مه‌سرۆر بارزانی ته‌له‌گرافه‌كه‌ پیرۆزباهیێ ئاراسته‌ی هه‌موو كوردێن ئێزدیێن كوردستان و ئێراق و جیهانێ كر

Decrease font Enlarge font قەبارەی فۆنت
total views:    1110
image

ب هەلکەفتا هاتنا جەژنا سەرێ ساڵا کوردێن ئێزدی یا ناسیار ب جەژنا ( چارشەمبا سور ) رێزدار مەسرور بارزانی پەیڤەکا پیروزباهیێ ئاراستەی هەمی ئێزدیێن کوردستانێ و عیراقێ و جیهانێ کر ئەڤە دەقێ وێ یە :-
رێزداران سەروکێ ئەنجومەنێ روحانی و میرێ ئێزدیان ل جیهانێ( میر تەحسین بەگ ) و بابێ شێخ سەروکێ دینیێ ئێزدیان ل جیهانێ و تەڤایا شێخ و پیر و مریدان
خۆشک و برایێن ب رێز

سلاڤێن گەرم ل وەبن....

ب هەلکەفتا هاتنا جەژنا سەرێ سالا کوردێن ئێزدی(جەژنا چارشەمبا سور) پڕ ژدل پیروزباهیێن گەرم ئاراستەی کوردێن ئیزدی ل کوردستانێ و عیراقێ و جیهانێ ب تەڤایی دکەم و ژ ئەزدایێ مەزن دخازم جەژنەکا خۆش و شاد و دلڤەکەر ل کوردستانا ئازاد دناف گەلێ خۆیێ کورد دا  ببەنە سەر ب هەڤڕا وب دلەکێ پاقژ و بژین و تژی ژ خوشتڤیا ئاخا پیروزا کوردستانێ یاکو مەهەمیا پێکڤە دجەمینیت و دگەهینتە ئێک.
مێژوو شاهدێ وێ راستیێیە سەرەرای هەولێن بەردەوام ژبۆ ڤەقەتاندنا کوردێن ئێزدی ژ گەلێ وان پێخەمەت ئاسمیلەکرن و بەرزەکرنا مورکا وان یا نەتەوی و ب دارێ زووریێ گرێدانا وان ب نەتەوەیەک وهزروبیروکێ جوداڤە، وەلێ رەسەناتیا کوردێن ئیزدی و بیروباوەرێن وان یێن موکم و خۆرسک ب گەل و ئاخا وانڤە ئەف هەمی پیلانە تێک و پیک دان و ئەڤرۆ ژهەر دەمەکێ دی پتر گرێدانا وان ب نەتەوە و ئاخا پیرۆزا کوردستانێ ڤە خویادبیت.
دووبارە هیڤیدارم ل سایا کوردستانا ئازاد و ئارام مەراسیمێن جەژنێ ب خێر وخۆشی و بێ قەزا دەربازبکەن.
 ئێدی هەر شاد و بەختەوەر و سەرفرازبن.


                                                                           برایێ وە
                                                                  مەســـــــــــــرور بارزانی
                                                                   18/04/2012