فرەلایەن ، بۆ خۆیان درووست بکەن و بۆ خۆیان بریار لە چارەنووسی خۆیان بدەن.

سوریا ، بۆ ئێمە بایەخی تایبەتی خۆی هەیە ، چونکە زیاتر لە 2 ملێۆن کورد لە سوریا هەن و له‌ مافی هاوولاتی بوونیش بێ بەشن .

هیوادارین ، هه‌ر گۆرانکارییه‌کی تازه‌ ببیته‌ هۆی هاتنه‌ ئارای خیر وخۆشی و ئازادی و هاتنه‌ ئارای مافه‌کانی هەموو پێکهاتە نەتەوەیی و ئایینیەکان.

پشتیوانی خۆمان دووپات ده‌که‌ینه‌وه‌، بۆ چاره‌سه‌رکردنێکی عادیلانه‌ی كێشه‌ی کورد له‌ پارچه‌کانی دیکه‌ی کوردستان به‌ شێوازیکی دیموکراسییانه‌ی ئاشتیانه‌ی دوورله‌ توندو تیژی.

جارێکی دیکەش سووپاستان دەکەین بۆبانگهیشتکردنمان بۆ ئەم کۆنگرەیە.

هیواخوازین ، پەیوەندیەکانی نێوان پ.د.ک و حیزبە بەرێزەکانی بەشداربووی ئەم کۆنگرەیە رۆژ لە دوای رۆژ بە هێزتر ببێت و هەماهەنگێ زیاتر هەبیت بۆ پێشخستنی پەیوەندییەکانی نێوان هەریمی کوردستان و هەموو لایه‌ک .