مه‌كته‌بى رێكخستنى (پ.د.ك) له‌گه‌ڵ رێكخستنه‌كانى سه‌ركردایه‌تى پارێزگاكان و لقه‌كان و مه‌كته‌ب و سه‌نته‌ر و ده‌زگاكان كۆبووه‌وه

Decrease font Enlarge font قەبارەی فۆنت
total views:    1106
image

ئه‌مڕۆ له‌ باره‌گاى مه‌كته‌بى سیاسی پارتى دیموكراتى كوردستان له‌ سه‌ڵاحه‌دین به‌سه‌رپه‌رشتى جه‌عفه‌ر ئیبراهیم ئه‌ندامى مه‌كته‌بى سیاسی و لێپرسراوى مه‌كته‌بى رێكخستن، كۆبوونه‌وه‌ى هاوبه‌شى مه‌كته‌بى رێكخستن له‌گه‌ل لێپرسراوى مه‌كته‌بى رێكخستنى ئه‌نجوومه‌نى سه‌ركردایه‌تى پارێزگاكان و لقه‌كان و نوێنه‌رى سه‌رجه‌م مه‌كته‌ب و سه‌نته‌ر و ده‌سته‌ و ده‌زگاكانى پارتى به‌ڕێوه‌چوو.

د جڤینێ ده‌ هن مژار هاتنه‌ گفتوگۆ كرن ژ وان ژى گفتوگۆكرنا ره‌وشا رێكخستن و هه‌لسه‌نگاندنا ئاوایێ پێكانین و چالاكى یێن ئۆرگانێن رێكخستن و دیتنا مه‌كانیزمه‌كه‌ ئه‌رێنى ژبۆ ئاكتیڤكرنا رێكخستنان و چالاك كرنا رۆلا وان و هه‌روه‌ها ره‌وشا سیاسی یا نها یا عێراقێ و كوردستانێ و هه‌لوێست و پێشده‌چۆنێن گرفتاریا كو نها عێراق پێره‌ ده‌رباس دبه‌ و هه‌لوێستێن نه‌ته‌وه‌یی و نیشتمانى یێن سه‌رۆك بارزانى و هه‌ولێن وى ژبۆ ده‌رباسكرنا عێراقێ ژ ترسێن دیكتاتۆریێ و عه‌قلیه‌تا شۆڤێنى و ئاڤاكرنا عێراقه‌كه‌ ده‌موكراسی و فه‌درال كو تێده‌ مافێن نه‌ته‌وه‌یی و دیرۆكى یێن گه‌لێ مه‌ پاراستى بن.

پاراستنا یه‌كریزى و یه‌ك هه‌لوێستیا كورد د به‌ربرووكرنا وێ گرفتاریێ ده‌ مژاره‌كه‌ دن یا جڤینێ بوو.

مژاره‌كه‌ دن ژى گفتۆگۆكرنا هه‌فكاریا ناڤبه‌را هه‌موو ئۆرگانێن پارتیا ده‌مۆكراتا كوردستانێ ژبۆ بێتر پێشكێشكرنا كارگوزاریان بوو. تێ زانین جڤین ب هژماره‌كه‌ برایار و راسپاری و پێشنیازان بداویهات.