نموونا كادرێ سه‌ركه‌فتى و وه‌لات پارێز دناڤ رێزێن پارتى دیمۆكراتى كوردستان دا .

Decrease font Enlarge font قەبارەی فۆنت
total views:    1385
image

فاخر به‌روارى

كادر ئه‌و مرۆڤه‌یه‌ یێ كو هه‌موو ژیانا خۆ ته‌رخان دكه‌ت ژ بۆ تێكوشین و خه‌باتىَ و گه‌هشتنا ئارمانجێن خوه‌ یێن سه‌ره‌كه‌یى درێكا پارتیا خوه‌ یان سازى و رێكخستنا ئه‌و دناڤ دا كاردكه‌ت .
هه‌لبه‌ت ده‌ما ئه‌م دبێن ئارمانج نه‌ ژ بۆ ئارمانجێن كه‌سایه‌تى و به‌رژه‌وه‌ند په‌رستیا خوه‌ و یا ده‌وروپشتێن خوه‌ .
به‌لكو به‌رۆڤاژى،ئارمانجێن وى و ب هزاران هه‌ڤچه‌پرێن وى دێ رێدا گیانىَ خوه‌ كریه‌ قوربان و ئه‌وى ژى سوس و په‌یمان دایه‌ وان كو هه‌ر ل سه‌ر رێكا وان و ئارمانجێن نه‌ته‌وایه‌تى و ب ده‌ستڤه‌ئانینا ته‌ڤایا ماڤێن نه‌ته‌وه‌یى و سیاسى و گه‌ردونى .
و به‌ره‌ڤانى كرن ژ مافێت ته‌ڤایا چین و ته‌خه‌یێن گه‌لێ خوه‌ و گه‌لانێن د وه‌لاتىَ خوه‌دا . و خه‌باتىَ بكه‌ت تاكو دادپه‌روه‌ریا جڤاكى ل وه‌لاتىَ وى و د ناڤ پارتى و سازیا وى دا . ب چه‌سپیت و ببیته‌ ده‌ستهه‌لاتدار .
و ئه‌ڤ خه‌بات و تێكوشین یا به‌رده‌وام بیت، ل هه‌مبه‌ری سه‌رمایه‌داری و ده‌ربه‌گیێ و هه‌رده‌م ڵارێزه‌رێ مافێن جینا هه‌ژار و دلسۆژا گه‌لێ خوه‌ بیت.تا کو د گشت واران دا وه‌کهه‌ڤی ب جیهه دبیت.
و ب ڤی ره‌نگی دێ وه‌لاتێ وی
 یێ سه‌ربخۆبیت،و ئه‌و ب خۆ ژی دێ د وارێ ده‌روونی دا یێ ئارم بیت،چوونکه‌ دێ هه‌ست ب وێ یه‌کێ که‌ت ئه‌گه‌ر ب کێمی به‌ ژی ئارمانجێن ئه‌وی وێ تێکوشین و خه‌بات بۆ د کرن و د وێ رێدا خوینا قه‌هره‌مانێن وه‌لاتێ وی و نه‌ته‌وه‌ و هه‌ڤ چه‌ڵه‌رێن وی هاتی رێتن و ره‌نجا ب سالان کێشایی ب ده‌ستڤه‌ هاتینه‌.بێگومان پارتیا ده‌موکراتا کوردستانێ پارته‌کا سه‌ره‌کی یه‌ ل سه‌ر ئاستێ کوردستانا مه‌زن،و ل ته‌ڤایا جیهانێ تێته‌ ناسکرن و ته‌مه‌نێ وێ یێ نێزیکی ( 64 ) سالان دبیت.و ب سایا کادرێ دلسۆژ و سه‌رکه‌فتی و خودان دسپلین‌.شۆره‌ش ل پێی شۆره‌شێ ل هه‌م به‌ری زۆرداران برێڤه‌ برینه‌.دا کو وه‌کهه‌ڤی و براتی و ئاشتی دناڤا گه‌لاندا ب چه‌سپیت.
