مه‌کته‌بی سیاسیی پارتی دیموکراتی کوردستان پیرۆزبایی له‌ هه‌ڵبژارده‌ی کوردستان ده‌کات

Decrease font Enlarge font قەبارەی فۆنت
total views:    1111
image

بەبۆنەی سەرکەوتنە مێژووییەکەی هەڵبژاردەی تۆپی پێی کوردستان لە یارییەکانی پێنجەمی پاڵەوانێتیی ڤیڤادا، مه‌کته‌بی سیاسیی پارتی دیموکراتی کوردستان په‌یامێکی پیرۆزبایی ئاراسته‌ی هه‌ڵبژارده‌ی کورستان کرد و پیرۆزبایی له‌ هه‌موو یاریزانان و راهێنه‌ران و ستاڤی كارگیڕی و ئه‌ندامانی هه‌ڵبژارده‌که‌ کردووه‌.

ئه‌مه‌ ده‌قی په‌یامه‌که‌یه‌:

بۆ هه‌ڵبژارده‌ی تۆپی پێی كوردستان

سڵاو و رێز
به‌بۆنه‌ی سه‌ركه‌وتن و بردنه‌وه‌ی جامی جیهانیی ڤیڤا، پڕ به‌ دڵ پیرۆزبایی گه‌رم له‌ هه‌موو یاریزانان و راهێنه‌ران و ستاڤی كارگیڕی و ئه‌ندامانی هه‌ڵبژارده‌ خۆشه‌ویسته‌كه‌مان، هه‌ڵبژارده‌ی كوردستان، ده‌كه‌ین و هیوای سه‌ركه‌وتنی زیاتر و پێشكه‌وتنی به‌رده‌وامی بۆ ده‌خوازین.
ئاستی به‌رزی یاری كردنی تیپه‌كه‌ و ئه‌و بردنه‌وه‌ گه‌وره‌یه‌ی له‌و پێشبڕكێ جیهانییه‌دا به‌ده‌ستی هێنا و وه‌رگرتنی نازناوی پاڵه‌وانێتی ڤیڤا، نیشانه‌ی دڵسۆزی و خه‌مخۆری هه‌موو هه‌ڵبژارده‌ی كوردستانه‌ بۆ ولێت و پێشكه‌وتنی یاری تۆپی پێ له‌ هه‌رێمه‌كه‌ماندا و بووه‌ ده‌ستپێكێكی پته‌و و توندوتۆڵ له‌ چالاكییه‌كی وه‌رزشیدا كه‌ ئه‌مڕۆ له‌ سه‌رتاسه‌ری جیهاندا به‌رچاوترین وه‌رزش و مایه‌ی شانازی گه‌لانه‌.
جارێكی تر پیرۆزبایی له‌ ئێوه‌ی دڵسۆز و هه‌موو یاریزانانی كوردستان و هانده‌ران و ئاره‌زوومه‌ندانی تۆپی پێ ده‌كه‌ین و چاومان له‌ ئاینده‌یه‌ كه‌ هه‌ڵبژارده‌ خۆشه‌ویسته‌كه‌ی كوردستان بردنه‌وه‌ی دیكه‌ و سه‌ركه‌وتنی زیاتر بۆ گه‌له‌كه‌مان تۆمار بكات.
مه‌كته‌بی سیاسی
پارتی دیموكراتی كوردستان
10/6/2012