و ب ده‌هان کۆنفه‌رانس ل دارخستینه‌،و کۆنگرا خوه‌ یا داویێ ئانکو یا ( 12 ) دان د سالا ( 1999 ) دا پێک ئانی یه‌ و ب سه‌رکه‌فتی هه‌رده‌م ل به‌رخوه‌دا یه.‌ و کادرێ وێ یێ دلسۆژ نه‌هێلایه‌ پارتی ژ هه‌ڤ ب که‌ڤیت و هه‌موو ده‌مان بارێ گران ل سه‌ر ملێن خوه‌ هیشتیه‌ بێیکو رۆژه‌کێ گلی و گازنده‌کێ ب که‌ت یان به‌رژه‌وه‌ندا خوه‌ یا که‌ساتی بپارێزیت، ژ به‌ر هندێ شیایه‌ پرانیا جه‌ماورێ کوردستنێ بێی جووداهی ل ده‌وروو پشتێن خۆ ب جڤینیت و بارێ سه‌رملێن خوه‌ گرانتر لێ بکه‌ت.
و یا رژدبیت ل سه‌ر سوسا دایه‌ شه‌هیدان،هه‌تاکو گه‌لێن کوردستانێ ب مافێن خوه‌ یێن نه‌ته‌وه‌یی سیاسی و جینایه‌تی و ئازادیێن که‌ساتی و ده‌مۆکراتیک شاد نه‌بن، دێ هه‌رده‌م د ناڤا تێکوشینا خوه‌ دابیت، و ژ بۆ ڤان ئارمانجان پارتیا ده‌مۆکراتا کوردستانێ ب سه‌ره‌کی بلند یا د قادا تێکوشێنێ دا.و هه‌رچی رۆژا باشتره‌ یا سه‌رکه‌فتنێن مه‌ستر ب ده‌ست خۆڤه‌ تینیت.و نموونا وان سه‌رکه‌فتنان ژی هه‌لبژارتنێن 7-3-2010 یێن پارله‌مانێ عێراقا فیدرال شاهدێن وێ یه‌کێ نه‌ کو ل سه‌ر ئاستێ عێراقێ ب گشتی و کوردستانێ ب تایبه‌تی د پله‌یا یه‌که‌م دا یه‌.
و ئه‌ڤه‌ ب سه‌رێ خوه وێ دگه‌هینیت کو پارتی ب سایا کادرێ دلسۆژ و خۆدان ئه‌زموون و بیر و باوه‌رێن نه‌ته‌وایه‌تی و پارتی و باوه‌ری ب رێبازا ڵیرۆزا بارزانیێ نه‌مر و دۆزا شه‌هیدان هه‌ین توومار کرینه‌.بێگومان د په‌یره‌و و پرۆگرامێ پار‌تی دا هاتیه‌ ئه‌گه‌‌ر ره‌وشا ئاوارته‌ نه‌بیت دڤێت هه‌ر چار سالان جاره‌کێ پارتی کۆنگرا خوه‌ یا گشتی ل دار بێخیت،و ژ سه‌ری هه‌موو کار و خه‌باتێن ئۆرگانێن خوه‌ د به‌رجاڤان را ده‌رباس بکه‌ت.و ئاماژێ ب خالێن لاواز و شاشی و چه‌وتیان بکه‌ت.
و ب ئاوایه‌کێ ده‌مۆکراتیک کار و خه‌باتێن کادرێ خوه‌ یێ دلسۆژ ب هه‌لسه‌نگینیت و هنده‌ک گۆهه‌ریینێن مه‌زن د ناڤ خوه‌دا چێ بکه‌ت،و ئارمانج و خوه‌سته‌کێن نوو ل په‌یره‌و و پرۆگرامێ خۆ زێده‌ بکه‌ت،خه‌باته‌کا ب هێزتر د چارچووڤێ شارستانی و ده‌مۆکراتیک دا بۆ بکه‌ت.
وه‌ک ل به‌رچاڤ پارتی ئه‌ڤه‌ نێزیکی ( 12 ) سالانه‌ کۆنگرا خوه‌ یا ئاسای ل دار نه‌خستیه‌.وه‌ک په‌یره‌و و پرۆگرام دبێت ( 8 ) سال ب سه‌ر ژڤانا خوه‌ یا ئاسایی ڤه‌ چووینه‌،لێ ئه‌ز باوه‌رم پارتی نه‌ ژ به‌ر پرسگرێک و قه‌یرانێن ناڤا خوه‌ کۆنگره‌ ل دار نه‌خستیه‌،به‌لکو ژ به‌ر ره‌وشا گشتی یا ل رۆژهه‌لاتا ناڤین و ب تایبه‌تی کوردستان و عێراقێ.
ژ به‌رکو پارتی ل ژێر فه‌رمان و سه‌رۆکاتیا سه‌رۆکه‌کی حه‌کیم و وه‌لات ڵارێز دایه‌ و که‌ساتیا سه‌رۆک مه‌سعود بارزانی باندۆره‌کا مه‌زن ل سه‌ر سیاسه‌تا هوندرێ پارتی دکه‌ت.و ئه‌گه‌ر کۆنگره‌ ژ ئالیێ یاسای و ده‌مۆکراتیک ڤه‌ نه‌هاتبه‌ پێک ئانین ژی،لێ ژ به‌ر ڤێ خالێ نکاریه‌ باندۆره‌کا نه‌یێنی ل رێزێن پارتی بکه‌ت.
پارتی یا خۆ ئاماده‌کری و یا به‌ره‌و کۆنگرێ ( 13 ) ڤه‌ بله‌ز گاڤان تاڤێژیت،و بارێ سه‌ر ملێن وێ ژ جاران گه‌له‌ک یێ گرانتر لێ هاتی چوونکه‌ گه‌لێن کوردستانێ ب پرانی جاره‌کادی باوه‌ریا خوه‌ دا سه‌رۆک مه‌سعود بارزانی،و پارتیا ده‌مۆکراتا کوردستانێ و رێبازا شه‌هیدان.
و ئه‌ڤ چه‌نده‌ وه‌ت که‌ت،ئه‌رک و تێکوشینا وێ مه‌ستر و گرانتر لێ بێت،کو پارتی گۆرانکاریێن مه‌زن د هه‌یکه‌لێ خوه‌ یێ رێکخستنی و په‌یره‌و و پرۆگرامێ خۆدا بکه‌ت.
و ژ سه‌ری ڤه‌ خۆ نوو بکه‌ت،و ب باوه‌ریا من ده‌ما هندێ هاتیه‌ پارتی سه‌رخۆبوونا کوردستانێ بکه‌ت.ئارمانجا خوه‌ یا سه‌ره‌که‌یی خه‌باتێ ژ قوناغا فیدرالی و شارساتانیێ،به‌ره‌و سه‌رخوه‌بوون و ده‌مۆکرات بوونێ ڤه‌ ببه‌ت.
و ئه‌ڤ چه‌ندا هه‌ژی دێ برێکا کادرێ دلسۆژ و وه‌لات پارێز و خۆدان دسپلین و پره‌نسیپێن رێکخستنی و ده‌مۆکراتیک و گرێدانا وی یا ب رێک و چاند و توراسێ بارزانیێ نه‌مر و رێبازا شه‌هیدان ڤه‌، پێک هێت.د ڤی واری دا ئه‌ز دکارم نموونه‌کێ ژ کادرێ ل ئه‌ورپا د تێکوشین و خه‌باتێ دا. بۆ خوه‌نده‌ڤانێن هێژا بینم.
ل ئه‌ورۆپا ب گشتی و ل وه‌لاتێ هۆله‌ندا ب تایبه‌تی پرانیا کادرێن پارتی بێی به‌رانبه‌ر و ل به‌رچاڤ نه‌‌گرتنا به‌رژه‌وه‌ندیێن خوه‌ یێن که‌ساتی. وه‌ک پێشمه‌رگایه‌تی و شۆره‌شا ل سه‌ر ده‌ما جیایی،ب هه‌مان گیانی دناڤا به‌رخوه‌دانێ دانه‌.و دناڤا ڤاندا گه‌له‌ک که‌سێن ماندی نه‌ناس و وه‌لات پارێزێن مه‌زن ژی.
هه‌نه‌ کو ناڤێ خوه‌ دگه‌له‌ک سه‌روه‌ریان دا ب جیهه کرینه‌،و یه‌ک ژ وان ژی هه‌ڤال عومه‌ر زاویتی یه‌، و زێده‌ی ( 12 ) سالانه‌ زاویتی ناسدکه‌م و (6) ساله‌ژی ئه‌م ب هه‌ڤرا د لیژنا ناڤخۆیا هۆله‌ندا دا، کار و خه‌باتێ برێ ڤه‌ دبین.
هه‌ڤال عومه‌ر زاویتی د سالێن ( 1978 ) دا د ته‌مه‌نه‌کی بجووکدا په‌‌یوه‌ندیێ ب رێکخستنێن نهێنی یێن پارتی ل ناڤ باژێرێ دهۆکێ دکه‌ت.کو وێ ده‌مێ کوردستانا باشوور ب مرۆڤ و خاک و ئاڤ و هه‌وایێن خوه ‌ڤه‌ ل ژێر گه‌ف و بریارێن داگێرکه‌ران دا بوون.به‌لکو ژ به‌ر زۆرداریا داگێرکه‌ران پرانیا گه‌لێ مه‌ ئیراده‌و و چا‌ر‌نڤێسێ خوه‌ راده‌ستی داگێرکه‌ران کر بوون.لێ که‌سێن وه‌که‌ زاویتی د چپه‌‌رێ به‌رگری کرن و به‌رخوه‌دانێ دا بوون.و په‌‌یاما کوردایه‌تیێ و یا تێکوشه‌رێن پارتیا ده‌مۆکراتا کوردستانێ دگه‌هانده‌ گه‌لێ مه‌ یێ تێهنیێن ئازادی و سه‌ربه‌ستیێ،و ل سه‌ر ده‌مێ پێشمه‌رگاتیێ ژی که‌سه‌کی جان فیدا بوو و هه‌رده‌م دخوه‌ست که‌سێ یه‌کێ بیت د ناڤا چالاکیێن پارتیزانی دا.
و ب ڤێ دلسۆژیێ و هه‌ولدانێن خوه‌،رۆژ بۆ رۆژێ کاریا که‌سێن کوردپه‌‌روه‌ر و گۆری که‌رێن ئازادیێ ل خوه‌ ب جڤینیت،و حه‌تاکو ل سه‌ر ده‌مێن ئه‌نفالێن ره‌ش ل که‌مپا پا‌‌نابه‌ران ل باژێرێ مووشێ د ناڤا ئێش و ئازارێن مه‌زن دا.
ب جیهه دبیت و پاشان ژ به‌ر بار و دۆخێ وێ سه‌رده‌مێ ژ نه‌جاری خوه‌ گه‌هانده‌ ئه‌ورۆپا و ل وه‌لاتێ هۆله‌ندا،و هه‌ر یێ به‌رده‌وام بوو ل سه‌ر رێکا جان گۆریان،
و حه‌تا ئیرۆژی یێ به‌رده‌وامه‌ ل سه‌ر خه‌باتا خۆ و د پراکتیکێ دا سه‌لماند کو که‌سه‌کی رێکخستی و خۆدان دسپلینێن پارتایه‌تی یه‌ و ب سه‌ره‌کی بلند سینگێ وی یێ ڤه‌کری یه‌،بۆ ره‌خنه‌ و ره‌خنه‌ل خوه‌گرتنێ،ئانکو کادره‌کی مه‌یدانی یه‌ و دناڤا جه‌رگێ جه‌ماوری دا یه‌.ب دلسۆژی و چالاکیێن خوه‌،خوه‌ پله‌ ب پله‌ گه‌هانده‌ پله‌یا به‌رپرسیاریه‌تیا لیژنا ناڤخۆیا هۆله‌ندا.و یه‌که‌ ژ وان کادران یێ کو په‌‌یاما بارزانیێ نه‌مر ب راست و دوورستی دگه‌هینته‌ ته‌ڤایا گه‌لێ مه‌ ل سنورێ ناوچا هۆله‌ندا،و ب هه‌ڤالێن خوه‌ یێن دلسۆژ ڤه‌ شه‌ڤ و رۆژان دکه‌ن یه‌ک کو بشێن په‌‌یاما کوردایه‌تیێ و شه‌هیدان و بارزانیی نه‌مر کو پێکهاتیه‌ ژ خزمه‌ت کرنا ته‌ڤایا گه‌لێ مه‌،د وارێن سیاسی ئۆلی جڤاکی چاندی و ب دان و ستانا  خوه‌ یا هه‌ست سڤک دگه‌ل هه‌موو جین و ب تایبه‌تی نشتیمان په‌‌روه‌ر و ره‌نج کێشان،و مالبات و که‌س و کارێن شه‌هید و پێشمه‌رگه‌یێن کوردستانێ،و دگه‌ل ته‌ڤایا کورد و کوردستانیان بێی جوداهی.و سه‌ره‌رایی ده‌ست پاکی و پێشخستنا ئابۆری و دارای،و پاراستنا نهێنیێن پارتی و گرنگی دان ب رێکخستن و جه‌ماور و لایه‌نگرێن پارتی،و به‌رگری کرن ژ هه‌ڤالێن دلسۆژ و تێکوشه‌ر و پشتگری کرنا وان،بۆ به‌رو پێشڤه‌ تر.و پشته‌ڤانیا وی یا به‌رده‌وام بۆ ته‌خه‌یا نیڤا جڤاکا مه‌ پێک تینت،ژن و ئافره‌ت و لاو و خورت خوه‌نده‌ڤانان،هه‌له‌به‌ت ئه‌ڤ ره‌فتارێن جهێ شانازیێ ب سه‌رێ خوه‌ روویێ راسته‌قینێ پارتی و یێ کادرێ پارتی و په‌‌یاما بارزانیێ نه‌مر و شه‌هیدان دگه‌هینیت،و د ڤێ رێکێدا خزمه‌تا تڤایا وه‌لاتێ خوه‌ دکه‌ت،و سودێ دگه‌هینته‌ جڤاک و پێشکه‌فتنا وه‌لاتێ خوه‌ و ب ڤی ئاوای جڤاکه‌ک و که‌ساتیه‌کا ساخله‌م و ب ته‌ندروسته‌یه‌کا باش د ئافرینه‌،ئانکو بێی به‌رژه‌وه‌ندیێن که‌ساتی د بیته‌ پێشه‌نگ و نموونه‌یا فیداکاریێ.ئاها پارتی دکاریت ب ڤی کادرێ راسته‌قین،و ب ڤی ئاوای خوه‌ ل سه‌ر پیان بگره‌ و هه‌رده‌م باوه‌ریا گه‌لێ کورد و کوردستانیان بۆ خۆه‌ بینه‌،و پێشه‌نگا ته‌ڤایا پارتیان به‌ ژی.
لێ به‌رۆڤاژی ڤێ چه‌ندێ گه‌لێ مه‌ نه‌پێدڤی وی به‌رپرسی و کادری یه‌،یێ به‌رژه‌وه‌ند په‌‌رست و که‌س و کار په‌‌رست،و لاده‌ر ژ په‌‌یره‌و و په‌ۆگرامێ ناڤخۆ یێ پارتی،و زیانگه‌هاندنا دارای و ئابۆریێ و به‌رژه‌وه‌ندیێن گشتی یێن پارتی.و ( 24 ) ده‌م ژمێران د کۆچک و سه‌رایێن خۆ ڤه‌ و دگه‌ل هندێ ژی ( 7 ) ده‌رگه‌هان ژی ل پشت خۆ دگریت،دا کو ب مه‌هان ژی چوو تێکوشه‌ر و وه‌لات پارێبز نه‌گه‌هنه‌ ده‌ف.و ب ڤان ره‌فتارێن دوور ژ شۆره‌شگێران ببیته‌ سه‌ده‌مێ هندێ کو زیانێ بگه‌هینته‌ ئه‌ندام و لایه‌نگر و جه‌ماورێ پارتی و به‌رۆڤاژی په‌‌یاما بارزانیێ نه‌مر و شه‌هیدا بیت،و ده‌ما زیان بگه‌هنه‌ پارتی تێته‌ وێ رامانێ کو زیان گه‌هشتینه‌ به‌رژه‌وه‌ندیێن هه‌موو گه‌لێ کورد.چوونکه‌ پارتی خودان جه‌ماوره‌ و هه‌ڤ سه‌نگیا خوه‌ د قادا ناڤنه‌توه‌ی دا هه‌یه‌ و نوێنه‌ریا پرانیا کورد و کوردستنیان دکه‌ت.
وێ ده‌مێ نه‌ د ئالیێ سیاسی دا زیان دگه‌هنه‌ پارتی و گه‌لێ کورد،به‌لکو د ئالیێن ئابۆری دیپلۆماسی ،زانستی، له‌شکه‌ری، جڤاکی ،دا ژی د گه‌هنێ و دبیته‌ سه‌ده‌مێ په‌‌یدابوونا گه‌نده‌لی و قه‌یرانێن ئیداری و نه‌ ئارامیا ره‌وشێ و ژ ده‌ست دانا ده‌ستکه‌فت و سه‌روه‌ریان.
ئاها ل ڤێره‌ بۆ قوناخا بێت دڤێت د کۆنگرێ ( 13 )ێ دا ئه‌ڤ خاله‌ ب باشی بێته‌ هه‌لسه‌نگاندن،و گرنگی ب کادرێ دلسۆژ و راسته‌قین بێته‌ دان.و ده‌ستهه‌لاتا وی زێده‌تر لێ ب هێت و خودانێ بریارێ بیت،ل سنورێ ده‌ستهه‌لاتداریا خوه‌،و یێ ڵشت راست بیت ژ پشته‌ڤانیا جه‌نابێ سه‌رۆک بارزانی و مه‌کته‌با سیاسی،و هه‌موو ده‌رگه‌ه ژی بۆ د ڤه‌کری بن دا بکاریت وه‌ک مێشا هنگڤینی کار بکه‌ت.دێ ب سایا ڤی کادری پارتی شێت خۆ ژ قه‌یرانێن ناڤخوه‌یی و ده‌ره‌کی پارێزیت،و هه‌رده‌م یا خوه‌ رست بیت و ب چوو ئاوایان نه‌هه‌ژیت.
لێ دڤێت ب ته‌ڤایی به‌رۆڤاژی ڤێ چه‌ندێ ره‌فتارێ دگه‌ل کادرێ خوه‌په‌‌رست و به‌رژه‌وه‌ند و که‌س و کار ڵه‌رست و ترسنووک و گه‌نده‌لکار بیت.و هه‌ول بده‌ن باوه‌ریا پارتی ژێ وه‌ربگرن،و هه‌موو رێک و جیهه و واران لێ ته‌نگ بکه‌ن.و ل گۆر په‌‌یره‌و و پرۆگرامێ پارتی بێخنه‌ ژێر سزایێن دژوار و لێ پرسینێ،داکو پارتی هه‌را ته‌مه‌ن درێژ بیت و خودانا گیان و ته‌ندروستیه‌کا ساخله‌م بیت.